🏦 Жисмоний шахсларнинг кредитлари бўйича тўлов тартиблари ўзгартирилмоқда

Марказий банк томонидан Ўзбекистон Республикасининг “Ўзбекистон Республикаси Фуқаролик кодексининг 248-моддасига ўзгартириш киритиш тўғрисида”ги Қонуни лойиҳаси ишлаб чиқилиб, норматив-ҳуқуқий ҳужжатлар муҳокамаси порталига муҳокама учун жойлаштирилди.

Мазкур лойиҳада Кодекс билан белгилаб қўйилган пул мажбуриятлари бўйича талабларни қондириш навбатига доир нормаларга тегишли ўзгартиришлар киритилмоқда.

Ҳозир амалиётда фуқароларнинг амалдаги микроқарз ёки кредит шартномаларига асосан амалга оширилаётган тўлов суммалари пул мажбуриятларининг тўлиқ қоплаш учун етарли бўлмаса, ижрони олишга қаратилган чиқимлар, ҳисобланган фоизлар, сўнгра қарзнинг асосий қисмига йўналтирилади. Таклиф этилаётган ўзгартиришлар билан жисмоний шахсларга ажратилган микроқарз ёки кредит бўйича амалга оширилаётган тўлов суммалари пул мажбуриятларининг тўлиқ қоплаш учун етарли бўлмаса, биринчи навбатда, асосий қарз бўйича тўловларнинг қайтарилишига йўналтирилади.


@bankers_uz

🏦 Ўзсаноатқурилишбанк Венгрия банклари билан ҳамкорликни кенгайтирмоқда

Жорий йилнинг 3 октябрь куни Ўзбекистон Республикаси Президенти Ш.Мирзиёевнинг Венгрияга ташрифи арафасида Будапешт шаҳрида бўлиб ўтган ўзбек-венгер бизнес-форумида Ўзсаноатқурилишбанк ва Венгрия банклари ўртасида янги келишувларга эришилди.

Хусусан, ЎзСҚБ ва Венгрия Эксимбанки ўртасида венгриялик экспортёрлар иштирокида савдо ва инвестиция лойиҳаларини молиялаштириш соҳасида ҳамкорликни фаоллаштиришга қаратилган ўзаро англашув меморандуми имзоланди..

Бундан ташқари, Венгрия Райффайзенбанки билан “яшил” банк соҳасида тажриба ва фикр алмашилди ҳамда томонлар билан савдони молиялаштириш, халқаро ва маҳаллий молиявий операцияларни амалга оширишни янада яхшилаш, молиявий ечимларни оптималлаштириш чора-тадбирларини кучайтириш бўйича ҳамкорликни кенгайтиришга келишиб олдилар.


@bankers_uz

🏦 Инфинбанк 1-ярим йилликдаги соф фойдасини акциядорлар улушини ошириш орқали устав капиталини кўпайтиришга йўналтиради

ЧЭКИ "Invest Finance Bank" АТБ 28 сентябрь куни акциядорлар умумий йиғилишини ўтказди. Йиғилишда банкнинг 2022 йил I ярим йиллиги якунига кўра олган 70,4 млрд. сўм соф фойдасини тақсимлаш қарори қабул қилинди.

Маълум бўлишича, банк соф фойдасининг 70 млрд. сўми акциядорларга дивиденд шаклида ҳисобланади. Мазкур дивидендлар ҳисобидан банкнинг қўшимча акцияларини сотиб олиш амалга оширилади ва дивиденд маблағлари капитализацияга йўналтирилади. Бунда ҳар бир дона оддий акция учун 175 сўм миқдорида (даромадлилик 17,5 фоиз) дивиденд ҳисобланиши маълум бўлди.

Биринчи ярим йилликдаги соф фойданинг қолган қисми — 403,6 млн. сўми акциядорлар томонидан тегишли қарор қабул қилингунига қадар тақсимланмаган фойда шаклида қолдиришга қарор қилинган.


@bankers_uz

🏦 Қишлоқ қурилиш банк FPO бўйича фаол иш олиб бормоқда

АТБ “Қишлоқ қурилиш банк” акцияларини оммавий савдога чиқариш бўйича фаол иш олиб бормоқда.

Банк бу борада “Аvesta Investment Group” МЖЧ билан андеррайтерлик хизматларини кўрсатиш бўйича шартнома имзолади.

Эндиликда шартнома доирасида банкнинг қўшимча акцияларини (FPO) маҳаллий фонд биржаси орқали инвесторларга бирламчи оммавий жойлаштириш ишлари амалга оширилади.

Маълумот учун: FPO (follow-on public offering) — бу фонд биржаси котировкаларига киритилган компаниянинг инвесторлари учун қўшимча акцияларнинг сотувга чиқарилиши. Такрорий таклиф — бу компания томонидан бирламчи оммавий таклифдан (IPO) кейин амалга оширилган қўшимча акцияларнинг чиқарилиши. Кейинги таклифлар иккинчи даражали таклифлар сифатида ҳам танилган.


