38 የተለያዩ ዕቃዎች ከውጭ እንዳይገቡ ዕገዳ ተጣለባቸው

38 የተለያዩ ዕቃዎች ከውጭ እንዳይገቡ ዕገዳ መጣሉን ብሔራዊ ባንክ አስታወቀ።

የብሔራዊ ባንክ ምክትል ገዥ አቶ ፍቃዱ ድጋፌ በሰጡት መግለጫ፣ የተለዩት ዝርዝር ዕቃዎች ጉምሩክ ኮሚሽን በጥናት የለያቸው ሲሆን ባንኮች ከነገ ጀምሮ “ኤልሲ' መክፈት አይችሉም ብለዋል።

የተለዩት ዕቃዎች ከሕገ-ወጥ የውጭ ምንዛሪ ዝውውር ጋር ቁርኝት እንዳላቸው በጥናት የተለዩ እና መሠረታዊ ቁሳቁስ እንዳልሆኑም ገልጸዋል።

በዕገዳው ከተለዩት ቁሳቁሶች መካከልም ተሽከርካሪዎች የተካተቱ ሲሆን አሁን ላይ የውጭ ምንዛሪ ጥያቄ ላይ 2ኛ ደረጃ ላይ መሆኑን አስታውሰዋል።

የቁሳቁሶቹ ዕገዳ መተግበር በአማካኝ ግማሽ ያህል የውጭ ምንዛሪ ሊያስቀር እንደሚችልም ምክትል ገዥው አቶ ፍቃዱ ተናግረዋል።
https://t.me/lawsocieties

በፍርድ ቤት ተጠርቶ አለመቅረብ

1. ክርክሩን ለመስማት በተቀጠረበት ቀን ግራ ቀኙ ወገኖች ካልቀረቡ የክስ መዝገቡ ይዘጋል ፡፡ የክስ መዝገብ ከተዘጋ ከሳሹ ተገቢውን ዳኝነት በድጋሚ ከፍሎ መዝገቡን ለማስከፈት ይችላል፡፡፡ ከሳሹ የቀረው በቂ በሆነ ምክንያት መሆኑን ካስረዳ ድጋሚ ዳኝነት ላይከፍል የተዘጋው መዝገብ እንዲንቀሳቀስ ዳኛው ሊወስን ይችላል፡፡ ሳሙኤል ግርማ የሕግ አማካሪና ጠበቃ

ተከሳሽ ካልቀረበ እንደ ሁኔታው ተከሳሹ በሌለበት 2. ከሳሽ ቀርቦ ተከሳሽ እንዲቀጥል ወይም ሁለተኛ መጥሪያ እንዲላክለት ሊታዘዝ ይችላል፡፡ እዚህ ጋር ልብ ሊባል የሚገባው መጥሪያው ለተከሳሽ ያልደረሰው በከሳሽ ጥፋት ከሆነ ባልደረሳቸው ተከሳሾች ላይ የክስ መዝገቡ ይዘጋል ፡፡ ተከሳሹ በሌለበት ጉዳዩ እንዲታይ ከታዘዘ ደግሞ በሚቀጥለው ቀጠሮ ቀርቦ በባለፈው ቀጠሮ ያልቀረበው በቂ በሆነ ምክንያት መሆኑን ካስረዳ መከላከያውን አቅርቦ እንዲከራከር ሊፈቀድለት ይችላል ፡፡

ተከሳሽ ቀርቦ ከሳሽ ካልቀረበስ ?

ተከሳሹ የተከሰሰበትን ነገር በሙሉ ወይም በከፊል ያመነ ከሆነ ፍርድ ቤቱ በታመነው መጠን ውሳኔ መስጠት ይችላል ፡፡ ሳሙኤል ግርማ

ተከሳሹ ከካደ መዝገቡ ይዘጋል ሆኖም ከሳሹ የተዘጋው መዝገብ እንዲከፈትለት መጠየቅ ይችላል፡፡ ጥያቄው ተቀባይነት የሚያገኘው ከሳሹ በመጀመሪያው ቀጠሮ የቀረው በቂ በሆነ ችግር መሆኑን ካስረዳ ነው፡፡ ፍረድ ቤቱ ጥያቄውን ከተቀበለ ስለኪሣራውና ስለማናቸውም ወጪ አከፋፈል ተስማሚ መስሎ የታየውን ውሳኔ ከሰጠ በኃላ የተዘጋው መዝገብ እንደገና ተከፍቶ ነገሩ እንዲቀጥል ትዕዛዝ ሊሰጥ ይችላል ፡፡

የፍትሐብሄር ሥነ ሥርዓት ሕግ ቁጥር ከ 65 እስከ 75 ያሉት አንቀጾች ይመለከተዋል ፡፡
https://t.me/lawsocieties