Bəsti Bağırova küçəsi yenidən təmir olunur.
⠀
Görünür, səki çıxıntıların təşkili təcrübəsi yenidən qayıtdı. Bir azdan "yolu daraltmaq olmaz" kimi ekspert rəyləri ortaya çıxacaq.
⠀
Bəyənmədiyim məqamlardan - velosiped zolaqlarının nəzərdə tutulmamasıdır (deyəsən). Məncə, müasir dövrdə istənilən küçəni əsaslı təmir edərkən velozolaqlarının salınması mütləq bənd kimi nəzərə alınmalıdır.
⠀
Foto izləyicidən.

​​Yeni qanun layihəsində velosiped və skuterlərin idarə edilməsi üçün sürücülük vəsiqəsini əldə edilməsi nəzərdə tutulub. 🤦‍♂️
⠀
Bu qərar nə qədər absurd olsa da, onun qüvvəyə minməsinə şübhə etmirəm.
⠀
Hər zaman olduğu kimi, problemin həllinə tam əks tərəfdən yanaşırıq.
⠀
Velosiped və skuterlər əgər qəza törədirsə, əgər avtomobil və piyadalarla toqquşursa, deməli onların hərəkətini ayırmaq lazımdır, daha çox velozolaqlar təşkil etmək lazımdır.
⠀
Bizdə nə edirlər? Zolaq salmaq və təhlükəsiz hərəkət təşkil etmək əvəzinə, insanları velosiped və şəxsi mobillik vasitələrinin istifadəsindən daha da çəkindirirlər.
⠀
Məlum məsələdir ki, onsuzda heç kim qaçıb velosiped üçün vəsiqə alan deyil. Bu qanun bir sıra digər qanunlar kimi "simvolik" xarakter daşıyacaq, yalnız lazım olan vaxtlarda kiməsə təsir göstərmək və reydlər keçirmək üçün istifadə olunacaq.
⠀
Dünyanın heç bir yerində velosiped üçün sürücülük vəsiqəsi nəzərdə tutulmayıb. Amma bizim Dövlət Yol Polisi həmişəki kimi "öz yolumuz var" prinsipini irəli sürür.
⠀
Bu qanun layihəsinin müəlliflərinə əlavə bir təklifim var.
⠀
Gəlin piyadalar üçün də "vəsiqə" tətbiq edək? Vəsiqə olmadan heç kim evdən küçəyə çıxmasın, beləliklə piyadalarla qəzalar azalacaq. Necə fikirdi?

Şərhlərdə bir neçə nəfər yazır ki, velosiped üçün sürücülük vəsiqəsi söhbəti "dezinformasiyadır". Bu qayda yalnız mopedlərə şamil olunacaq.

Bu xəbər Xəzər TV-də yayımlanmışdır və müxbir bir neçə dəfə "velosiped" ifadəsini dilə gətirmişdir.

Ümid edirəm, bu, həqiqətən jurnalistlər tərəfindən səhv təqdim olunmuş məlumat olaraq qalacaq.

Dünən və bu gün dalbadal çox ağır xəbərlərə rast gəldim.
⠀
Fatmayı qəsəbəsində azyaşlı uşağın yüksək sürətlə avtomobil ilə vurulması, daha sonra Mərdəkan şossesində daha iki nəfərin ölümü ilə nəticələnən qəza.
⠀
Psixoloji cəhətdən videolar çox ağır olduğundan, onları paylaşmıram.
⠀
Bu qəzaların əsas səbəbi təhlükəli infrastruktur və təhlükəli yollarımızdır. Təəssüf ki, bizdə bunu başa düşənlərin sayı çox azdır, hər kəs sürücüləri və piyadaların özlərini günahlandırır.
⠀
Misal üçün, İsveçdə hələ 90-cı illərdə başa düşdülər ki, şəhəri və küçələri elə qurmaq lazımdır ki, insanların səhvləri ölümlə nəticələnməsin.
⠀
Azərbaycan və İsveçin əhalisi təxmini olaraq eynidir. Amma bu gün Azərbaycan yollarında İsveçə nisbətən 3 dəfə daha çox ölüm faktı qeydə alınır.
⠀
Nə vaxta qədər bu belə davam edəcək?

Yaxşı avtobus zolağının nümunəsi.

Əgər belə zolaqlar hərəkət hissəsindən fiziki olaraq ayrılırsa, o zaman, əlavə nəzarətə də ehtiyac qalmır.

🇺🇸 ABŞ-ın Sietl şəhərində relyefli bir küçəyə o qədər qar yağıb ki, artıq burada xizək ilə hərəkət edirlər. ⛷
⠀
Və bu adi bir təsadüf deyil. Pandemiya başlayandan bu şəhərdə "Sağlam küçələr" layihəsi həyata keçirilir və bir sıra küçələri avtomobillər üçün ara-sıra bağlayıb idmanla məşğul olmaq istəyən sakinlərin istifadəsinə verilir.

