🚦Bakıda svetoforlarda qurşadırılan taymerləri demontaj edəcəklər.

Düzgün qərardır. Dünya təcrübəsi göstərdi ki, bu cür kəsişmələrdə yol nəqliyyat hadisələrinin sayı daha çox olur, çünki sürücülər taymerin son saniyələrində özünü çatdırmaq istəyir, sürətini artırır, fəsadlar isə daha ağır olur.

Bu cür taymerlərin piyada svetoforlarında quraşdırılması daha məqsədəmüvafiq ola bilər.

Bakıda piyadaların vurulması qəzaların 65%-ni təşkil edir! 💥
⠀
Bəs bu qəzaların günahkarı kimdir?
⠀
Bu sualı Dövlət Yol Polisinin rəsmilərinə ünvanlayanda adətən cavab belə olur: "Bizim piyadalar məsuliyyətsizdir, yolu düzgün keçmir, sürücülər isə qaydalara əməl etmir, kifayət qədər diqqətli olmur."
⠀
Bu sözlərdə qismən həqiqət var, amma qəzaların və ölümlərin əsl səbəbləri bunlar deyil.
⠀
Qəzaların əsas təqsirkarı infrastrukdurdur. Yaxşı xəbər odur ki, biz qısa bir zamanda vəziyyəti müsbət tərəfə dəyişə bilərik.
⠀
Ətraflı yeni yazıda: 👉 https://city4people.az/post/bakida-piyada-soyqirimi/

Bakı Ağ Şəhərdə əks istiqamətləri ayırmaq üçün gözəl yaşıl zolaq təşkil ediblər. Bu həm əlavə təhlükəsizlik, həm gözəllikdir. 👍
⠀
Amma nəyə görəsə bu küçədə bir dənə də olsun piyada keçidi görünmür. Bu cür sıx yaşayış məkanında insanlar küçənin bir tərəfindən digərinə necə keçsin axı? 🤦‍♂️
⠀
Necə olur ki, bəzək üçün bütün küçə boyu sarı xətlər çəkmək olar (hansı ki qanuna ziddir, ağ olmalıdır), amma əlavə piyada zolağı çəkmək üçün kraska tapılmır? ❓
⠀
Foto: AAYDA səhifəsindən.

UPDATE: Deyirlər, müvəqqəti maketlərdir.
**
Ağ Şəhərdə "Qarabağ atları" meydanı.

Gözləmə və reallıq 😂

Ona görə heç vaxt qəşənq 3D-eskizlərə inanmaq olmaz :))

"Mövcud keçidlərdən istifadə edin, başqa təklif edəcəyimiz real vəziyyətdə bir şey yoxdur"
⠀
Tural Yusifovun verilişində çıxış edən Dövlət Yol Polisinin əməkdaşı yenə də günahı piyadalarda görür. Şəhərin mərkəzində şosseyə bənzər yol inşa edilib, narahat yeraltı və yerüstü keçidlər qoyulub (o da hər 2-3 km-dən bir), bu da təbii ki piyada qəzaları ilə nəticələnir.
⠀
Özü də Tural deyir ki, bəs səkinin vəziyyətinə baxın, keçidlər də uzaqdadır, hərəkəti məhdud olan insanlar üçün əlverişsizdir. DYP-in əməkdaşı Araz bəy isə deyir ki, mövcud infrastrukturdan istifadə etsinlər, Yol Polisinin başqa təklif edəcəyi bir şey yoxdur.
⠀
Maraqlıdır ki, hər bir svetoforun və piyada keçidini şəhərdə təşkil etmək üçün ilk növbədə DYP-dən razılıq alınmalıdır. Bəs necə oldu, DYP razılıq verməlidir, amma özü təhlükəsizliyi artırmaq üçün təklif edəcəyi bir şey yoxdur?
⠀
Təəssüflər ki, nə qədər ki yol hərəkətinin təhlükəsizliyinə cavabdeh olan qurumların yanaşması belə olacaq, şəhərdə ölümlə nəticələnən qəzaların sayı azalmayacaq.