@bankers_uz

🏦 "Фуқароларимиздан омонат маблағларини қайтарилмай қолишидан хавотир олмасликларини сўраймиз" — Марказий банк фаолияти тугатилаётган банклар бўйича қўшимча ахборот берди

Марказий банкнинг тегишли қарори билан лицензияси чақириб олинган банклар — “Туркистон” хусусий акциядорлик тижорат банки ва “Hi-tech bank” хусусий акциядорлик тижорат банки билан боғлиқ вазият юзасидан Марказий банк матбуот котиби Акмал Назаров қўшимча ахборот берди.

Баёнотда ушбу банклардан лицензияни чақириб олиш сабаблари, банкдаги омонатчилар ва кредиторлар маблағларининг тақдири, шунингдек банкда хизмат кўрсатилган тадбиркорлар учун зарур маълумотлар берилган.

Батафсил - https://bankers.uz/news/851


@bankers_uz

🏦 7 октябрь куни Ўзбекистон банк секторига оид хабарлар қисқа сатрларда

🏦 Регулятор иккита банкнинг лицензиясини чақириб олди;

🏦 Лицензияси олиб қўйилган банклардаги омонатчиларнинг маблағлари икки ойда тўлиқ қайтарилади;

🏦 Жисмоний шахсларнинг кредитлари бўйича тўлов тартиблари ўзгартирилмоқда;

🏦 Ўзсаноатқурилишбанк Венгрия банклари билан ҳамкорликни кенгайтирмоқда;

🏦 Инфинбанк 1-ярим йилликдаги соф фойдасини устав капиталини кўпайтиришга йўналтиради;

🏦 Қишлоқ қурилиш банк FPO бўйича фаол иш олиб бормоқда;

🏦 Агробанк бир нечта раҳбарлик лавозимларига танлов эълон қилмоқда;

🏦 Марказий банк фаолияти тугатилаётган банклар бўйича қўшимча ахборот берди;

👮‍♂️ Жиззах ва Самарқанд вилоятларида кредит маблағларини талон-торож қилиш ҳолатлари аниқланди;

🏦 Марказий банк бошқарувининг навбатдаги таянч йиғилиши жорий йилнинг 27 октябрида ўтказилади;

🏦 “Туркистон” ХАТБ ва 🏦 "HI-TECH BANK" ХАТБ тугатиш комиссиялари банк кредиторлари ва омонатчиларига мурожаат қилди;

🏦 Туронбанк ҳамда Тошкент молия иститути ўртасида ўзаро ҳамкорлик меморандуми имзоланди;

🏦 "Асакабанк" АЖ ва Иқтисодиёт университети ўртасида ўзаро ҳамкорлик шартномаси имзоланди;

💳 Марказий банкда “Mastercard” компанияси билан ҳамкорликда семинар ўтказилди;

🏦 7 октябрдан бошлаб "Капиталбанк" АТБ валюта айирбошлаш банкоматлари ва инфокиосклари иши тўхтатилмоқда;

💵 Валюта биржасида АҚШ доллари курси 11 сўм 78 тийинга пасайди ва 10 октябрдан бошлаб расмий курс 11 051 сўм 27 тийинни ташкил қилмоқда.

#дайжест

🏦 10 октябрь куни Ўзбекистон банк секторига оид хабарлар қисқа сатрларда

🏦 Марказий банк томонидан молиявий саводхонлик бўйича янги лойиҳа ишга туширилди;

🏦 Алоқабанкнинг соф фойдаси ўтган йилнинг мос даврига нисбатан 60 фоиз ортган;

🏦 Asia Alliance Bank ўз колл (алоқа) маркази учун қисқа рақамни жорий қилди;

🏦 "MKBANK Erudit" интеллектуал ўйинига старт берилди;

🏦 TBC Bank Ғазалкентда мижозларга хизмат кўрсатиш нуқтасини ишга туширди;

🏦 10-12 октябрь кунлари Ўзмиллийбанкнинг Наманган вилояти ҳудудий бўлинмаси, Чуст, Тўрақўрғон ва Косонсой шаҳарларидаги ОПЕРУ банкоматлари вақтинча ўчирилади;

🏦 Молия вазирлигида Халқ банки трансформациясига бағишланган учрашув бўлиб ўтди;

💵 Валюта биржасида АҚШ доллари курси 18 сўм 56 тийинга ошди ва 11 октябрдан бошлаб расмий курс 11 069 сўм 83 тийинни ташкил қилмоқда.

