💬 Bəzi dostlarımız deyir ki, onların zövgünə görə "avtomobillər üçün şəhər" daha gözəldir. Mən hər kəsin şəxsi fikrinə hörmətlə yanaşıram.
⠀
Gəlin səmimi səs verək, hansı mənzərə sizə daha gözəldir?

#əvvəlsonra

🔴 Canlı yayımda velosiped və kuryerlərin təhlükəsizliyi mövzusunda müzakirə gedir.

Bu səhifədə izləyə bilərsiniz, suallarınızı yaza bilərsiniz: https://www.facebook.com/muzdalan/videos/2568964079921344/

🇬🇪 Tbilisi şəhərində piyada keçidinin birində nişanlanmanı "klas-klas" oyunu formasında ediblər.
⠀
Şəhəri bir az canlandırmaq və maraqlı etmək üçün hərdən belə həllər tətbiq edirlər.
⠀
Biz isə heç olmasa silinmiş "zebra"larının vaxtında rənglənməsini istəyirik 🙂

#Tbilisi

🏗 Tikinti xaosun pik nöqtəsi. Yeni yaşayış massivinin icmalı.
⠀
Bu gün vloqda çox vacib bir mövzuya toxunacağıq. Son illər ərzində Bakıda tikilən yeni evlərin həm keyfiyyəti, həm zəlzələyə dözümlüyü, həm mühiti müasir standartlara nə dərəcədə cavab verir?
⠀
Hər yerdə ard-arda "novostroyka" tikib təhvil verirlər, amma digər infrastrukturu düşünürlərmi? Buradan mənzil almağa dəyərmi?
⠀
Memar Dilqəm İsmayılov ilə Yeni Yasamal massivini gəzdik və hər şeyi əyani göstərdik.

👇

https://youtu.be/qk3wWrRIEmk
⠀
🔗 Yeni videoların buraxılışına isə buradan dəstək ola bilərsiniz.

#vloq

🚲 Bizim şəhərlərdə infrastruktur bu cür təhlükəsiz və cəlbedici olsaydı hər gün qısa məsafələrə velosiped sürərdiniz?

🇦🇿 Ağdam küçələri belə olacaq?

Bu eskizə sosial mediada rast gəldim, güman ki bu render ancaq binaları göstərmək üçün hazırlanıb.

Çünki Ağdamda velosiped zolaqların salınması da nəzərdə tutulmuşdur, şəkildə isə bu görünmür. Həm də görünür ki planda olan tramvay sadəcə ayrılmış avtobus zolağıdır.

Lakin yolayrıcıda təhlükəsizlik adacıqların olması yaxşı əlamətdir.

💬 Kimdə daha dəqiq məlumat varsa, şərhlərdə yaza bilər.

#Ağdam #Qarabağ

🛣 Hər kəs üçün narahat bir yer — 20 yanvar dairəsi.
⠀
Bakının Şimal girişi sayılan 20 yanvar dairəsi hər kəs üçün narahat olan bir yol qovşağı sayılır. Burada istər sürücülər, istər piyadalar, istər ictimai nəqliyyat və taksidən istifadə edən sərnişinlər əziyyət çəkir. Keçidlər yalnız yeraltı, zolaqlar biri birinə uyğun olmayan, tıxac və digər problemər illərdir ortada var.
⠀
📹 Urbanist Arzu Süleymanov ilə buranı gəzdik, mövcud problemlərdən və çıxış yollardan danışdıq. Eyni zamanda, taksi sürücüsünə söz verdik, onu narahat edən məsələləri işıqlandırdıq.
⠀
https://youtu.be/7aCPwteAS2Y

#vloq #20yanvar

❗️ Şəhərsalma və Arxitektura Komitəsindən verilən məlumata görə, dünən paylaşılan məkanda səkinin parkinqə çevrilməsinin qarşısı alınıb.
⠀
Operativ reaksiyaya görə həm Komitəyə, eyni zamanda hər bir izləyiciyə şəhərimizin həyatına biganə qalmadığına görə təşəkkür edirəm.

🔹 Öncəki paylaşmaya davam olaraq.
⠀
Mehdi Mehdizadə küçəsində səki bərpa olunur. Sözügedən ərazidə yaşıllığın əkilməsi də nəzərdə tutulub.
⠀
Səkilərə dair bu cür problemləri gördükdə dərhal müvafiq rayonunun icra hakimiyyətinə bildirin. Mən də mütəmadi olaraq səhifədə paylaşacam, məsələni gündəmdə saxlayacam.
⠀
🔹 Şəhərdə səkilərin olmaması, onların zəbt edilməsi, birbaşa olaraq insanların təhlükəsizliyinə və yaşadığı mühitə aid olan bir məsələdir.

#səkilər

🚷 Heydər Əliyev prospektində piyada hərəkət etsəniz bir sıra çətinliklərə rast gələcəksiniz.
⠀
Adətən biz bu küçəni sürətlə keçirik, avtomobil pəncərəsindən buranın detallarını görmürük. Amma bu küçəni siz əvvəldən axıra kimi piyada gəzsəniz, bir sıra maneələrə rast gələcəksəniz.
⠀
Misal üçün, fotoda göründüyü kimi, "ASAN Xidmət №5" ərazisi ilə üzbəüz olan bu hissədə səki geniş yola dirənir, yolunuzu davam etdirmək üçün heç piyada zolağı mövcud deyil. Qabağınızı isə park edilən maşınlar bağlayır. Təəssüf ki, bu sadəcə onun bir misalıdır, bu cür prospektlər layihələndirəndə yalnız və yalnız sürətlə hərəkət edən maşınların rahatlığı nəzərdə tutulmuşdur.
⠀
🔹 Əminəm ki, bu prospektin ətrafında yaşayan izləyicilər də sizə bu prospektin piyadalar üçün narahat olduğunu təsdiq edir.