🚈 Çində rels tələb etməyən tramvayın sınaqlarına başlanılıb.
⠀
Çyu Cou şəhərində yeni növ ictimai nəqliyyat sistemini tətbiq ediblər. Burada relslərin yerini asfaltda xüsusi nişanlanma əvəz edir.
⠀
Belə "tramvay"lar (faktiki olaraq isə iri həcmli elektrobusdur) yüksək keyfiyyətli asfalt və boya işlərinin aparılmasını tələb etsə də, hər halda klassik tramvay sisteminin tətbiqindən daha ucuz başa gəlir.

🚌 Bakıdakı avtobus zolaqlarını daha effektiv etmək üçün Moskvanın təcrübəsini öyrənmək olar.
⠀
Bu sadə həllər ictimai nəqliyyatın keyfiyyətinə müsbət təsir edə bilər.

Ətraflı yeni məqalədə: 👇
https://city4people.az/post/avtobus-zolaqlari-moskva/

🇧🇪 Yanvarın 1-dən etibarən Belçika paytaxtı Brüsselin bütün küçələrində sürət həddi 30 km/s-a qədər endirilib.
⠀
Əsas məqsəd yol qəzalarında həlak olanların və ağır xəsarət alanların sayını sıfıra endirməkdir. Bunların səbəbi isə ilk növbədə yüksək sürətdir.

⭐️ 2020-ci ilin ən faydalı məqalələri

Bizə yenicə qoşulan dostlarımıza ötən il bloqumuzda dərc olunan ən maraqlı məqalələri ilə tanış etmək istəyirəm. Belə bir "naviqator" formatında bir post alındı, hər bir keçid bir məqaləyə aparır.

Beləliklə...

Bütün dünyanı koronavirus pandemiyası bürüdü və məlum oldu ki, ən sağlam və təhlükəsiz nəqliyyat vasitəsi velosipeddir. Dünyanın bir sıra şəhərlərində təcili yeni velozolaqlar salmağa başladılar. Biz də Bakıda bu cür təkliflə dövlət başçısına müraciət edəndən sonra, KİV-də bu məsələ aktuallaşdı. BNA söz verdi ki yaxın zamanda Bakıda yeni velosiped zolaqları salınacaq.

Ötən il Bakı şəhərinin mərkəzində bir sıra tarixi küçələr təmir olundu. Bu küçələri Avropaya bənzətmək istədilər, təəssüf ki, alınmadı. Bu küçələri “shared street” (ortaq küçə) konsepsiyasına uyğun təmir etmək olardı. Həmçinin 28 May küçəsi təmir olundu, lakin təhlilimiz göstərdi ki, bu küçə piyadalar üçün əlverişsizdir. Amma Ağ Şəhərdə (Baku White City) pozitiv dəyişikliklər artıq müşahidə olunur.

2019-cu ildə baş vermiş yol qəzalarının statistikasını digər ölkələrlə müqayisə etdik və şoka düşdük. Qəzaların ağır fəsadlarının qarşısını almaq üçün Azərbaycanda “Vision Zero” proqramını tətbiq edilməlidir. Bu haqda ətraflı məqalə və videomuz var.

Piyadaların təhlükəsizliyinə həmçinin yeraltı və yerüstü piyada keçidlərinin tikintisi və yol kəsişmələrində üçtərəfli piyada zolaqları təsir edir. Bu və buna bağlı digər məsələlər həll olunmaya qədər şəhərimizdə “piyadaların soyqırımı” davam edəcək.

Avtomobil mövzusuna da toxunduq. Bakı şəhərinin əsas nəqliyyat problemi - parklanma hələ də həll olunmayıb. Geniş hərəkət zolaqları isə qaydaları pozmağa vadar edir. Bir çox sürücülər hələ də düşünür ki, şəhərlərimizdə yolların genişləndirilməsi tıxac problemini həll edəcək. Halbuki, bu tam əks effekt verir. Bakıda tıxac və digər nəqliyyat problemlərini aradan qaldırmaq üçün digər tədbirlər görülməlidir, əsas on addımı bu məqaləyə topladıq.

