🚶‍♂️ Şəhərin mərkəz küçələri avtomobillər üçün bağlanıb piyadalaşmalıdır.

Ən azı burada "shared-street" (ortaq küçə) tipli küçələr təşkil olunmalıdır.

Bu cür transformasiyalar şəhərin turistik, ekoloji və iqtisadi cəhətindən müsbət təsir göstərir.

Ortaq küçələrə dair xarici təcrübə bu yazıda.

Video: BNA

🇦🇿 Kəlbəcər-Laçın yolu belə olacaq.

Çox mənzərəli bir yol olacaq. 😍

Video: Avtomobil Yolları Dövlət Agentliyi.

​​💰 İctimai nəqliyyatda gediş haqqının qaldırılması haqqında.
⠀
Bu məsələ bu gün yenə də gündəmə gəldi (daşıyıcılar Tarif şurasına müraciət etdi).
⠀
İctimai nəqliyyatın vacibliyi və onun iqtisadi tərəfi haqqında Transport for Baku bu gün böyük bir post paylaşdı, mən isə gəlin sizə sadə dildə problemi və həllini izah edim. Teziş şəklində.
⠀
🔹 Son 2 ildə ölkədə (və dünyada) hər şeyin qiyməti qalxdı, yanacaq və ehtiyat hissələri daxil. Təbii ki, hələ də 30 qəpiklə xidmət göstərən avtobus və metro çoxdan ziyana gedib.
⠀
🔹 Amma çıxış yolu qiymət qaldırmaq deyil. Hətta qiymət 50 qəpik olsa belə, bu sərnişinlərin sayının azaltmasına gətirib çıxaracaq. 1-2 manatlıq taksilər daha da cəlbedici gələcək. Yəni, problem həll olunmayacaq. Əgər ictimai nəqliyyatın keyfiyyətini qaldırmaq lazımdırsa, ilk növbədə dövlət subsidiya ayırmalıdır.
⠀
🔹 Eyni zamanda, tarif siyasətinə də yenidən baxılmalıdır. Tələbələr və təqaüdçülərə endirimlər edilməlidir. Aylıq və illik tariflər tətbiq edilməlidir, pulsuz transferlər olmalıdır. Bu arada, bunların hamısı qonşu Tbilisidə var.
⠀
İctimai nəqliyyat sosial bir sahədir, burada dövlətin dəstəyi vacibdir. Bütün inkişaf etmiş şəhərlərdə elədir. Almaniya dünyanın ən varli ölkələrindən biridir, buna baxmayaraq hətta Berlində ictimai nəqliyyatın 51% gəlirləri dövlət subsidiyasıdır. Fransanın Lion şəhərində bu rəqəm isə 79%-dir.
⠀
🇹🇷 Qardaş Türkiyədə də bunu anlayırlar. Əhalisi təxmini Bakı kimi olan İzmir şəhərində bu il tramvay və metronun inkişafına 14 milyard lirə pul ayrılır (1 milyard manatdan çox). Baxmayaraq ki, Türkiyənin hazırdakı iqtisadi vəziyyəti bir o qədər də ürək açan deyil.
⠀
Əgər dövlət qurumları həqiqətən tıxac problemini həll etmək istəyirlərsə və insanlardan maşınlarını evdə qoyub avtobuslara mindirmək istəyirlərsə maliyyə dəstəyi lazımdır. Eyni zamanda ictimai nəqliyyatın küçələrdə prioritetini də təmin etmək lazımdır. 30 dəqiqə avtobus gözləyib sonra basabas və tıxacda ilişən avtobusda heç kim getmək istəməz.
⠀
💰 2021-ci ildə yolların tikintisinə və saxlanılmasına 2,3 milyard manat ayrılıb. Bu məbləğin heç olmasa 15-20% ictimai nəqliyyatın dəstəyinə yönləndirilsəydi Bakının ictimai nəqliyyatı tam başqa səviyyədə çalışardı.

💬 Bakıdakı tıxaclara dair bu gün yeni fikir eşitdim:

"Yaxşı ki, quru sərhədlərimiz bağlıdır. Yoxsa indi rus maşınların əlindən şəhərdə ümumiyyətlə tərpənmək mümkün olmazdı".

"Avtoporno". 😶
⠀
Üzr istəyirəm, amma buna başqa ad vermək mümkün deyil. Bütün şəhəri maksimum dərəcədə avtomobil yönümlü edəndə, hər zaman "yol maksimum dərəcədə geniş olsun" prinsipləri üstün tutulanda, küçələrin ən böyük uğur kriteriyası - onun maksimum dərəcədə asfaltlanması olan bir şəhərdə belə mənzərə bunların hamısının məntiqli nəticəsidir.
⠀
Bu küçədə heç piyada gəzmək üçün təhlükəsiz şərait yoxdur, yaxşı küçələrin digər elementlərindən danışmaq belə olmur.
⠀
❗️ Avtomobil yönümlü şəhər - inkişafı dalana aparan bir yoldur.
⠀
Fotoda: Əhməd Rəcəbli küçəsi (Şedevr səhifəsindən).

🔹 Taktiki urbanizm prinsipi tətbiq edilən daha bir kəsişmə.

"Vorovski" tərəfdəki bu dairə hər dəfə sürücüləri çaşdırırdı, burada normal nişanlanma, piyada keçidi, səki belə yox idi.

İndi sürücülərə belə boyalanma ilə hərəkət istiqaməti göstərilir, deyilənə görə dirəklər də olacaq.

Bu ideyanı artıq tənqid edirlər, tıxac yaratdığına görə, amma 2 nüans var:

- Sürücülər yeniliyə öyrəşməlidir.
- Piyadalar üçün kəsişmələr təhlükəsiz olmalıdır, ona görə axını sakitləşdirmək vacibdir.