Rənglənmə işləri ilə əlaqədar Rəşid Behbudov küçəsindəki avtobus zolağını müvəqqəti olaraq konuslarla ayırıblar.
⠀
Daimi belə qalsaydı yaxşı olardı 🙂

Mikayıl Hüseynov küçəsində ayrılmış zolağının olmasına baxmayaraq, buradakı avtobuslar hər gün saatlarla tıxacda qalır.
⠀
İndi bu zolağın mənası nə oldu?
⠀
Deyəcəksiniz, "bu, digər sürücülərə qarşı ədalətsizlikdir". Amma əsl ədalətsizlik indi baş verir.
⠀
Bu vəziyyətdə şəhərdə daha sürətlə hərəkət etməyin heç bir variantı yoxdur. Şəxsi maşınla, taksilə, avtobusla gəlsəm - istənilən halda tıxacda qalacam.
⠀
Avtobus zolağı daimi boş qalsa və avtobuslar daha tez təyinat nöqtəsində çatacaqsa, o zaman, mənim heç olmasa seçimim olacaq- maşınla tıxacda, avtobusla tıxacsız.

ƏN BÖYÜK HƏDİYYƏM - SİZSİNİZ 💚
⠀
Adətən Yeni il ərəfəsində biz növbəti ildə bütün problemlərdən qurtulmaq və onun ideal keçməsini arzulayırıq.
⠀
Lakin hər birimiz başa düşür ki, 2022-ci ildə Bakının tıxac problemi, qəzalara gətirən təhlükəli yol infrastrukturu, ictimai nəqliyyatın çatışmazlıqları kimi məsələlər öz həllini tam olaraq tapmayacaq. Bu, böyük iradə və illər tələb edən kompleks tədbirlər çərçivəsində həll olunası məsələlərdir.
⠀
Biz hələ çox lazımsız yol genişləndirilmələrini, işləməyən avtobus zolaqlarını, "necə gəldi" təşkil olunan velosiped zolaqlarını və saatlarda tıxacdan qalan sürücülərin şikayətlərini görəcəyik.
⠀
Lakin məni sevindərən və böyük ümid bəxş edən əsas amil var.
⠀
Bu səhifədə işıqlandırılan məsələlər və problemlərin kökünü anlayan həmvətənlərimizin sayı ildən ilə artır. Hər ay bu səhifəyə maraq göstərən dostlarımızın sayı artır, ən böyük hədiyyəm budur ❤️
⠀
Mən də öz növbəmdə gələn il hər birinizə daha çox və daha maraqlı məzmunla sevindirməyə çalışacam.
⠀
Bayramınız mübarək!

🇦🇹 #dünya: Vyanada insanlar şəxsi avtomobil yerinə ictimai nəqliyyatı seçməyə başlamaqla belə mənzərə yaranıb.

🌷🌲 Asfalt yolların yarısı gəzmək üçün yola, yaşıllıq, park və dincəlmək yerinə çevrilib.

© Tipik İqtisadçı-Ekspert ☑️

🎥 YENİ İLƏ DAHA ÇOX VİDEO KONTENT İLƏ.
⠀
🇦🇪 Keçən ay Dubayda olarkən, bu şəhərin müxtəlif yerlərindən sizin üçün bir çox videomaterial topladım.
⠀
Təbii ki, əsas vurğunu Dubayın nəqliyyat, yol və küçələrinə yönəltmişdim.
⠀
Buna baxmayaraq, düşündüm ki, Dubaya səyahəti planlaşdıran və soydaşlarımıza faydalı ola biləcək ayrıca bir turistik video-icmal hazırlayım.
⠀
Bu şəhərdə aşağı büdcə ilə və hətta təmamilə pulsuz görə biləcəyiniz TOP-5 məkanları bu icmalda topladım, eyni zamanda, bu şəhər haqqında öz şəxsi təəssüratlarımı da bugünki videoda paylaşdım.
⠀
Növbəti video Dubayın urbanistik icmalı olacaq, onu qaçırmamaq üçün isə kanala abunə olmağı tövsiyə edirəm, bu həm də sizin kiçik bir dəstəyiniz olacaq.
⠀
Şərhlər bölməsində isə öz fikirlərinizi bildirin, bütün şərhləri oxuyuram və nəzərə alıram 👇

https://youtu.be/zfXaq46jOLA

🇱🇻 Riga şəhərində küçəni daha insan yönümlü edərkən...

160 nömrəli məktəbin qarşısında sürücülər 3 (!) cərgə dayanıb, hərəkət üçün cəmi 1 zolaq saxlayıblar.
⠀
100 metr qabaqda isə Azadlıq Meydanın altında 2000 maşınlıq yeraltı dayanacaq var (özü də ilk 15 dəqiqəsi pulsuz).
⠀
Ən gülməli isə odur ki bunların hamısı düz BNA-nın qayda pozuntularını qeydiyyatını aparan kamerasının altında baş verir.
⠀
Foto: Rəvan Quliyev.

