#የሞት_ፍርድ👉 #Adama

ተከሳሽ ቶሎሳ ወይም ፍቅሩ አሸናፊ ይባላል።

በአዳማ ከተማ ቦሌ ክፍል ከተማ በተለምዶ ደካ አዲ ተብሎ በሚጠራው አካባቢ ሚያዝያ 21 ቀን 2016 ዓ.ም እናቱን በአሰቃቂ ሁኔታ ገድሏል።

ተከሳሹ እናቱን በስለት (ቢላዋ) በአሰቃቂ ሁኔታ ወግቶ ነው ህይወታቸውን እንዲያጡ ያደረገው።

ተከሳሹ ድርጊቱን የፈጸመው #በቁማር_የተበላዉን ገንዘብ እናቱ ያላቸውን ንብረት በመሸጥ እንዲተኩለት ለማድረግ ሲል እየደበደበ ያሰቃያቸው እንደነበር ዐቃቤ ሕግ በማስረጃ አረጋግጧል።

በዚህ ብቻ ያላበቃው ተከሳሽ ሚያዚያ 21/ 2016 ዓ/ም ጠዋት በአሰቃቂ ሁኔታ የእናቱ ህይወት እንዲያልፍ በማድረጉ ከባድ የግድያ ወንጀል ክስ ቀርቦበታል።

ጉዳዩን የተመለከተው የአዳማ ከፍተኛ ፍርድ ቤት ዛሬ በዋለው ችሎት በሞት እንዲቀጣ ወስኗል።

በተከሳሹ ላይ የተጣለው #የሞት_ፍርድ በአገሪቱ ርዕሰ ብሔር ሲጸድቅ ነው ተፈጻሚ የሚሆነው። #ኤፍቢሲ
@tikvahethiopia
አማራጭ የሕግ እውቀት
👉Telegram👈
https://t.me/lawsocieties

👉Facebook Page 👈
https://www.facebook.com/lawsocieties/

👉 LinkedIn 👈
https://www.linkedin.com/company/lawsocieties/

👉YouTube 👈
https://youtube.com/@Ale_Hig

ለባህላዊ የዳኝነት ሥርዓቶች እውቅና የሚሰጥና ከዘመናዊ የፍትህ ሥርዓት ጋር እንዲጣጣሙ የሚያስችል ሞዴል ረቂቅ አዋጅ ተዘጋጀ

አዲስ አበባ፤ ግንቦት 26/2016፦ በኢትዮጵያ ለሚገኙ ባህላዊ የዳኝነት ሥርዓቶች እውቅና የሚሰጥና ከዘመናዊ የፍትህ ሥርዓት ጋር እንዲጣጣሙ የሚያስችል ሞዴል ረቂቅ አዋጅ መዘጋጀቱን የፍትህ ሚኒስቴር ገለጸ።

የፍትህ ሚኒስቴር "ማኅበረሰብ አቀፍ የፍትህ አገልግሎት ሚና በኢትዮጵያ የፍትህ ዘርፍ" በሚል መሪ ኃሳብ ባለድርሻ አካላትን ያሳተፈ ውይይት አካሂዷል።

በመርኃ ግብሩ የፌደራልና የክልል የፍትህ ዘርፍ አመራሮች እንዲሁም የሲቪል ማኅበረሰብ ድርጅት ተወካዮች ተገኝተዋል።

የፍትህ ሚኒስትር ጌዲዮን ጢሞቲዮስ (ዶ/ር) በዚሁ ጊዜ እንደገለጹት፤ ባህላዊ የዳኝነት ሥርዓት ግጭቶችን ለማርገብና የተረጋጋ ማኅበረሰብ ለመፍጠር አይነተኛ ሚና አላቸው።

ይሁንና ዘርፉ በፍትህ ሥርዓቱ ማኅበረሰቡን ተጠቃሚ እንዲያደርግ ከዘመናዊ የፍትህ ሥርዓቱ ጋር የተጣጣመ በማድረግ ረገድ ክፍተት መኖሩን ነው ያስረዱት።

