👆🚷 Silinmiş piyada keçidlərinin heç bir faydası yoxdur.
⠀
Bəzi dövlət qurumları fikirləşir ki, əgər hər hansı bir yerdə nizamlanmayan piyada keçidini ("zebra"-nı) silsələr və nişanı yığışdırsalar sürücülərə böyük bir hədiyyə edib, onları tıxaclardan qurtaracaqlar.
⠀
Bu, daha çox Dövlət Yol Polisinin strategiyası, amma BNA də bu məsələni qlobal olaraq hələ ki həll edə bilmir.
⠀
Lakin, sözügedən qurumlar 3 faktoru nəzərə almır:
⠀
🔻 İnsanlar robot deyil, onlar hər zaman öz daxili enerjisinə qənaət edib, daha qısa marşrut seçəcəklər (10 metrlik yolu keçmək üçün heç kim 300 metrlik dairə vuran deyil, xüsusi ilə bu videoda göstərilən adi bir şəhər yolunda). Hələ bunu yaşdısı var, araba ilə olanı var və s.
⠀
🔻 Piyada keçidlərinin yığışdırılması tıxac problemini həll etmir, sürücülər sadəcə kiçik bir hissəni 3-5 saniyə daha tez keçir, lakin növbəti yolayrıcıda yenidən svetofora dirənir.
⠀
🔻 Şəhər nə qədər ki çox piyadalar üçün narahat edilir, bir o qədər çox insan özünə avtomobil alır və tıxaclar da daha bərbad olur.
⠀
Videoda açıq-aşkar göstərilir ki, insanlar öz davranışını dəyişməyə meyilli deyil və orada "zebra"nın silinməsi heç bir effekt verməyib. Sadəcə əlavə qəza ocağı yaradılıb.
⠀
Ümid edirəm, BNA-nın yeni rəhbərliyi bu məsələləri dərk edib, keçmişdə bu cür absurd atılmış addımların fəsadlarını aradan qaldıracaq.
⠀
📹: Saleh Nasirov

Azərbaycanda baş verən qəzalarının təxmini yarısı pis və yaxud təhlükəli şəkildə təşkil olunmuş küçə-yol infrastrukturudur.
⠀
Yol keyfiyyətindən tutmuş nişanlanmaya qədər.
⠀
Acınacaqlısı isə odur ki, cəzanı çəkən hər zaman sürücülərin özləri olur. Ya cərimə ilə, ya da öz həyatı bahasına.

🇳🇱🚲 Bilirdinizmi, bu gün Niderlandda 29.000 km-dən çox xüsusi ayrılmış velosiped zolaqları var?
⠀
Çünki bu ölkədə demək olar ki hamı velosiped sürür.
⠀
Əhalinin 84%-nin ən azı bir velosipedi var. Hamının: qulluqcudan tutmuş, kraliça Beatriksə qədər.
⠀
Hətta avtomobili olanlar da velosipeddən istifadə edirlər, çünki o, daha sürətli, həmişə daha ucuz və sağlam ola bilər.
⠀
Bəs Niderlandda buna necə nail oldular?
⠀
Bloqumuzun yeni yazısında bu mövzuya böyük diqqət yetirən dostumuz Arzu Suleymanov Niderlandın velosiped tarixini və mövcud infrastrukturdan ətraflı məqalə yazıb.
⠀
Oxuyun və Bakıda heç vaxt velosiped populyar olmayacaq deyən dost və tanışlarınıza da bu məqaləni göndərin.
⠀
👇
⠀
https://city4people.az/post/niderland-velosiped/

🏃‍♂️🚗 Uşaqlar və həyətlər.
⠀
👆Bu videonu izləyici göndərib. Şikayət edir ki, blokdan çıxış birbaşa olaraq həyətə çıxır ki, hansı ki tranzit kimi küçələr arası yol kimi istifadə olunur.
⠀
"Dəfələrlə burada qəzalar baş versə də, nə icra Hakimiyyəti, nə AAYDA, nə BNA nə də Yol Polisi heç bir tədbir görmür" - izləyici yazır.
⠀
Bu cür hallara dair iki məsləhət vermək olar:
1) Problem həll olunmayadək təkrar müraciətlər göndərin, zəng edin, məmurların qəbuluna yazılın. Bu, sizin vətəndaş hüququnuzdur.
⠀
2) Həyətinizdə uşaqlarınız üçün təhlükəsiz şərait istəyirsinizsə, onu maşınlardan azad etməyi tələb edin. Bu gün hər kəsin arzusudur ki, öz həyətində istədiyi yerdə maşın saxlasın, parkinq üçün əlavə pul ödəməsin. Lakin parkinqə çevrilən həyət heç vaxt təhlükəsiz sayıla bilməz.
⠀
Mən hələ burada hər hansı bir rahatlıqdan danışmıram.