Dünənki foto da göstərdi ki, hər yerdə asfalt səhrası salmaq çıxış yolu deyil.

Xatırladım ki, buna oxşar taktiki urbanizmə əsaslanan layihə Sumqayıtda icra edilmişdir.

Taktiki urbanizm nədir və dünyada onu necə tətbiq edirlər - bu haqda ətraflı bu yazıda oxuya bilərsiniz.

3-cü dünya müharibəsi başlamaq üzrədir, biz isə tıxac və tramvayların dərdini çəkirik.

Yaxın zamanda Azərbaycan daxil bir çox ölkələrdə böyük qeyri-stabillik gözlənilir, hələ yumşaq desək.

🎤 Xəzər TV-nin qonağı oldum, gündəmdə olan tıxac və ictimai nəqliyyat problemlərinin həll yollarını müzakirə etdik.

İzləyə bilərsiniz ⤵️

https://youtu.be/CTPws6vTtUQ

⚠️ Nəqliyyat problemlərimizin həlli çox ağrılı yoldan keçir. Amma şad xəbər də var.
⠀
Dünən Nazlrlər Kabinetində geniş müzakirələr keçirildi. Bakı şəhərində nəqliyyat sektoru yavaş-yavaş böhran vəziyyətinə çatmaqdadır. Tıxaclar sürücülərin ömrünü aparır, ictimai nəqliyyat inkişaf etmir, küçə-yol infrastrukturu isə təhlükəli olaraq qalır.
⠀
Son 5 il ərzində bu və bir sıra digər səhifələr davamlı olaraq yuxarıda sadalanan məsələləri işıqlandırmağa davam edir. 5 ildir biz deyirik ki, gəlin şəhərdəki nəqliyyat sahəsində yenidən baxaq, uğurlu xarici təcrübəni tətbiq edək, köhnə yanaşmasını geridə qoyaq.
⠀
💬 Bizə isə nə cavab verirlər? “Bura Avropa deyil”, “Bizdə mümkün deyil, bizim öz yolumuz var”.
⠀
İndi isə hər kəs görür, “öz yolumuz” bizə haraya gətirib çıxartdı. Bakı şəhərində pik saatlarında ən sürətli “nəqliyyat” - piyada gəzməkdir, çünki hər şey dayanır.
⠀
Bir məsələni bir daha çatdırmaq istəyirəm. Bu səhifədə paylaşılan məlumat havadan və şəxsi araşdırmadan irəli gəlmir. Müasir şəhərsalma və nəqliyyata həsr olunmuş istənilən ədəbiyyatı açın və özünüz araşdırın. Sizə həmin kitablar aşağıdakı tövsiyələr verəcəklər:
⠀
- Şəhərdə piyada bir nömrəli prioritetdir, ona görə səkilər geniş olmalıdır, piyada keçidləri çox olmalıdır (özü də yeraltı və yerüstü yox).
- Avtomobil istifadəsini stimullaşdıran addımlar atmaq (misal üçün, yolları genişləndirmək) qətiyyən olmaz, bu, tam əks effekt verəcək.
- İctimai nəqliyyat ideal və saat kimi işləməlidir ki, insanlar maşını evdə qoyub, ona üz tutmağa həvəsli olsunlar.
⠀
Bu hələ ən baza addımlardır. Urbanistika ilə tanış olmayan bunu ciddi qəbul etməyəcək, deyəcək, “Sən nə danışırsan axı?! Bakı buxtasından üzərindən 3 milyard dollarlıq körpü tikmək lazımdır, tıxaclar o zaman azalacaq!“. Halbuki, bu pulun üçdə bir hissəsinə Bakı şəhərində demək olar ki ideal ictimai nəqliyyat yaratmaq olar.
⠀
✅ İndi isə şad xəbər. Bir gün biz mütləq düz yola çıxacağıq. Bu yolda biz tez-tez “yıxılacağıq”, səhv addımlar atacağıq, amma çıxış yolu var və bəllidir.
⠀
✊ Hələlik isə özünüzü qoruyun və səbrli olun. Yaman günün ömrü az olar.

(C) Anar Əliyev.
"İnsan yönümlü şəhərlər" bloqunun müəllifi.

📺 Dünən İTV-də elektroskuterlər haqqında maraqlı müzakirələr oldu.
⠀
Yaxşı haldır ki, müzakirələrdə əsas məqamlara toxunuldu:
- İnfrastruktur lazımdır, qadağalar yox.
- Skuterlər qanunverilicikdə öz əksini tapmalıdır.
⠀
Fərdi mobillik vasitəsi tıxaclara mübarizədə və ictimai nəqliyyatda sıxlığın qarşını alır. BNA-nın əməkdaşı Tərlan Səfərovun çıxışını əlavə edirəm.

Tam video burada: https://youtu.be/L-2HxegHhaw

ADA Akademiyasının yanından keçən səki çox gözəldir. 👏

🇦🇿 Ağdamın yolları, küçələri və nəqliyyatı belə olacaq.

Diqqətimi 2 məqam çəkdi:
🔸 Burada tramvay sisteminin salınması nəzərdə tutulmuşdur. Videoda tramvay haqqında deyilmir, adi ayrılmış zolaqlar göstərilib.
🔸 Ağdam kimi nisbətən kiçik şəhərlərdə 6-8 zolaqlı şəhərdaxili küçələrə ehtiyac yoxdur. Velosiped zolaqları varsa və ictimai nəqliyyat yaxşı çalışacaqsa, maşın istifadəsi çox olmamalıdır.

Çox geniş yollarda piyada keçidlərini təşkil etmək də çətindir.

Video: Emin Huseynov.