🚲 Bakıda təşkil olunan ən yaxşı velozolaqlardan biri.
⠀
☑️ Azadlıq prospektinin bu kiçik hissəsində küçənin hər iki tərəfində velozolaq salınıb.
⠀
☑️ Skuter parkinqi səkinin hesabına deyil, keçmiş parkinq cibində təşkil olunub.
⠀
☑️ Bufer zonası üçün də yer tapılıb.
⠀
🔸 Bakının bir çox küçələrində bu işləri sadəcə yenidən xətlənmə işlərini aparmaqla belə həllər tətbiq etmək olar.
⠀
#velosipedzolaqları

📊 Statistikanı sevirəm. O mifləri dağıtmağa kömək edir.

Bu rəqəmlər bir daha göstərir ki, bizdə avtomobillərin sayı çox deyil. Gündəlik istifadəsi çoxdur.

Biz insanlara layiqli və komfortlu alternativlər təklif etsək, tıxaclar qısa zamanda həll edə bilərik.

#statistika

⬆️ Və rəqəmlərdən danışaraq, dünənki sorğunun nəticələrinə baxın.

🔹 İnsanların 70% ya artıq velosiped sürür, ya da sürməyə planlaşdırır.

🔹 Lap nəzərə alsaq ki, bu kanalının izləyiciləri müasir düşüncəli və proqressiv insanlardır, əminəm ki, Bakı üzrə bu rəqəm ~50% civarındadır.

💬 “Velozolaqlar lazım deyil” deyənlərə bu nəticələri göstərin.

🚇 Metroda bayram günləri ilə əlaqədar keçirilən bu retro-vaqonlarının sərgisini qaçırmayın.
⠀
🕙 Bu gün saat 22:00-a qədər açıqdır.
⠀
#iminivloq

🚲 Bayram günlərinin birini həmçinin velosiped sürməyi öyrənməklə faydalı keçirə bilərsiniz.

🔸 APAR növbəti dəfə ÖDƏNİŞSİZ təlim keçirir. Detallar və qeydiyyat linki: ⤵️

https://t.me/apar_ride/297

❓ Sizcə bu tərk edilmiş yer haradır?
⠀
🇦🇿 Azərbaycandadır.

⬆️ Dostlar, bura Pirallahıdır (keçmiş Artyom).

🔸 Keçmiş çörək zavodunun binası bu qədər baxımsız vəziyyətdə qalıb və dağılmağa doğru gedir.

🔸 Təəssüf ki, ölkədə və elə Bakının özündə belə yerlər az deyil.

☑️ Pirallahıdan sizin üçün ətraflı vloq hazırladıq, bu cür məkanları necə bərpa etmək olar, buranın hansı potensialı var — bu haqda da danışdıq.

Möhtəşəm işlər davam edir.

Neftçilər prospektində yeni piyada keçidinin işıqforunu artıq tam söndürüblər.

İnsan yönümlü şəhərlər 💚

Videonu Transport for Baku səhifəsində baxa bilərsiniz.

📝 Urbanist Arzu Süleymanov NİİM-ə açıq müraciət göndərib:

Hörmətli Nəqliyyatı İntellektual İdarəetmə Mərkəzi,

Bu müraciətlə Neftçilər prospektində, Kukla Teatrının yaxınlığında yerləşən, hal-hazırda fəaliyyətsiz olan svetoforun yenidən işə salınmasının zəruriliyini diqqətinizə çatdırmaq istərdim.

Sözügedən ərazi Bakı şəhərinin mərkəzi hissələrindən biri olmaqla yanaşı, həm piyadaların, həm də nəqliyyat vasitələrinin sıx hərəkət etdiyi bir zonadır. Ərazidə yerləşən yeraltı piyada keçidi yaşlı insanlar, azyaşlı uşaqlar və fiziki məhdudiyyətli şəxslər üçün, xüsusən də uşaq və əlil arabalarından istifadə edənlər üçün ciddi çətinliklər yaradır. Bu səbəbdən yerüstü svetoforun fəaliyyəti piyadaların rahat və təhlükəsiz şəkildə yol keçidini təmin etmək baxımından olduqca vacibdir.

Qeyd etmək istərdim ki, müasir şəhər planlaşdırılmasında piyadaların hərəkət rahatlığı avtomobil hərəkətindən daha prioritet hesab olunur. Şəhər küçələrində tıxacların əsas səbəbi insanlar (piyadalar) deyil, avtomobillərin həddindən artıq çoxluğu və nəqliyyat axınının düzgün tənzimlənməməsidir. Svetoforlar isə məhz bu axını parçalayan və nəqliyyat sıxlığının qarşısını alan effektiv vasitələrdən biridir.

Bu kontekstdə Neftçilər prospektindəki sözügedən svetoforun işə salınması, həm piyadaların təhlükəsizliyinin təmin olunması, həm də ərazidə nəqliyyatın daha sistemli və axıcı şəkildə idarə olunmasına töhfə verəcəkdir.

Ümid edirəm ki, bu məsələ diqqətlə nəzərdən keçiriləcək və şəhərimiz üçün vacib olan bu addım tezliklə atılacaqdır.

—

☑️ Müraciəti tam dəstəkləyirəm. Prioritet piyadalara verilməsə şəhər heç kəs üçün rahat olmayacaq.

🗓 Ötən həftənin paylaşımları buraxmısınızsa:
⠀
🔹 Yeraltı piyada keçidi "zebra" ilə necə əvəzləndi — Rusiyadan misala baxdıq.

🔹 Abşeron Dairəvi Dəmir yolunda əlavə qatarlar hərəkət edəcək — aprel ayından.

🔹 AYNA Bəxtiyar Vahabzadə küçəsində və Mərkəzi Parkın yanında yeni velosiped zolağı təşkil etdi.

🔹 Kanalın əksər izləyiciləri sorğuda deyir ki, velozolaqların təşkili ilə velosiped və skuter sürmək niyyətindədir.

🔹 Bakının ən yaxşı velosiped zolaqların təşkilini burada göstərdim.

🔹 Daha bir statistika göstərdi ki, Azərbaycan Qafqazın ən az avtomobilləşmiş ölkəsidir.

🔹 Şuşanın baş planından görüntülər ictimaiyyətdə paylaşıldı.

🔹 Bakı Metrosunun retro vaqonlarını sizə göstərdim.

🔸 Biz isə sizin üçün bayram günlərində yeni vloqlar hazırlayırıq. İzləmədə qalın və işimizə dəstək olmağınızı rica edirik.

✨ Layihəmizin fəaliyyətinə dəstək.
💡 Kanalda reklam.
⭐️ Özəl qrupa giriş.
⠀
#urbanhəftə