Rusiyanın şəhərlərindən nə qədər yaxşı və "insanyönümlü" misallar göstərsəm də, etiraf etmək lazımdır ki, bugün ölkənin başında duran Putinin əməllərinə heç bir bəhanə yoxdur.
⠀
Tarixboyu qardaş sayılan ölkəyə bugün tanklarla hücum etməsini heç kim təsəvvür edə bilməzdi.
⠀
Hazırda Ukraynlıları bizim kimi başa düşən çox az ölkə olar. Torpaqların işğalı, gecə ilə şəhərləri atəşə tutulması - biz bunların hamısını yaşamışıq.
⠀
Tezliklə müharibənin bitməsini arzu edirəm.
Xarkov metrosunda kafelin üzərində yatan körpə uşaqları görəndə lap çox üzüldüm.
⠀
Fotoda: Berlinin Brandenburq qapısı bu axşam.

🇫🇷🇺🇦 Paris

🇺🇦 "Ukravtodor"dan kreativ.
⠀
Ukraynanın Avtomobil Yolları Dövlət Agentliyi düşməni çaşdırmaq üçün yol nişanlarını demontaj etməyə və yaxud üzərində mövcud olmayan istiqamətləri qeyd etməyə çağırır.
⠀
Bu şəkli agentlik öz rəsmi Facebook səhifəsində "НЕХУЙ ШАСТАТЬ" başlığı ilə paylaşıb.
⠀
Tərcüməyə ehtiyac yoxdur, yəgin ki 🙂

Müstəqil araşdırmaçı Bayram Axundov: “70-80-ci illərdən artıq yeni urbanizm hərəkatı güc toplayırdı və böyüyürdü. Amma yeni bir problem yarandı. Bu problem də o idi ki, inkişafda olan şəhərlər bir uğur modeli kimi ənənəvi Qərb şəhərini özlərinə seçdilər.”

Qonağımızın tam çıxışını həm YouTube kanalımızda izləyə, həm də Spotify və Apple Podcasts vasitəsilə dinləyə bilərsiniz.

@akinchiproject

❗️Şəxsi mesajlara yazırlar ki, təmirdən çıxmış Bəsti Bağırova küçəsini parkovşiklər ələ keçiriblər. Bu məlumatı kim təsdiqləyə bilər?

P.S. BNA demişdir ki, bu küçədə rəsmi ödənişli parkinq sistemi pilot layihə kimi tətbiq edəcəklər.

​​"Sovet dövrünün Berlini".
⠀
🇩🇪 Almaniyadan növbəti videobloq üçün təxmini belə bir başlıq fikirləşmişdim. İndiki hadisələrin fonunda bu bir ironiya kimi səslənir.
⠀
Berlindən çəkdiyim son vloqumda artıq anons vermişdim ki, Almaniyanın paytaxtındakı yaşayış massivlərindən də reportaj hazırlayacam.
⠀
Xüsusilə mən Şərqi Berlini Sizə göstərmək istəyirəm. Burada bizim gözə daha "doğma" görsənən panel tipli "xruşovka" və "leninqradka"lara rast gəlmək olar.
⠀
Buna baxmayaraq, hələ Sosialistik Almaniyada bizim bina və həyətlərə nisbətən daha yaxşı və səliqəli proyektlərə rast gəlmək olar.
⠀
Lakin heç bir halda belə dövrə qayıtmaq olmaz, Putinin arzuladığı "sovet imperiyası" keçmişdə qalmalı, ölkələr isə müasir və müstəqil istiqamətdə inkişaf etməlidir.
⠀
⏳Bir qədər səbr edin, yaxın günlərdə video gəlir.

