Müstəqil araşdırmaçı Bayram Axundov: “70-80-ci illərdən artıq yeni urbanizm hərəkatı güc toplayırdı və böyüyürdü. Amma yeni bir problem yarandı. Bu problem də o idi ki, inkişafda olan şəhərlər bir uğur modeli kimi ənənəvi Qərb şəhərini özlərinə seçdilər.”

Qonağımızın tam çıxışını həm YouTube kanalımızda izləyə, həm də Spotify və Apple Podcasts vasitəsilə dinləyə bilərsiniz.

@akinchiproject

❗️Şəxsi mesajlara yazırlar ki, təmirdən çıxmış Bəsti Bağırova küçəsini parkovşiklər ələ keçiriblər. Bu məlumatı kim təsdiqləyə bilər?

P.S. BNA demişdir ki, bu küçədə rəsmi ödənişli parkinq sistemi pilot layihə kimi tətbiq edəcəklər.

​​"Sovet dövrünün Berlini".
⠀
🇩🇪 Almaniyadan növbəti videobloq üçün təxmini belə bir başlıq fikirləşmişdim. İndiki hadisələrin fonunda bu bir ironiya kimi səslənir.
⠀
Berlindən çəkdiyim son vloqumda artıq anons vermişdim ki, Almaniyanın paytaxtındakı yaşayış massivlərindən də reportaj hazırlayacam.
⠀
Xüsusilə mən Şərqi Berlini Sizə göstərmək istəyirəm. Burada bizim gözə daha "doğma" görsənən panel tipli "xruşovka" və "leninqradka"lara rast gəlmək olar.
⠀
Buna baxmayaraq, hələ Sosialistik Almaniyada bizim bina və həyətlərə nisbətən daha yaxşı və səliqəli proyektlərə rast gəlmək olar.
⠀
Lakin heç bir halda belə dövrə qayıtmaq olmaz, Putinin arzuladığı "sovet imperiyası" keçmişdə qalmalı, ölkələr isə müasir və müstəqil istiqamətdə inkişaf etməlidir.
⠀
⏳Bir qədər səbr edin, yaxın günlərdə video gəlir.

🇩🇪 Karl Marks prospekti və "МОСКВА" restoranını düz Avropanın mərkəzində təsəvvür etmisiniz?
⠀
Almaniyanın ən inkişaf etmiş şəhərlərinin birində hələ də bizə tanış olan "xruşovka", "leninqradka" və "stalinka"lara rast gəlmək olar.
⠀
Bura Şərqi Berlindir - Sovet İttifaqının təsirinə düşmüş Almaniya Demokratik Respublikasının paytaxtı.
⠀
30 ildir ki, SSRİ dağılıb və bugün burada kommunizm ruhu qalsa da, bu yaşayış massivləri istənilən digər post-sovet şəhərlərinə nisbətən daha çox inkişaf edib.
⠀
Almaniyada olarkən Şərqi Berlini məhz sizə göstərmək üçün gəzdim, çəkdim və növbəti reportajda sizinlə paylaşıram ⤵️

https://youtu.be/6ddNbm0Teb0

Üzeyir Hacıbəyli küçəsindəki velosiped zolaqlarını, nəhayət ki, rəngləməyə başladılar.

İndi qaldı bunların normal yolayrıcıları.

P.S. Fikir verin ki, sağda da artıq velosiped mağazası da açıldı 🙂

Foto: Facebook / Cycling Baku

🚆 Bakı-Gəncə qatar biletlərinin problemi nədir, bilirsiniz?
⠀
Sabahdan Bakıdan Gəncəyə hərəkət edən sürət qatarların fəaliyyəti, nəhayət ki, bərpa edilir. Fikir verdim ki, sosial şəbəkələrdə bu qatara biletlərinin qiymətləri 10 AZN-dən 20 AZN-ə qalxması narazılıqlara səbəb olub.
⠀
Əslində, qatar biletlərinin qiyməti bazar iqtisadiyyatına uyğun olaraq tələb və təklif ilə tənzimlənməlidir. Aviabiletlərinin qiymətləri kimi. Tələbat olan tarixlərə və boş yerlərin sayı az qalanda qiymətlər qalxmalıdır və əksinə. Məhz bu halda sərnişinləri cəlb etmək olar.
⠀
Avropa daxilində qatarla səyahət edənlər bunu bilirlər. Bu yaxında elə özüm də Berlindən Budapeştə qatarla gəlmişdim. Eyni istiqamətdə fərqli tarixlərə biletin qiyməti 30 avrodan 100 avroyadək dəyişirdi (eyni tipli qatar, eyni marşrutda).
⠀
Bakı-Gəncə qatarını doldurmaq üçün də bu cür yanaşma tətbiq olunmalıdır. Tutaq ki, ilk boş yerlər olsun 5-10 AZN, qatar dolduqca və tələbat yuxarı olanda (tutaq ki, bayram ərəfələrində) mərhələli şəkildə tarifləri dəyişmək olar.
⠀
Azərbaycan Dəmir Yolları isə "fix price" qiymət siyasətini apararaq həm qatara sərnişinləri qısa zamanda cəlb edə bilmir, həm də əlavə narazılıqlarla qarşılaşırlar.
⠀
💡 Bu arada, YouTube-kanalımda Berlindən Budapeştə getdiyim qatar səyahətinə dair videoreportaj paylaşacam, abunə olmağı unutmayın!