ይህንን ችግር ለመቅረፍና ዘርፉ ለፍትህ ሥርዓቱ መጎልበት ያለውን ሚና ከግምት በማስገባት የባህላዊ የዳኝነት ሥርዓቶችን ለማጠናከር እየተሰራ ነው ብለዋል።

ይህንንም ተከትሎ አሁን ላይ ዘመናዊው የአዋጅ ሥርዓትን ከባህላዊ የፍትህ ሥርዓት ጋር ማሰናሰን የሚያስችል ሞዴል ረቂቅ አዋጅ መዘጋጀቱን ጠቁመዋል።

ሞዴል ረቂቅ አዋጁ የፍትህ ሥርዓቱን በማሳለጥ ረገድ አገራዊ አበርክቶው የላቀ መሆኑን አብራርተዋል።

የፌደራል ጠቅላይ ፍርድ ቤት ፕሬዝዳንት ቴዎድሮስ ምህረት በበኩላቸው በኢትዮጵያ መደበኛ ፍርድ ቤቶች የሚሰጡት አገልግሎት ከፍላጎት ጋር መጣጣም አለመቻሉን ገልጸዋል።

ፍርድ ቤቶች ከሰው ሃይል፣ ከመሰረተ ልማትና ከኃብት አኳያ ውስንነት ያለባቸው በመሆኑ በአግባቡ ተደራሽ መሆን እንዳልቻሉ ጠቁመው መሰል ችግሮችን ለመፍታት ባህላዊ የዳኝነት ሥርዓቶች ቁልፍ ሚና አላቸው ብለዋል።

ባህላዊ ፍርድ ቤቶች በመደበኛው ፍርድ ቤቶች ላይ የሚፈጠረውን ጫና እንዲቀንስ ከማስቻላቸውም በላይ ዜጎች በቋንቋቸውና በነባራዊ ሁኔታቸው እንዲዳኙ የሚያስችል መሆኑንም አስረድተዋል።

በመሆኑም ዘርፉን ማጠናከር የሁሉም ባለድርሻ አካል ድርሻ ሊሆን እንደሚገባ ጠቁመው የፌደራል ጠቅላይ ፍርድ ቤትም ከዚህ አኳያ የሚጠበቅበትን ሚና እንደሚጫወት አረጋግጠዋል።

በፍትህ ሚኒስቴር የተቋም ግንባታና ሪፎርም ዘርፍ ሚኒስትር ዴኤታ አማካሪ አማኑኤል ታደሰ በበኩላቸው በኢትዮጵያ ለሚገኙ የባህላዊ የዳኝነት ሥርዓቶች እውቅና ለመስጠት የተዘጋጀው ሞዴል ረቂቅ አዋጁ ክልሎች ለሚያዘጋጁት ረቂቅ ሕግ መነሻ እንደሚሆን ተናግረዋል።

ሞዴል ረቂቅ አዋጁ በተለይም ባህላዊ የዳኝነት ሥርዓቶች ከመሰረታዊ የሰብዓዊ መብት መርህ ጋር እንዳይጣረሱ ለማድረግ ያለመ መሆኑም አክለዋል።

ሞዴል ረቂቅ አዋጁ ባህላዊ የዳኝነት ሥርዓቶች ለአገራዊ የፍትህ ሥርዓቱ ተጨማሪ አቅም እንዲሆኑና የበለጠ ውጤታማ እንዲሆኑ ለመደገፍ ያለመ መሆኑም ተናግረዋል።

በውይይት መድረኩ የሲዳማ ባህላዊ የዳኝነት ሥርዓት "አፊኒ" በተሞክሮነት ቀርቦ ውይይት ተደርጎበታል።(ኢዜአ)
አማራጭ የሕግ እውቀት
      👇👇👇👇👇👇👇👇
https://t.me/lawsocieties