#дайжест

🏦 11 октябрь куни Ўзбекистон банк секторига оид хабарлар қисқа сатрларда

🚓 Тошкент ва Самарқандда қарийб 2,4 млрд. сўм кредит маблағлари ўзлаштирилгани аниқланди;

💳 NFC'ни қўллаб-қувватлайдиган UZCARD карталари эмиссия қиладиган банклар сони яна биттага кўпайди;

🏦 Марказий банк 2022 йилнинг 9 ойи давомида аҳолига ажратилган ипотека кредитлари бўйича маълумот тақдим қилди;

🏦 10-15 октябр кунлари Трастбанкнинг айрим банкоматлари ишламайди;

🏦 10-14 октябрь кунлари Ўзмиллийбанкнинг айрим филиалларига қарашли банкоматлар ишламайди. Рўйхат бу ерда;

🏦 8-9 октябрь кунлари Алоқабанкнинг Сурхондарё, Қашқадарё ва Бухоро вилоятларидаги ходимлари иштирокида Aloqabrains интеллектуал ўйинлари бўлиб ўтди;

💵 Валюта биржасида АҚШ доллари курси 14 сўм 23 тийинга ошди ва 12 октябрдан бошлаб расмий курс 11 084 сўм 6 тийинни ташкил қилмоқда.

#дайжест

🏦 Агробанк АТБ қуйидаги йўналишларда раҳбарлик лавозимларига танлов эълон қилмоқда:

➖ Чакана хизматларни ривожлантириш;
➖ Кичик ва ўрта бизнесни ривожлантириш;
➖ Банк карталарига хизмат кўрсатиш;
➖ Мобил иловани ривожлантириш.

Номзодлардан қуйидагилар талаб қилинади:

1. Олий иқтисодий маълумот, халқаро сертификат ва дипломлар;
2. Рус ва инглиз тилларини аъло даражада билиш;
3. Йўналиш бўйича камида 5 йил фаолият юритган бўлиши;
4. Бизнес жараёнларини соддалаштириш, янги банк маҳсулотлари, хизмат турлари ва сотув каналларини жорий қилиш, йўналиш бўйича банкнинг бозордаги улушини ошириш ва фаол мижозлар базасининг ўсишини таъминлаш бўйича малакага эга бўлиши.

Иш ҳақи суҳбат давомида келишилади.

Вакансиялар бўйича қуйидаги манзилга онлайн мурожаат қилиш сўралади:

Телеграм орқали мурожаат қилиш: +998 95 036 78 81
Электрон почта манзили: i.olimova@agrobank.uz


@bankers_uz

🏦 12 октябрь куни Ўзбекистон банк секторига оид хабарлар қисқа сатрларда

💳 UZCARD яна хусусийлаштирилди;

💳 HUMO карталаридан йўлкира учун тўлов кетма-кет 2−3 мартадан ечиб олинаётгани айтилмоқда;

🏦 Марказий банк иккита компанияни микромолия ташкилотлари реестрига киритди;

🏦 Ўзмиллийбанк Марказий амалиёт филиалида Россиянинг Газмпромбанки мутахассиси иштирокида семинар-тренинг ташкиллаштирилди;

🏦 Давр-банк бошланғич тўлови мавжуд бўлмаган тижорий ипотека кредити таклиф қилмоқда;

💵 Валюта биржасида АҚШ доллари курси 11 сўм 25 тийинга ошди ва 13 октябрдан бошлаб расмий курс 11 095 сўм 31 тийинни ташкил қилмоқда.

#дайжест

🏦 Ўзмиллийбанк 1-ярим йилликдаги соф фойдасини устав капиталини кўпайтиришга йўналтиради

"Ўзмиллийбанк" АЖ 30 сентябрь куни акциядорлар умумий йиғилишини ўтказди. Йиғилишда банкнинг 2022 йил I ярим йиллиги якунига кўра олган 985,96 млрд. сўм соф фойдасини тақсимлаш қарори қабул қилинди.

Қарорда айтилишича, “Ўзмиллийбанк” АЖ нинг 2022 йил I ярим йиллик натижасида олинган - 985 млрд. 961 млн. сўмдан ортиқ соф фойдаси тўлиқ банк капиталига йўналтирилади. Қўшимча чиқарилаётган акцияларни ёпиқ обуна орқали 2022 йил 26 сентябрь ҳолатига шакллантирилган реестрдаги акциядорлар улушларига мутаносиб равишда, яъни Тикланиш ва тараққиёт жамғармасига 555,2 млрд. сўм ва Молия вазирлигига 381,43 млрд. сўм улушда жойлаштирилади.

Мазкур чиқарилиш амалга ошмаган деб топилган тақдирда, акциялар учун қабул қилинган тўлов воситалари ушбу чиқарилиш амалга ошмаган деб топилган кундан бошлаб 10 (ўн) кун давомида қайтарилади.


@bankers_uz