#dəmiryolu

İnsanlar hərəkət edərkən əksər hallarda daha qısa yolu seçəcəklər. Urbanistikada buna "arzular xətti" deyirlər ("desire path").
⠀
Bura Almaniyadır və belə davranışa istənilən ölkədə rast gəlmək olar.
⠀
🇩🇪 Berlin haqqında vloq-dan bir parça. Tam videonu buradan izləyin.

Təsəvvür edin ki, öz həyətinizdə maşın saxlamaq sizdən pul alırlar.

Absurd görsənir, axı bu SİZİN həyətinizdir.

Amma Berlin kimi şəhərdə bu adi bir haldır.

Müasir yaşayış kompleksini özünə necə təsəvvür edirsiniz?

Hündür 20-mərtəbəli göydələnlər, ətrafı isə parkinqə çevrilmiş böyük səhralar?
⠀
Avropada isə yeni yaşayış massivlərini tam başqa cür layihələndirirlər. Buradakı həyətlərə maşınların girişi qadağandır. Binalar 5-7 mərtəbəlidir və dizayn cəhətindən daha rəngarəngdir. Həyətin içindi parkinqin əvəzinə ağaclar, uşaq və böyüklər üçün istirahət zonaları yaradılıb.
⠀
🇩🇪 Berlində olarkən bu cür yeni binaların həyətlərini gəzdim və kiçik reportaj hazırladım.
⠀
İzləyin və ən əsası paylaşın ki, bizim soydaşlarımız görsün ki, müasir yeni tikililər əslində necə olmalıdır.
👇
https://youtu.be/Fx3tDEWkf7M

🚲 Bakının yeni velosiped yollarının bəyəndiniz?
⠀
Mərkəz küçələrdə salınan velosiped yollarına getdim canlı baxdım və bir sıra iradlarım var.
⠀
Ətraflı yeni məqalədə: 👇
https://city4people.az/post/baki-velosiped-zolaqlari/

​​✉️ Dövlət qurumlarına nə vaxtsa şikayət və müraciətlər göndərmisiniz?
⠀
Bəzi soydaşlarımız isə mütəmadi şəkildə bunu edir. Ola bilsin deyəcəksiniz ki, çox vaxt müraciətlərə əsaslı baxılmır və yaxud şablon cavablar verərək sizi "yola verirlər".
⠀
Amma bu məsələdə əsas odur ki, sizi eşidirlər, problemdən xəbərdar olurlar. Bəzi "inadkar" soydaşlarımız isə müraciətlərini Prezident Administrasiyasına qədər göndərir, problemi bütün üsullarla həll etməyə çalışır.
⠀
Təəssüf ki, mövcud reallığımız budur ki, bəzi məsələlər yalnız dövlət başçısına çatandan sonra həll olunur.
⠀
Məncə, Prezident Administrasiyasının Vətəndaş Qəbulu Mərkəzinin ümidverici bir addımdır. Əvvəllər müraciətləri yalnız sayt və yaxud poçt vasitəsilə göndərmək mümkün idisə, artıq canlı şəkildə bunu etmək mümkün olacaq.
⠀
Təbii ki, "yaşadığım küçədə səki yoxdur" kimi müraciətləri PA-ya yox, ilk növbədə aidiyyatı qurumlara göndərmək lazımdır. Lakin onlar sizin əsaslandırılmış müraciətə cavab vermirsə, sizi iqnor edirsə, Prezident Administrasiyanı şikayət göndərmək tam haqqınız var.
⠀
Odur ki, susmayın. Müraciətlər göndərmək sizin vətəndaş hüququnuzdur.

Dövlət qurumlarına müraciət qaydasını mən bloqda ətraflı izah etmişdim.

MİDA-nın evləri ətrafında növbəti qalmaqal yaranıb. Guya mənzillər çox tez satılıb, kimsə botlardan istifadə edib və s.
⠀
Eybəcər, sovet görünüşlü, insfrastrukturu zəif olan MİDA komplekslərini heç vaxt bəyənməmişəm.
⠀
Amma, misal üçün, Avropada ortastatistik yeni yaşayış massivləri bu videodaki kimidir. Evlər unikal dizaynla fərqlənir, həyətlər isə yaşıl və maşınsızdır.
⠀
Siz indi bunu "MİDA" ilə müqayisə edin...
⠀
Tam video YouTube-kanalında.

