❓ Vətəndaşlarımız niyə hələ də avtomobil seçir? Niyə sürücülərin parkinqə narazılığı hələ də gündəm yaradır?
⠀
Cavabı əslində çox sadədir.
⠀
Bəzi mərkəzi rayonlar və marşrutlar çıxmaq şərtilə, Bakıda bu gün cəlbedici dayanıqlı ictimai nəqliyyat yoxdur. 27 metro stansiyası var (3 milyonluq şəhər üçün gülməli rəqəmdir), tramvay yoxdur, bir az şəhərdə tıxac olan kimi avtobusların heç biri qrafik üzrə hərəkət edə bilmir, çünki avtobus zolaqları normal işləmir.
⠀
⬆️ Bir misal olaraq, bu gün Zığ qəsəbəsindən elə gündəm olan Qış Parkına getmək üçün ictimai nəqliyyatla 2 dəfədən çox vaxt sərf edəcəksən. Rayondan asılı olaraq rəqəmlər fərqli ola bilər, amma əsas məsələ odur ki, ortastatistik sürücünü ictimai nəqliyyata cəlb etmək çətindir.
⠀
🔸 Evdən dayanacağa qədər təhlükəsiz səkilər yoxdur, ətraf mühit aqressiv, dayanacağa gəldin bilmirsən sənin avtobusun nə vaxt gəlib səni aparacaq və nə vaxt dəqiq çatacaq - bu olmayana qədər kütləvi şəkildə ictimai nəqliyyata keçidi gözləməyə dəyməz.
⠀
🔸 Başqa bir məsələ ki, bu gün qiyməti qalxan Qış Parkının altındakı qaraj kimi böyük çatışmazlıqları var. Naviqasiyası zəif, giriş-çıxışı düzgün tapmaq üçün 3 dəfə dairə vurmalısan, yerin altından çıxmaq üçün qapıların yarısı bağlıdır, eskalatorlar işləmir və s. Və ümumiyyətlə Qış Parkı digər küçələrlə çox pis əlaqələndirilib.

❗️ "8 noyabr" prospektinin gələcəyi çox önəmlidir.
⠀
Artıq 10 gündən çoxdur ki, bu prospektdə işlər başlayıb, lakin buranın necə olması haqqında ictimaiyyətə məlumat verilməyib. Deyə bilərsiniz ki, "Onsuzda heç vaxt məlumat verilmir", amma məhz bu səfər vəziyyət fərqlidir. Bu gün Bakıda bir sıra urbanistik islahatlar keçirirlər (velozolaqlar, piyadalaşma, meydanların ictimai nəqliyyata verilməsi və s.), və şəhərin əsas nəqliyyat arteriyalarından biri yenidən qurulursa, onu hansı üsulda edilməsi olduqca önəmlidir.
⠀
🔹 Ümid edirəm, bura insan yönümlü normal bir küçəyə çevriləcək. Amma dəqiq biz heçnə bilmirik. Ona görə bu vacib məsələ ilə bağlı AYNA və AAYDA-ya rəsmi müraciət göndərdim.

🚕➡️🚌 Taksi sürücülərini avtobus sürücülərinə kvalifikasiyə etmək fikrinə necə baxırsınız?
⠀
Bu gün yenə də taksilərin yeni qaydaları müəyyən olundu. Bu qaydaları vaxtilə BNA tətbiq etmək istəsə də, o vaxt heçnə alınmadı.
⠀
🔸 İndi deyirlər ki, 1 iyuldan birmənalı olaraq qaydalara riayət olunmalıdır:
— Rəng ağ və ya qırmızı
— Avtomobilin yaşı maksimum 15
— EURO-5 ekoloji standart
— POS-Terminal və videoregistratorun olması
⠀
🔸 Əksər "Prius"lar bu standartlara cavab vermir, beləliklə taksi parkı kəskin azalacaq, qiymət də təbii qalxacaq.
⠀
Əsas populist fikir ondan ibarətdir ki, külli miqdarda insanlar işsiz qalacaq. Amma sadə bir təklifim var. Həmin taksi sürücülərini AYNA peşəkar təlim mərkəzində avtobus sürücülərinə yenidən kvalifikasiya edə bilər, sonda şəffaf imtahanlar keçirərək. Təbii ki, onlara normal maaş da təklif edilməlidir (xatırladım ki, Qafqazda ən az maaş alan avtobus sürücüləri Azərbaycandadır).
⠀
Digər bir yenilik isə - rəsmi taksiləri avtobus zolaqlarından istifadə etmək hüququnu vermək edir. Tbilisidə misal üçün keçən ildən bu var.
⠀
❓ Lakin reallıq necə olacaq? 1 iyulu gözləyək.

#taksi

🏢 Qarabağda tikilən evlər belə ola bilər.

🔹 Maşınsız həyətlər, əlçatan ictimai nəqliyyat, müxtəlif arxitektura - yaşayış belə olar. Bu cür şəhərsalma əsl insanyönümlü mühit yaradır.

🔸 Hətta binaların yerləşməsini də bu yaxınlarda “lağa qoyulan” Cəbrayıl ilə müqayisə etdim.