🇷🇺 ⚠️ Bu ildən etibarən Rusiyada kobud qayda pozuntuları artıq cinayət məsuliyyəti yaradacaq.
⠀
Belə ki, sürət həddini 60 km/s-dan çox aşan və qarşı zolağa çıxan sürücüləri 2 ilədək həbs və yaxud 300 min rubl məbləğində (6800 AZN) cərimə gözləyir. Cinayət məsuliyyəti bu qayda pozuntularına iki dəfədən çox yol verən sürücülərə tətbiq olunacaq.
⠀
Bütün dünyada yüksək sürət qəzaların əsas səbəblərindən biridir. Bir mənfi nüans var ki, Rusiyada 19 km/s-dək sürət həddinin aşması qayda pozuntusu sayılmır. Yəni siz şəhər daxilində 79 km/s sürətlə hərəkət edə bilərsiniz və buna görə heç bir məsuliyyəti daşımayacaqsınız.
⠀
Məlumat üçün: Azərbaycanda mövcud qanunvericiliyə qarşı zolağa çıxanların 100 AZN, 60 km-dən çox sürəti aşanları isə 250 AZN cərimə gözləyir. Hər iki halda əlavə olaraq 4 cərimə balı tətbiq olunur.
⠀
Görəsən, Nazirlər Kabinetinə keçən ilin sonunda göndərilən yeni yol hərəkəti haqqında qanunda və İnzibati Xətalar Məcəlləsində sürət həddinin aşmasına görə yeni cərimələr nəzərdə tutulubmu?

Bakıda bəzi küçələrdə fiziki adacıqlar və səki çıxıntılarının tikintisindən imtina edilib, təəssüf ki. Əvəzində küçələrin əksəriyyətində yalnız boyama işləri aparılır.
⠀
Lakin fiziki adacıqların ucuz və təhlükəsiz alternativi var -delineatorlar (foto 1-ci şərhdə). Bu adacıqları həmin dirəklərlə əhatə etməklə şəkildə göstərilən problemi həll etmək olar.

​​Çox təəssüf edirəm ki, bizim cəmiyyət illər keçdikcə hətta sadə məsələlərdə maarifləndirmirlər.
⠀
Sosial mediya bu gün başlıqlarla doludur ki, İrəvan-İstanbul aviabileti Bakı-İstanbul aviabiletindən daha bahadır.
⠀
Ömründə heç olmasa bir dəfə səyahətini özünü planlaşdıran insan bilir ki, aviabiletin qiymətləri heç vaxt fiks (fix-price) olmur (Naxçıvan kimi bəzi istisnalar xaric).
⠀
Siz eyni aviaşirkətlə 50 manata da, 250 manata da bilet ala bilərsiniz, necə ki özümdə dəfələrlə olub. Hər şey tarixdən, mövsümdən və təyyarədə qalan boş yerlərdən asılıdır.
⠀
Vaxtılə "Buta Airways"-lə 60 manata (!) bilet almağa şansım olub. Bunun üçün səyahəti 6-7 ay öncə planlaşdırmışam, baqaja əlavə pul ödəmişəm və s.
⠀
Mən indi burada heç kimə bəraət qazandırmaq fikrim yoxdur, səhifənin məqsədi də bu deyil. Sadəcə heyfslənirəm ki, bizim insanlar hər yazılan başlığın ətrafında qalmaqal axtarmağa çalışır.
⠀
Şəkildə isə tanınmış loukoster WizzAir-in müxtəlif tarixlərə qiymətləri göstərilib. Aydın görsənir ki, fərqli tarixlərə biletin qiymətlər arasında fərq 7-8 dəfə çatır.
⠀
AZAL-a sual çox ola bilər, amma aviaşirkətlərin bütün marketinq qaydaları yuxarı-aşağı bu prinsiplə çalışır. Sərfəli səyahət etmək istəyirsinizsə, bu qaydaların əsaslarını bilmək birinci növbədə özünüz üçün faydalıdır.

🇦🇪 🎥 Dubaydan daha bir geniş reportaj.
⠀
Uzun illərdir avtomobillər üçün tikilən Dubay şəhəri elə qurulub ki, burada maşınsız həyat sürmək çətin bir məsələdir.
⠀
Buna baxmayaraq, burada artıq müasir şəhərsalma prinsiplərini anlayırlar, metro, tramvay və digər ictimai nəqliyyatı aktiv şəkildə inkişaf etdirirlər.
⠀
Eyni zamanda, Dubayda piyadaların hüquqları taptalanmır, geniş səkilər salırlar və baryersiz mühit yaradırlar. Velosiped və elektroskuterlər get-getə populyarlaşır.
⠀
Bu şəhəri piyada və ictimai nəqliyyatla gəzib sizə Dubayın yol, küçə, nəqliyyatından və lüks maşınlardan ətraflı danışdım.
⠀
Ümid edirəm, maraqlı alındı👇
⠀
https://youtu.be/fATMql2RFpM

#Dubay