የአፍሪካ አመራር ልህቀት አካዳሚ ሶስተኛ ዙር የSpecialization Leadership Development Program ስርዓተ ስልጠና (curriculum) ቀረጻ ተግባሩን አጠናቀቀ።

ከነሀሴ11/2016 ዓ.ም እሰከ ነሀሴ 14/2016 ዓ.ም ድረስ በተከናወነው የ3ኛው ዙር የSpecialization Leadership Development Program ስርዓተ ስልጠና (curriculum) ቀረጻ ከአካዳሚውና ከተለያዩ ተቋማት በርካታ ባለሙያዎች እንደተሳተፉና ባለሙያዎች ወደዝግጅት ከመግባታቸው በፊት በስርዓተ ስልጠና አዘገጃጀትና ሞዳሊቲ ላይ ሰፋ ያለ ግንዛቤ እንዳገኙ የሪፎርም ኮሚቴ አስተባባሪው ሞገስ ሎጋው (ዶ/ር) ገልጸዋል።

ለዝግጅት ምቹ ሁኔታ ለመፍጠርም ከስርዓተ ትምህርት ዝግጅት ጋር ቀጥተኛ ግንኙነት ያላቸውን የተለያዩ ሰነዶችና ፎርማት ለባለሙያዎች እንዲደርሳቸው መደረጉን የጠቆሙት የሪፎርም ኮሚቴ አስተባባሪው፤ የተዘጋጁት ዜሮ ድራፍት ስርዓተ ስልጠናዎች በጋራ መድረክ ቀርበው ውይይት ከተደረገባቸው በኋላ ወደየተቋማቱ ተመልሰው በተቋማት ከፍተኛ የበላይ አመራሮችና ባለሙያዎች ዳብረው፤ አካዳሚው በቀጣይ በሚያዘጋጀው የቫሊደሽን ወርክሾፕ ላይ ቀርበው የመጨረሻ ቅርጻቸውን እንዲይዙ ስምምነት ላይ መደረሱንም ሞገስ ሎጋው (ዶ/ር) ተናግረዋል።

የአፍሪካ አመራር ልህቀት አካዳሚ ፕሬዚደንት ዛዲግ አብርሃ ከውጭ ጉዳይ ሚኒስትር አምባሳደር ታየ አጽቀስላሴ ጋር ተወያዩ።

አካዳሚውና የውጭ ጉዳይ ሚኒስቴር በጋራ በሚሰሩባቸው የአመራር ልማት ፕሮግራሞች ላይ ምክክር ተደርጓል።

የአፍሌክስ ፕሬዚደንት ዛዲግ አብርሃ አካዳሚው በቀጣይ ሶስት ዓመታት ሊሰራቸው ያቀዳቸውን የአመራር ልማት ፕሮግራሞች ለአምባሳደር ታየ አጽቀስላሴ ገልጸዋል።

አካዳሚው በአፍሪካናይዜሽን ፕሮጀክቱ ሊሰራቸው ያቀዳቸውን ተግባራት ከግብ ለማድረስ የውጭ ጉዳይ ሚኒስቴር ትብብር እንደሚያስፈልገው የጠቀሱት አቶ ዛዲግ፤ በተለይም በአፍሪካውያን ለሚደራጀው የምክትል ፕሬዚደንት ዘርፍ፤ ለሚከፈቱ የሁለተኛ ዲግሪ የትምህርት ፕሮግራሞች፤ ከአፍሪካውያን ለሚመረጡ የቦርድ አባላት፤ የአመራር ልማት ማዕከሉ አፍሪካዊ ቅርጽና ይዘት እንዲኖረው በሚደረጉ ስራዎች ውስጥ አፍሪካውያንን በማስተባበር ሚኒስቴር መስሪያ ቤቱ የጎላ ሚና እንዲጫወት ጥሪ አቅርበዋል።

ተቋሙን ዓለምአቀፍ የጉባኤ ማዕከል ለማድረግም ከውጭ ጉዳይ ሚኒስቴር ጋር በመሆን ለመስራት ማቀዳቸውን የጠቆሙት አቶ ዛዲግ፤ አካዳሚው ሱሉልታን እንደ ዳቮስ የሚል ፕሮጀክት መንደፉንና ኢትዮጵያ ከአፍሪካ ህብረት እና ከዓለምአቀፍ ተቋማት ማግኘት የሚገባትን ጥቅም እንድታገኝ በትብብር መስራት እንደሚያስፈልግም ተናግረዋል።

#የአፍሪካ_አመራር_ልህቀት_አካዳሚን ወክለው በጫካ ፕሮጀክት የችግኝ ተከላ ላይ የተሳተፉ አመራሮች እና ሰራተኞች ነሐሴ 17፣ 2016 ዓ.ም አረንጓዴ ዓሻራቸውን አኑረዋል::

በአንድ መንፈስ በመላው ኢትዮጵያ ዓሻራችንን እናኑር፡፡ አንድ ከሆን ከዚህም በላይ እንችላለን!

#የአፍሪካ_አመራር_ልህቀት_አካዳሚ ምክትል ርዕሰ አካዳሚ ወንድዬ ለገሰ (ዶ/ር) አካዳሚውን ወክለው ከሸገር ሲቲ መና አብቹ ክፍለ ከተማ አመራሮችና ሰራተኞች ጋር በመሆን ነሐሴ 17፣ 2016 ዓ.ም አረንጓዴ ዓሻራቸውን አኑረዋል::

በአንድ መንፈስ በመላው ኢትዮጵያ ዓሻራችንን እናኑር፡፡ አንድ ከሆን ከዚህም በላይ እንችላለን!