የኢትዮጵያ አየር መንገድ ግሩፕ ዋና ስራ አስፈፃሚ አቶ መስፍን ጣሰውና ሌሎች የአመራር አባላት በኢትዮጵያ ፌደራል ፖሊስ ኮሚሽን ዋና መስሪያ ቤት ተገኝተው ጉብኝት አካሂደዋል።
በጉብኝታቸውም ወቅት የኢትዮጵያ ፌደራል ፖሊስ ፈጣን መረጃን መስጠትና መቀበል የሚችልበት ዘመናዊ የቴክኖሎጅ አቅም መፍጠሩ በአየር መንገዱ በኩል ወደ ኢትዮጵያ የሚገቡና የሚወጡ ደንበኞችን ያለምንም የፀጥታ ስጋት መንቀሳቀስ እንዲችሉ እንደሚያደረግና ለሀገር ገፅታ ግንባታም ትልቅ ሚና እንዳለው አንስተዋል፡፡
የኢትዮጵያ አየር መንገድ ዝነኛ ሆኖ በአለም አቀፍ ደረጃ በረራውን እያከናወነ ያለውና የበረራ ኦፕሬሽኖቹ አስተማማኝ የሆኑት የኢትዮጵያ ፌደራል ፖሊስ ባደረገው አስተማማኝ የጥበቃ ተግባር መሆኑን ገልፀው በሁሉም የሀገራችን ክፍል ተሰማርተው የድርጅቱን ንብረት እንዲሁም ከውጭ የሚመጡ መንገደኞችን በቂና አስተማማኝ በሆነ መልኩ የጥበቃ አገልግሎት እንዲያገኙ ላደረጉ የፖሊስ አመራሮችና አባሎች ምስጋና አቅርበዋል፡፡