ሌሎች የሚኒስቴር መስሪያ ቤቱ ከፍተኛ የስራ ሀላፊዎችም ከአፍሌክስ ጋር ለመስራት ያላቸውን ፍላጎት ገልጸው በዘርፉ የሚዘጋጁ ዓለምአቀፍ እና አህጉር አቀፍ ጉባኤዎች እና ወርክሾፖች በአፍሌክስ የአመራር ልማት ማዕከል ውስጥ እንዲካሔዱ የበኩላቸውን እንደሚያደርጉ ገልጸዋል።

ፈጣሪ ይመስገን እንጂ ሌላ ምን ሊባል ይችላል!

Up Coming Event

ለመላው የአካዳሚያችን አመራሮች እና ሰራተኞች እንኳን ለገና በዓል አደረሳችሁ!!
በዓሉ የሰላም እና የደስታ እንዲሆንላችሁ እመኛለሁ::
ዛዲግ አብርሃ
ርዕሰ አካዳሚ

አቶ ዛዲግ አብርሃ ከኢንዶኔዥያ አምባሳደር ጋር ተወያዩ
በውይይቱ ላይ የአፍሪካ አመራር ልህቀት አካዳሚ በሪፎርም (Reform)፤ በማስፋት (Scaling Up) እና በሽግግር (Transformation) ዘርፎች ላይ ያቀዳቸውን ስራዎች ለኢንዶኔዥያ አምባሳደር አል ቡስይራ ባስኑር Al Busyra Basnur ገለጻ ተደርጎላቸዋል። በሱሉልታ የሚገኘውን የአመራር ልማት ማዕከልንም ጎብኝተዋል።
የአፍሌክስ ርዕሰ አካዳሚ አቶ ዛዲግ አብርሃ አካዳሚው በሪፎርም፤ በማስፋት እና በሽግግር ሂደት ውስጥ መሆኑን ጠቅሰው፤ የተቀመጠው ግብ ላይ ለመድረስም ከዓለም አቀፉ ማህበረሰብ ጋር መስራት ተገቢ በመሆኑ፤ ለክቡር አምባሳደሩ ጥሪ ተደርጎ እንደነበር አስታውሰው ክቡር አምባሳደሩም ግብዣውን ተቀብለው ከአፍሌክስ ጋር ለመወያየት በመምጣታቸው አመስግነዋል።
ክቡር አምባሳደር አል ቡስይራ ባስኑር Al Busyra Basnur ስለ አፍሌክስ የአመራር ልማት ፕሮግራም ሪፎርም ማስፋትና ሽግግር ማብራሪያ ካገኙ በሁዋላ በሰጡት አስተያየት ኤምባሲያቸው በኢትዯጵያ ውስጥ የሚደረጉ የልማት ስራዎችን በመደገፍ ላይ እንደሚገኝ አስታውሰው በአመራር ልማት ፕሮግራም ዘርፍም ከአፍሌክስ ጋር በትብብር ለመስራት እና የአካዳሚውን ዕቅድ ስኬታማ ለማድረግ ዝግጁ መሆናቸውን ገልጸዋል።
በተለይም አፍሌክስን የሀሳብ ማመንጫ ማዕከል ለማድረግ በተያዘው ሪፎርም ውስጥ የኢንዶኔዥያ ኤምባሲ በምርምር እና ጥናት መስክ ሰፊ ልምድ ያላቸውን ምሁራንና ተመራማሪዎችን በመጋበዝ በትብብር መስራት እንደሚቻል አስታውሰው የምርምር ውጤቶችን ተደራሽ ለማድረግም አፍሌክስ በያዘው የህትመት ሪፎርም አማካይነት ለማሰራጨት እገዛ እንደሚያደርጉ ተናግረዋል።
በኢንዶኔዥያ ከሚገኙ ከፍተኛ የትምህርት ተቋማት ጋር በመነጋገርም የአመራር ልማት ፕሮግራሙን የሚደግፉ ምሁራንን እንደሚጋብዙ አምባሳደር አል ቡስይራ ባስኑር Al Busyra Basnur ገልጸዋል።
ክቡር አምባሳደሩ አያይዘውም የአፍሌክስን የሪፎርም የማስፋትና የሽግግር ስትራቴጂ ለኢንዶኔዥያውያን የመንግስት የስራ ሀላፊዎች፤ ለዲፕሎማቲክ ማህበረሰብ፤ ለምሁራን እና ለንግዱ ማህበረሰብ እንደሚያስረዱ የገለጹ ሲሆን ኤምባሲውና አፍሌክስ በትብብር የሚሰሩባቸውን ጉዳዮች በአጭር ጊዜ ለይተው ወደ ስራ መግባት እንዳለባቸውም ስምምነት ላይ ተደርሷል። ክቡር አምባሰደሩ የጻፏቸውን ሶስት መጽሐፍትንም ለአቶ ዛዲግ በስጦታ አበርክተዋል።