ከፍተኛ የስራ ሀላፊዎቹ ስለ አፍሌክስ በተደረገላቸው ገለጻ አመስግነው ከአፍሌክስ ጋር አብረው ለመስራት በሚቻልባቸው ጉዳዮች ላይ ሀሳብ ሰጥተዋል።
የ UNDP, UNIDO, UNESCO, እና UN ከፍተኛ የስራ ሀላፊዎች ካነሷቸው ጥያቄና አስተያየቶች መካከል አካዳሚው አፍሪካዊ ቅርጽ እና ይዘት እንዲኖረው በሚደረገው ሪፎርም፤ ማስፋት እና ሽግግር ዙሪያ በኢትዮጵያ ከሚገኙ ኤምባሲዎች እና ዲፕሎማቲክ ማህበረሰብ ጋር አብሮ ለመስራት ስላቀደው ዕቅድ፤ የማስተርስ ዲግሪዎቹን በተመለከተ ስላለው ሀገራዊ እና ዓለም አቀፋዊ ዕውቅና፤ የአመራር ልማት ፕሮግራሙን ወደ ስራ ለመቀየር ያለው ዝግጅት ምን እንደሚመስል፤ እና ከሌሎች አህጉራዊ እና ዓለም አቀፍ ድርጅቶች ጋር በምን መልኩ ለመስራት እንደታቀደ የጠየቁ ሲሆን አቶ ዛዲግ አብርሃ ማብራሪያ ሰጥተዋቸዋል።
ከ UNDP, UNIDO, UNESCO, እና UN ከፍተኛ የስራ ሀላፊዎች ከአፍሌክስ ጋር በጋራ ለመስራት ዝግጁ መሆናቸውን እና ዝርዝር ጥናት በማድረግ ዽጋፍ በተጠየቁባቸው መስኮች አብረው ለመስራት ተስማምተዋል። የአካዳሚውን ፋሲሊቲም ጎብኝተዋል።

ዳይሬክተሩ አያይዘውም አሌክሳንደር ኤቭጊየስትኔቭ ራሺያ በተለያዩ ዘርፎች የስመጥር ምሁራንና ተመራማሪዎች መፍለቂያ መሆኗን ገልጸው፤ በአገራቸው ከሚገኙ አንጋፋ የከፍተኛ ትምህርት ተቋማት እና የምርምር ማዕከላት ጋር አብሮ ለመስራት ዝግጁ መሆናቸውን እና ከአካዳሚው በሚቀርቡ ክፍተትን መሰረት ያደረጉ የስልጠና፤ የጥናትና ምርምር እንዲሁም የማማከር ፍላጎቶች አስፈላጊውን እገዛ እንደሚያደርጉ ገልጸዋል፡፡
በተለይም የሱሉልታ የአመራር ልማት ማዕከልን የኮንፈረንስ ማዕከል ለማድረግ በተያዘው ዕቅድ ላይ ራሺያ የበኩሏን እገዛ እንደምታደርግ በመግለጽ የተለያዩ አለምአቀፍ ፎረሞችና ኮንፈረንሶችን በማዕከሉ ለማድረግ ቅድሚያ ሰጥተው እንደሚሰሩም ቃል ገብተዋል፡፡

የአፍሌክስ ርዕሰ አካዳሚ አቶ ዛዲግ አብርሃ በበኩላቸው ሚኒስቴር መስሪያ ቤቱ የአፍሪካ አመራር ልህቀትን የአመራር ልማት ፕሮግራም እና የሶስት ዓመት ስትራቴጂ ለመደገፍ ያሳለፈውን ውሳኔ አድንቀው ለስራው መሳካት ከአፍሌክስ የሚጠበቀውን ሁሉ በማድረግ ትብብሩን ወደ ላቀ ደረጃ ለማሸጋገር እንደሚሰሩ ቃል ገብተዋል።

የአፍሪካ አመራር ልህቀት አካዳሚን ለዓለም አቀፉ ማህበረሰብ ለማስተዋወቅ እንደሚሰሩ አምባሳደሮች ተናገሩ።
ኢትዮጵያን ወክለው በተለያዩ የዓለማችን ክፍሎች ለሚሰሩ አምባሳደሮች፤ ሚሲዮኖች እና ዲፕሎማቶች ስለ አፍሌክስ የአመራር ልማት ፕሮግራም እና የሶስት ዓመት ስትራቴጂ ዕቅድ ገለጻ ተደርጎላቸዋል።
የአፍሌክስ ርዕሰ አካዳሚ አቶ ዛዲግ አብርሃ ለአምባሳደሮች፤ ለሚሲዮኖች እና ለዲፕሎማቶች ስለ አፍሌክስ የአመራር ልማት ፕሮግራሞች እና የሶስት ዓመት ስትራቴጂ ሰፊ ገለጻ ያቀረቡ ሲሆን የአካዳሚውን የሪፎርም (Reform)፤ የማስፋት (Scaling Up) እና የሽግግር (Transformation) ስራዎችም አብራርተዋል።
አቶ ዛዲግ አፍሌክስ የጀመረውን የአመራር ልማት ፕሮግራም ለማሳካት ከውጭ ጉዳይ ሚኒስቴር ጋር በመሆን ሰፊ ስራዎች እየተሰሩ እንደሆነ አስታውሰው፤ በተለይም ከአውሮፓ እና አሜሪካ፤ ከእስያ፤ ከመካከለኛው ምስራቅ፤ ከላቲን አሜሪካ እና ከአፍሪካ ጉዳዮች ዳይሬክተር ጄኔራሎች ጋር በመሆን አፍሌክስን የማስተዋወቅ እና ሀብት የማፈላለጉ ተግባር ውጤት እያመጣ እንደሆነ ገልጸው፤ በስራው ላይ ትብብር ላደረጉ አካላት ምስጋና አቅርበዋል።
ኢትዮጵያን በመወከል በመላው ዓለም የሚሰማሩ አምባሳደሮች፤ ሚሲዮኖች እና ዲፕሎማቶችም የአፍሌክስን ተልእኮ እና ራዕይ ለዲፕሎማቲክ ማህበረሰቡ በማስተዋወቅ የቴክኒክ፤ የዕውቀት እና የገንዘብ ድጋፍ የሚገኝበትን መንገድ እንዲያመቻቹ አቶ ዛዲግ አብርሃ ጥሪ አቅርበዋል።
ገለጻውን የተከታተሉ አምባሳደሮች፤ ዲፕሎማቶች እና ሚሲዮኖች በበኩላቸው አፍሌክስ ይዞ የተነሳውን ራዕይ አድንቀው፤ አዲስ የተቀረጸውን የአመራር ልማት ፕሮግራም ማዕቀፍ ለመደገፍ በየተመደቡበት ሀገራት ያለውን ሁኔታ በማጥናት እና ለአፍሌክስ የሚሆኑትን በመለየት ስትራቴጂያዊ አጋርነት እና ሀብት የሚገኝበትን መንገድ እንደሚያመቻቹ ተናግረዋል።
በተለይም የፓኪስታን፤ የጀርመን፤ የዩናይትድ ኪንግደም፤ የመካከለኛው ምስራቅ እና የሞሮኮ አምባሳደሮች እንደተናገሩት አፍሌክስ ኢትዮጵያን እና አፍሪካን እንደ ድልድይ ሆኖ ለማገናኘት የጀመረውን ጥረት ለማገዝ እንደሚሰሩ ተናግረዋል።