🇦🇹 Bu gün Vyananın yeni kvartallarını sizə göstərəcəm:

https://youtu.be/xjj59MlnGLU?si=uAVS43MCV-kLxXS_

🚍🔌 Bakıya daha bir elektrobus gətirilib.
⠀
Bu səfər belə bir sarı "Zhongtong". Bu artıq üçüncü Çin elektrik avtobusdur Bakıda, bundan əvvəlki də Bakıya xas olmayan bir rəngdə gətirilib.

🔸 Elə dünənki qərarda da əslində qeyd olunub ki, Bakıda avtobusların hamısı qırmızı olmalıdır.
⠀
🔸 Hansı daşıyıca aid olacağı da açıqlanmır. Ümumiyyətlə elektrik avtobusların belə pərakəndə şəkildə Bakıya gətirilməsinin səbəbləri açıqlanmır. Ola bilsin bir eksperimentdir. Əvvəl demişdilər BYD şirkətinin istehsalı açılacaq, amma konkret bir məlumat verilmir.

Bizdə “SMART” dayanacaq qoyurlar, amma inkişaf etmiş ölkələrdə başqa detallara önəm verirlər.

🇦🇹 Vyana vloqundan.

Şəhər insanlarındır. ❤️
⠀
📍 Vağzal meydanı bu gün.

🇦🇿 Xırdalan əslində Azərbaycanın ən insan yönümlü şəhəridir.
⠀
📍 Reportaj çəkmək üçün Dilqəm İsmayılova buraya yenidən gəldik və özümüz əmin olduq.

Mütləq sona qədər izləyin 🤩

🚙 Bakıya "Car Sharing" xidməti gəlir (avtomobillərin qısa müddətli icarəsi, skuter kimi).
⠀
Digər ölkələrə nisbətən bu xidmətin Bakıya bu qədər gec gəlməsinin səbəbləri bəllidir. Qanunla nizamlanma mexanizmləri, parklanmanın idarə olunmaması, sürücü və şirkətin məsuliyyət zonası, avtomobillərə qulluq, sığorta hadisələri və s.
⠀
🔹 Ümumi desək, karşeyrinqin bir xidmət kimi Bakıya gəlməsi yaxşı hal kimi qiymətləndirmək olar. Hər halda, taksi sürücülərinə etibar etməyənlər indi şəxsi avtomobil ilə deyil, daha çox bu icarə avtomobillər götürüb özləri istədiyi məkana sürə biləcək.

🔹 Tıxacların azalmasında isə ciddi təsir edəcəyini gözlənilmir. Bəli, şəxsi avtomobil istifadəsi azalacaq, amma yola əlavə bir avtomobil çıxacaqsa, onun şəxsi və ya icarə olması fərq etməz. Bir qədər parklanmaya müsbət təsir edə bilər (avtomobillər hər zaman dayanmayacaq, istifadədə olacaq və yer tutmayacaq), lakin şəhərdə dayanıqlı mobilliyinin çıxış yolu dəqiq bu deyil.
⠀
🔸 Digər mənbələrə görə də, Bakıya velosiped icarəsi də nəhayət gəlir, bax bu həqiqətən yaxşı xəbər olacaq.
⠀
🔹 P.S. Məlumat rəsmi deyil, şəkilləri İlgar Əhmədbəylidə gördüm.

Tətbiq artıq AppStore-a yüklənib: https://apps.apple.com/az/app/citycar-az/id6478117640

🚧 Əhməd Rəcəbli küçəsi də təmir olunur, amma biz yenə də bilmirik, bu küçədə yenə yanaşması necə olacaq.
⠀
💬 AAYDA deyir ki, burada asfalt örtüyü yenilənəcək, səkilər bərpa olunacaq, amma misal üçün velosiped zolaqları və avtobus zolaqları haqqında bir kəlmə belə yoxdur.
⠀
🔸 Nərimanov rayonunda bu əsas küçələrdən biridir, bunu yeni yanaşma ilə təmir etmək olduqca önəmlidir. "8 noyabr" ilə bağlı da vəziyyət eynidir, artıq ona dair müraciət göndərmişəm, o cümlədən AYNA-ya. Amma təəssüf ki, nə Əhməd Rəcəbli küçəsi, nə də 8 noyabr prospektinin yenidənqurmasına dair AYNA-nın heç bir rəsmi açıqlaması yoxdur.
⠀
⁉️ Soruşarsınız, səni nə narahat edir? Təmir edirlər, yaxşı edirlər. Lakin xatırladım ki, bizdə ənənəvi təmirdən çıxan küçələrin görünüşü belə olur.

🔁 Küçənin insan yönümlü transformasiyası nə verir?
⠀
✅ Axının sakitləşdirilməsi
✅ Təhlükəsizliyin artması
✅ Səs kirliyinin azalması
✅ Əlçatanlığın təmin edilməsi
⠀
✅ Piyadalar üçün daha əlverişli şəraitin yaradılması
✅ Ağac və yaşıllığın çoxalması
✅ İsti günlərdə əlavə kölgələrin yaradılması (küçənin sərinləşdirilməsi)
✅ Havanın daha təmiz saxlanılması
⠀
✅ Küçə mebellərin və ictimai məkanların əlavə edilməsi
✅ İnsanların psixoloji cəhətdən daha sağlam mühitdə yaşaması
⠀
🔹 Təhlükəsiz, rahat və sağlam mühitdə yaşamaq istəyiriksə dünya tendensiyasına bizim şəhərlər mütləq qoşulmalıdır.