🇩🇪 Karl Marks prospekti və "МОСКВА" restoranını düz Avropanın mərkəzində təsəvvür etmisiniz?
⠀
Almaniyanın ən inkişaf etmiş şəhərlərinin birində hələ də bizə tanış olan "xruşovka", "leninqradka" və "stalinka"lara rast gəlmək olar.
⠀
Bura Şərqi Berlindir - Sovet İttifaqının təsirinə düşmüş Almaniya Demokratik Respublikasının paytaxtı.
⠀
30 ildir ki, SSRİ dağılıb və bugün burada kommunizm ruhu qalsa da, bu yaşayış massivləri istənilən digər post-sovet şəhərlərinə nisbətən daha çox inkişaf edib.
⠀
Almaniyada olarkən Şərqi Berlini məhz sizə göstərmək üçün gəzdim, çəkdim və növbəti reportajda sizinlə paylaşıram ⤵️

https://youtu.be/6ddNbm0Teb0

Üzeyir Hacıbəyli küçəsindəki velosiped zolaqlarını, nəhayət ki, rəngləməyə başladılar.

İndi qaldı bunların normal yolayrıcıları.

P.S. Fikir verin ki, sağda da artıq velosiped mağazası da açıldı 🙂

Foto: Facebook / Cycling Baku

🚆 Bakı-Gəncə qatar biletlərinin problemi nədir, bilirsiniz?
⠀
Sabahdan Bakıdan Gəncəyə hərəkət edən sürət qatarların fəaliyyəti, nəhayət ki, bərpa edilir. Fikir verdim ki, sosial şəbəkələrdə bu qatara biletlərinin qiymətləri 10 AZN-dən 20 AZN-ə qalxması narazılıqlara səbəb olub.
⠀
Əslində, qatar biletlərinin qiyməti bazar iqtisadiyyatına uyğun olaraq tələb və təklif ilə tənzimlənməlidir. Aviabiletlərinin qiymətləri kimi. Tələbat olan tarixlərə və boş yerlərin sayı az qalanda qiymətlər qalxmalıdır və əksinə. Məhz bu halda sərnişinləri cəlb etmək olar.
⠀
Avropa daxilində qatarla səyahət edənlər bunu bilirlər. Bu yaxında elə özüm də Berlindən Budapeştə qatarla gəlmişdim. Eyni istiqamətdə fərqli tarixlərə biletin qiyməti 30 avrodan 100 avroyadək dəyişirdi (eyni tipli qatar, eyni marşrutda).
⠀
Bakı-Gəncə qatarını doldurmaq üçün də bu cür yanaşma tətbiq olunmalıdır. Tutaq ki, ilk boş yerlər olsun 5-10 AZN, qatar dolduqca və tələbat yuxarı olanda (tutaq ki, bayram ərəfələrində) mərhələli şəkildə tarifləri dəyişmək olar.
⠀
Azərbaycan Dəmir Yolları isə "fix price" qiymət siyasətini apararaq həm qatara sərnişinləri qısa zamanda cəlb edə bilmir, həm də əlavə narazılıqlarla qarşılaşırlar.
⠀
💡 Bu arada, YouTube-kanalımda Berlindən Budapeştə getdiyim qatar səyahətinə dair videoreportaj paylaşacam, abunə olmağı unutmayın!

#dəmiryolu

İnsanlar hərəkət edərkən əksər hallarda daha qısa yolu seçəcəklər. Urbanistikada buna "arzular xətti" deyirlər ("desire path").
⠀
Bura Almaniyadır və belə davranışa istənilən ölkədə rast gəlmək olar.
⠀
🇩🇪 Berlin haqqında vloq-dan bir parça. Tam videonu buradan izləyin.

Təsəvvür edin ki, öz həyətinizdə maşın saxlamaq sizdən pul alırlar.

Absurd görsənir, axı bu SİZİN həyətinizdir.

Amma Berlin kimi şəhərdə bu adi bir haldır.

Müasir yaşayış kompleksini özünə necə təsəvvür edirsiniz?

Hündür 20-mərtəbəli göydələnlər, ətrafı isə parkinqə çevrilmiş böyük səhralar?
⠀
Avropada isə yeni yaşayış massivlərini tam başqa cür layihələndirirlər. Buradakı həyətlərə maşınların girişi qadağandır. Binalar 5-7 mərtəbəlidir və dizayn cəhətindən daha rəngarəngdir. Həyətin içindi parkinqin əvəzinə ağaclar, uşaq və böyüklər üçün istirahət zonaları yaradılıb.
⠀
🇩🇪 Berlində olarkən bu cür yeni binaların həyətlərini gəzdim və kiçik reportaj hazırladım.
⠀
İzləyin və ən əsası paylaşın ki, bizim soydaşlarımız görsün ki, müasir yeni tikililər əslində necə olmalıdır.
👇
https://youtu.be/Fx3tDEWkf7M