🇪🇺 🚄 Avropada qatarla səyahət: vağzallar, xidmətlər və qiymətlər.
⠀
Avropanın demək olar ki bütün ölkələrini sürətli qatar şəbəkəsi birləşdirir. Bəs bu qatarlar hansı sürətlə hərəkət edir, biletlər neçəyə başa gəlir və hansı xidmətlər təklif edir?
⠀
Bakı-Sumqayıt qatarı ən müasir standartlara cavab verirmi?
⠀
Bu suallara cavab vermək üçün və ən əsası soydaşlarımıza Azərbaycan və Avropa dəmir yollarının fərqini göstərmək üçün Berlindən Budapeştə qatarla yola düşdüm.
⠀
Səyahət boyunca 3 qatar və 3 vağzal dəyişərək hər maraqlı məqamı videoya çəkdim. Nəticədə məncə maraqlı videoreportaj alındı. İzləyin və fikrinizi bildirin 😉
⠀
👇
https://youtu.be/P32QuvFV0Xc

#vloq #dəmiryolu

Dubay deyil, Qobustandır. Yolu qum fırtınası örtür.

🛑 Bundan sonra Bakıda "Google Maps" xəritəsində ictimai nəqliyyat marşrutları görünməyəcək.
⠀
Deməli, bir qrup fəal vətəndaş var, onlar "Google Maps" üçün Bakının bütün avtobus marşrutlarını, metro stansiyalarının xəritələrini sistemə salıb ki, insanlar bundan faydalansın. Xidmətin adı "Transit for Baku"-dur.
⠀
İndi həmin fəal vətəndaşlar deyirlər ki, BNA tərəfindən marşrutlar haqqında məlumat gecikir, təqdim olunmur, göndərilən sorğular isə cavabsız qalır. Ona görə yaxın günlərdə bu məlumatlandırma sistemi Google-xəritələrdən yığışdırılacaq.
⠀
Nəticədə, kimə pis oldu? Bəli, ictimai nəqliyyat istifadəçilərinə, A nöqtəsinə B nöqtəsinə çatmaq daha da çətin olacaq. İctimai nəqliyyatın cəlbedici olmaması yenə də əlavə tıxaclara gətirəcək (insanlar maşın almağa meyilli olacaq).
⠀
Xatırladım ki, bir çox ölkələrdə, o cümlədən bu yaxınlarda olduğum Türkiyədə, nəyinki marşrutun özü, hətta avtobus və qatarın neçə dəqiqədən sonra gəlməsi Google Maps-də görsənir. Və bu məlumat hansısa həvəskar deyil, dövlət səviyyəsində təqdim olunur.
⠀
❓ Bizdə isə bəs necə? Hətta dövlətin nəznində olan "bakubus.az" saytı artıq 2 ilə yaxın işləmir. Buna görə məncə həm Bakubus, həm Bakı Nəqliyyat Agentliyi utanmalıdır.
⠀
"Transit for Baku" komandasının açıq müraciəti bu linkdən oxuya bilərsiniz.

❗️Bugün paylaşdığım postun bu qədər rezonanslı olduğunu düşünməzdim, məndən hətta çox vaxt tərəflərini saxladığım BNA əməkdaşları inciyib.
⠀
Bu postu indi onlara həsr edirəm ki, heç kim düşünməsin ki, Bakı Nəqliyyat Agentliyinə qarşı şəxsi-qərəzliyim var.
⠀
Mən dəfələrlə qeyd etmişəm, yenə də qeyd edirəm ki, Bakı şəhərinə urbanistik islahatları gətirmək istəyən yeganə qurum BNA-dır. Bəsti Bağırova küçəsində yenidənqurma işlərini hər kəs pisləyəndə mən tərifləmişəm. Hətta reportaj hazırlamışam, yaxın günlərdə YouTube-da paylaşılacaq.
⠀
BNA-nın avtobus zolaqlarına əksəriyyət qarşı çıxanda onlara tək-tük dəstək verən səhifələrdən biri elə budur.
⠀
Amma! Son illər ərzində BakuBus-un geriyə addımlası göz qabağındadır, özü də bu barədə şikayət edən tək mən deyiləm.
⠀
Avtobuslarda dayanacaqların adları səsləndirilmir, onlayn-izləmə işləmir (öncə qeyd etdiyim bakubus.az saytı), dayanacaqlarda cədvəl haqqında heç bir məlumat yoxdur. İndi də bu GoogleMaps naviqasiyası da yox ola bilər.
⠀
Bir vacib və eyni zamanda sadə bir qayda var, onu anlamaq lazımdır. İctimai nəqliyyatı cəlbedici edən İLK NÖVBƏDƏ onun saat kimi işləməsi və cədvəlin sərnişinlərə maksimum dərəcədə aydın və proqnozlaşdırıcı olmasıdır.
⠀
Əgər mən bilmirəm ki, mənim avtobusum nə vaxt gələcək, harada dayanacaq və hansı intervalla hərəkət edəcək, o zaman onun kondisionerli "Iveco" və yaxud 90-cı illərdən qalmış "Daewoo"-nun olması çox az əhəmiyyət kəsb edir.
⠀
Eybi yox, qoy məndən inciyən və küsənlər olsun, təki şəhərdə heç olmasa kiçik addımlarla inkişaf olsun. Çünki tənqidsiz inkişaf olmur, xüsusilə bizim cəmiyyətdə.