Чирчиқда 3 нафар ҳарбий хизматчи банкоматларга ҳужум қилди

Тошкент вилояти Чирчиқ шаҳрида 3 нафар шартнома асосида ишлайдиган ҳарбий хизматчи банкоматларни бузишга уринган. Бу ҳақда Бош прокуратура матбуот хизматига таяниб Газета.уз хабар берди.

Капиталбанк М.Улуғбек филиали раҳбари 24 сентябрь куни Чирчиқ шаҳар ИИБ бошлиғи номига ариза билан мурожаат қилиб, 15 сентябрь куни банкка тегишли бўлган Чирчиқ шаҳар 9-кичик ноҳия ҳудудидаги ҳамда 20 сентябрь куни Чирчиқ шаҳар А.Темур шоҳ кўчасидаги "Havas" савдо мажмуаси олдига ўрнатилган банкоматга номаълум шахслар томонидан бузишга уринганлиги аниқланганлиги баён қилган.

Олиб борилган тергов ҳаракатлари давомида ушбу жиноят шартнома асосидаги 3 нафар ҳарбий хизмат оддий аскарлари томонидан содир этилганлиги аниқланган. Жиноят иши тергови давомида 3 нафар шахс гумонланувчи тариқасида жалб қилиниб, 1 нафарига нисбатан қамоқ эҳтиёт чораси қўлланилган. Чирчиқ ҳарбий прокуратураси томонидан ҳозирда дастлабки тергов ҳаракатлари олиб борилмоқда.


@bankers_uz

“Туркистон банк”да OSON фойдаланувчиларининг 1,5 миллиард сўмдан ортиқ маблағлари музлатиб қўйилди” – Фарҳод Маҳмудов

Аввал хабар берилганидек, Марказий банк иккита тижорат банки — "Туркистон" ХАТБ ҳамда "HI-TECH BANK" ХАТБларнинг банк фаолиятини амалга ошириш ҳуқуқини берувчи лицензияларини чақириб олди.

Мазкур вазият мамлакатдаги йирик электрон пул тизимларидан бири бўлган OSON учун ҳам жиддий муаммоларни туғдирган. Бу ҳақда компания асосчиси Фарҳод Маҳмудов Spot'га берга интервьюсида маълум қилган. Компания раҳбарининг айтишича, ҳозир қарийб 7,5 миллиард сўм музлатилган, шундан 1,5 миллиарди OSON фойдаланувчилари ҳамёнидаги электрон пуллардир.

Ҳозирда компания электрон ҳамёндан пулни тўғридан-тўғри банкка қайтаришни истаган фойдаланувчиларини йўналтиришга мажбур бўлаётганини маълум қилган. Бу эса компаниянинг олти йиллик обрўси ва қарийб ярим миллион долларлик инвестицияларини хавф остига қўяётгани айтилган.

Интервьюда Ф.Маҳмудов ҳозирда регуляторнинг чора-тадбирларини кутаётганини ва масалани қонун доирасида тезроқ хал қилинишини кутаётганини маълум қилган.


@bankers_uz

Тижорат банклари валюта айирбошлаш шахобчаларидаги энг мақбул валюта курслари*

🗓 14 октябрь, 2022 йил, соат 10:00 ҳолатига

Изоҳ: валюта курслари банкларнинг сайтларидаги маълумотлар асосида тайёрланган.

Батафсил


@bankers_uz

ANORBANK очиқ хат билан мурожаат қилди

"ANOR BANK" АЖ айрим медиа хизматлари томонидан ANORBANK билан ҳамкорлик шартномасини туза олмаганликларидан сўнг, банкка ахборот хуружини уюштиришга ҳаракат қилаётганликларини маълум қилди ва мазкур вазият бўйича Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлигига, шунингдек ахборот каналлари, мижозлар ва банк ҳамжамиятига очиқ хат билан мурожаат қилди.

Хатда ANORBANK айрим ижтимоий тармоқ фаоллари моддий манфаатдорлик йўлида банкнинг ишбилармонлик обрўсига путур етказувчи ва шахсий ҳаётга аралашувга йўл қўювчи хабарлар тарқатаётганига эътибор қаратилиши лозимлигини таъкидлаган.

Батафсил - https://bankers.uz/news/865


@bankers_uz

Тижорат банклари валюта айирбошлаш шахобчаларидаги энг мақбул валюта курслари*

🗓 17 октябрь, 2022 йил, соат 10:00 ҳолатига

Изоҳ: валюта курслари банкларнинг сайтларидаги маълумотлар асосида тайёрланган.

Батафсил


@bankers_uz