Yaxşı xəbər var ki, Bakının bir sıra küçələrində yeni avtobus zolaqları salınır. Onları daha effektiv etmək üçün Bakı Nəqliyyat Agentliyinə Moskvanın təcrübəsinə baxmağa tövsiyə edirik.

“Yaşayış gettosu” termini sizə hələ də tanış gəlmir sə, bu məqaləni oxumağa tövsiyə edirik və ümid edirik belə "getto"da sizin eviniz olmayacaq.

Keçən il bizim sosial şəbəkələrimizdə şəhər infrastrukturuna dair geniş sorğu keçirtdik, nəticələr onu göstərdi ki, Bakı sakinləri müasir şəhərdə yaşamaq hazırdır. Prinsipcə, paytaxtın yeni baş planı “Baku-2040” məhz bu istiqamətdə inkişafı nəzərdə tutur.

Biz həmçinin işğaldan azad olunmuş Qarabağdakı şəhərlərə dair 10 faydalı məsləhət hazırladıq və Prezident Administasiyasına təklif göndərdik. Bu cür təklif, müraciət və şikayətləri necə tərtib etmək lazımdır və kimə göndərmək lazımdır? Ətraflı burada izah etdik və hazır şablon əlavə etdik.


✅ Bu qədər, dostlar. Şərhlər bölməsində ən bəyəndiyiniz məqaləni qeyd edin, izləyicimizin rəyləri çox maraqlıdır.

⚡️Bizi izləyən, oxuyan və postlarımızı paylaşan və hər kəsə dərin təşəkkürümüzü bildiririk! Bizim layihəmizin gələcək inkişafına dəstək vermək istəyənlər isə bu səhifəyə müraciət edə bilər. ⚡️

BNA 28 Mayda avtobus terminalı tikmək istəyirdi, amma deyəsən alınmadı. Müqəddəs və toxunulmaz parkinq yenə də qalib gəldi. Sonra deyirsiniz BNA işləmir. İmkan verirlər ki işləsinlər? ))

Bu arada benzinin qiyməti də qalxdı.

Ai-92 - 1 azn (+10 qəpik)
Dizel - 80 qəpik (+20 qəpik).

İndi Facebook-da səsküy başlayacaq 😊

⛽️ Hər dəfə yanacağın qiyməti qalxanda Tarif Şurasının press-relizində "MDB-də ən ucuz benzin bizdədir" cümləsinə rast gəlmək olar. Rusiya, Belarus, Gürcüstan, Ukrayna, hətta Ermənistanın adı çəklilir.
⠀
Amma digər sahələrdə, misal üçün, yol-nəqliyyat infrastrukturunda digər ölkələrin təcrübəsini tətbiq etmək təklifi gələndə, dərhal deyirlər, "Yox-yox, bizim öz yolumuz var, bizi Avropa ölkələri ilə müqayisə etmək lazım deyil..."

Dairə yoxsa işıqfor?

İlkin Babayev bloqumuzda yol hərəkətinin təşkilinə dair yeni məqalə hazırlayıb.

👉 https://city4people.az/post/daire-yoxsa-isiqfor/

🗣 Sabah saat 21:30-da @uchansichan kanalında qonaq olacam.

Şəhər infrastrukturu və təhlükəsiz yollar haqqında danışacağıq. Görüş Zoom-da olacaq, link olan kimi burada da paylaşacam. Suallarınıza da Zoom-da çat vasitəsilə verə biləcəksiniz.

🚊 "Neftçilər prospektində tramvay xətti".

Nə vaxtsa bu ifadə 3D-eskizin təsvirini yox, Bakı şəhərinin əsas nəqliyyat dəhlizinə çevriləcək.