🇦🇿 Xırdalan əslində Azərbaycanın ən insan yönümlü şəhəridir.
⠀
📍 Reportaj çəkmək üçün Dilqəm İsmayılova buraya yenidən gəldik və özümüz əmin olduq.

Mütləq sona qədər izləyin 🤩

🚙 Bakıya "Car Sharing" xidməti gəlir (avtomobillərin qısa müddətli icarəsi, skuter kimi).
⠀
Digər ölkələrə nisbətən bu xidmətin Bakıya bu qədər gec gəlməsinin səbəbləri bəllidir. Qanunla nizamlanma mexanizmləri, parklanmanın idarə olunmaması, sürücü və şirkətin məsuliyyət zonası, avtomobillərə qulluq, sığorta hadisələri və s.
⠀
🔹 Ümumi desək, karşeyrinqin bir xidmət kimi Bakıya gəlməsi yaxşı hal kimi qiymətləndirmək olar. Hər halda, taksi sürücülərinə etibar etməyənlər indi şəxsi avtomobil ilə deyil, daha çox bu icarə avtomobillər götürüb özləri istədiyi məkana sürə biləcək.

🔹 Tıxacların azalmasında isə ciddi təsir edəcəyini gözlənilmir. Bəli, şəxsi avtomobil istifadəsi azalacaq, amma yola əlavə bir avtomobil çıxacaqsa, onun şəxsi və ya icarə olması fərq etməz. Bir qədər parklanmaya müsbət təsir edə bilər (avtomobillər hər zaman dayanmayacaq, istifadədə olacaq və yer tutmayacaq), lakin şəhərdə dayanıqlı mobilliyinin çıxış yolu dəqiq bu deyil.
⠀
🔸 Digər mənbələrə görə də, Bakıya velosiped icarəsi də nəhayət gəlir, bax bu həqiqətən yaxşı xəbər olacaq.
⠀
🔹 P.S. Məlumat rəsmi deyil, şəkilləri İlgar Əhmədbəylidə gördüm.

Tətbiq artıq AppStore-a yüklənib: https://apps.apple.com/az/app/citycar-az/id6478117640

🚧 Əhməd Rəcəbli küçəsi də təmir olunur, amma biz yenə də bilmirik, bu küçədə yenə yanaşması necə olacaq.
⠀
💬 AAYDA deyir ki, burada asfalt örtüyü yenilənəcək, səkilər bərpa olunacaq, amma misal üçün velosiped zolaqları və avtobus zolaqları haqqında bir kəlmə belə yoxdur.
⠀
🔸 Nərimanov rayonunda bu əsas küçələrdən biridir, bunu yeni yanaşma ilə təmir etmək olduqca önəmlidir. "8 noyabr" ilə bağlı da vəziyyət eynidir, artıq ona dair müraciət göndərmişəm, o cümlədən AYNA-ya. Amma təəssüf ki, nə Əhməd Rəcəbli küçəsi, nə də 8 noyabr prospektinin yenidənqurmasına dair AYNA-nın heç bir rəsmi açıqlaması yoxdur.
⠀
⁉️ Soruşarsınız, səni nə narahat edir? Təmir edirlər, yaxşı edirlər. Lakin xatırladım ki, bizdə ənənəvi təmirdən çıxan küçələrin görünüşü belə olur.

🔁 Küçənin insan yönümlü transformasiyası nə verir?
⠀
✅ Axının sakitləşdirilməsi
✅ Təhlükəsizliyin artması
✅ Səs kirliyinin azalması
✅ Əlçatanlığın təmin edilməsi
⠀
✅ Piyadalar üçün daha əlverişli şəraitin yaradılması
✅ Ağac və yaşıllığın çoxalması
✅ İsti günlərdə əlavə kölgələrin yaradılması (küçənin sərinləşdirilməsi)
✅ Havanın daha təmiz saxlanılması
⠀
✅ Küçə mebellərin və ictimai məkanların əlavə edilməsi
✅ İnsanların psixoloji cəhətdən daha sağlam mühitdə yaşaması
⠀
🔹 Təhlükəsiz, rahat və sağlam mühitdə yaşamaq istəyiriksə dünya tendensiyasına bizim şəhərlər mütləq qoşulmalıdır.

💬 Dünya: "Yeraltı və yerüstü keçidlər köhnə təcrübədir, gəlin sökək."

💬 Həmin an Cəlilabad: ⬆️

🇸🇰 Vloqun növbəti buraxılışı Bratislavadandır.
⠀
Burada da Bakı kimi tarixi mərkəzi küçələr, eyni zamanda sovet dövründə salınan tipik mikrorayonlara rast gəlmək olar. Lakin bizdən fərqli olaraq bu şəhərdə tramvayı qoruya bildilər, küçələri isə insan yönümlü etməyə başladılar.
⠀
🔹 Bizim üçün yaxşı nümunələr götürə biləcək şəhərdə urbanistik icmalı artıq kanalda izləyə bilərsiniz:
⠀
➡️ https://youtu.be/PiUcqCl_akk

#vloq #Bratislava

🚲 “8 noyabr” prospektində velosiped zolağı salınır.

Çox yaxşı, amma layihənin təqdimatını hələ də gözləyirik.

Fotoda olan prospektin ən asan hissəsidir. Öndə olan kəsişmələr və keçidlər necə olacaq? Həm də bir çox yerlərdə səkilər yoxdur ümumiyyətlə.

❓ Xırdalan niyə bu vəziyyətdədir?
⠀
"Podxana" kanalının aparıcısı Orxan Zakirov və urbanist Bayram Axundovun maraqlı söhbətindən bir parça. Urbanistika ilə maraqlanan hər kəsə bu 46-dəqiqəlik podkasta qulaq asmağı tövsiyə edirəm.
⠀
🔹 Xatırladım ki, Bayram Mingəçevir haqqında hazırladığım vloqun da qonağı olub.