تعلمنا منك أن للنجاح أسرار، ومنك تعلمنا أن المستحيل يتحقق ومنك تعلمنا أن الأفكار الملهمة تحتاج إلى من يغرسها بعقولنا، فلك الشكر على جهودك القيمة،جميل أن يضع الإنسان هدفاً في حياته والأجمل أن يثمر هذا الهدف طموحاً يساوي طموحك، لذا تستحق منا كل عبارات الشكر، بعدد ألوان الزهر، وقطرات المطر، مما لا شك فيه يا استاذي أن دورك في غاية الأهمية ولك منا كل التقدير والاحترام



طبعنا الدورة كلش كلش حلوه ومفيدة خاصة المحاظرات المعززة انا طالبة سالي يوم ونص مشتركة بس حرفينا المادة الي شفتها ودرستها انطبعت بدماغي خلاص كلش كلش حلوه
حتى وقت المحاظرة مو ملل شي جدا راقي وحلو طرح المعلومات وربطها ممتازه بشكل
كل الشكر الك استاذي المحترم ان شاء الله ما نضيع تعبك ان شاء الله نبشرك بالنهاية ب ارقى مستوى، ربي يوفقك 🌷
-مريم اياد مضهضب

سلام عليكم ورحمة الله وبركاته انتو ناس اتخافون رب العالمين من التعامل المساعدين والأستاذ بصراحة اشوف منكم محبه وحرص أحب بيكم الجدول المنظم تطونه خطه عمل كلشش حلوو الأستاذ أب ابد مايقصر بل جواب وهم يجاوب بسرعه مرات طيب التعامل مايخليك شلون تشكر المقابل جان اختار موافق من اختارت ابواب زينب محمد عناد عبد الحسين طالبه خارجي

من احسن الدروس الي اخذتها هي الالكتروني تعاون الاستاذ ويانه كلشي يقدمه النه بصوره كامله وتخبل من شرح من ملازم من كلشي حرفيا والمساعدين مقصرو ويانا ولا بشي ومتعاونين ويانا حتى بلدروس وبلواجبات ويتابعونا بكل وقت يصححونه اخطائنا ف كلش شكرا للاستاذ مهند السوداني والمساعدين إنشاءالله نفرحكم بنجاحنا ومعدلاتنه الحلوه

زينب عايد علي(طلاب الاستاذ مهند السوداني 2024)✨♥️

صراحه اكثر مدرس شفته حريص عل طلابه وميخليلنا نقص ولا يفوت اي فكره وبكلشي ويانه هو استاذ مهند❤️وكأنما حضوري ميحسسك باي فرق بينك وبين طلاب المعاهد ❤️ما عدا المساعدات الي شكد ما احجي ما اوصفهن من حرص من متابعه للطلاب وباي وقت تحتاجهن ميكولن الطالب لا 🥰🥰صراحه شكرا لأستاذ مهند وللمساعدات كلهن على متابعتهم وحرصهم على الطلاب 🙏🙏🙏🙏

عبد المهيمن سلام (#طلاب مهند السوداني 2024)

بكل بساطة اذا اضوج من دراسة اروح اشوف محاضرة استاذ مهند لان مو محاضرة عادية محاضرة من الابداع وجمال 🤍🤍🤍🤍
.
.
.
سنين اركان (# طالبة استاذ مهند سوداني 2024)

السلام عليكم.. اني طالب صف سادس علمي دفعة2024. اني ماخذ دورات بالمعهد وفكان مدرس الكيمياء ضعيف اني مستوعبتلة فبوكتهة نزل اعلان منصة أبواب فنزلت التطبيق وراسلتهم (وللعلم اني فكرة الإلكتروني جنت مامقتنع بيهة نها ئيا). فسألت جماعتي كتلهم يابة تراكو هيج منصة وهيج مدرسنا وبسعر حلو كالو لاتورط من هل حجي هذا. المهم رجعت للبيت جان يجيني اتصال من احد المسا عدين وقنعني فالمهم اخذت درس واحد كيمياء يم الاستاذ مهند السوداني. وبلش يدزلنة عل منصة وامتحانات وهسة
الكيمياء عني أسهل ماد. متندم حيل ماخذتهن كلهن إلكتروني..
الاسم. عادل علاء عبد الخالق
الصف السادس علمي

رأي عن الدورة الالكترونية
استاذ مهند اصاب بتسمية (كنز الكيمياء) وهو اكثر من كنز ،لما افكر يادرس ادرسه بالبداية اول شي يجي ببالي استاذ مهند والكيمياء لان اسلوبه ممتع فتصير المادة ممتعة وسهلة اضافة الى ذلك ينزل لمستوى الطالب ورده على الخاص يخليه اقرب مدرس الي ففعلا وبدون مجاملة رحم الله والده الاستاذ علي السوداني رغم اني ما اعرفه لكن استاذ مهند عكس صورته على والده فهذي الشخصية العظيمة اكيدا ناتجه من والده و والدته

والمساعدين كذلك جدا ممتازين وقريبين للطالب ومنصة ابواب رغم اني داخل درس واحد الا انه كافي لكشف جهد وابداع العاملين على المنصة وحل بالنسبة الي عقدة بطئ الفيديوهات عن المنصات الاخرى وكان سريع و جودة عالية فالله يوفقهم وان شاء الله من ابداع الى ابداع
شكري لاستاذ مهند ولكل المساعدين والمساعدات والعاملين على منصة ابواب
واستاذ مهند اصاب ايضا بتسمية (ثورة الالكتروني المميزة) فعلا كانت ثورة.

السلام عليكُم استاذ ..
مبدئياً اني طالبتك بالدوره الالكترونية على منصة ابواب التعليمية
عن نفسي اشوفك انت استاذ مُهند السوداني الاول بالكيمياء ومحد يوصلك يعني تبسط النه الماده وتسهلها علينا وتوصل النا المادة بكل سهولة واني مادرست عليك بس بالسادس حتى بباقي المراحل جنت الكيمياء ادرسها على محاضراتك على اليوتيوب وتعودت على شرحك وجاب نتيجة ودرجاتي بالسنوات السابقه بالكيمياء بفضل الله ثم فضلك مَنزلت 90 وان شاء الله هالسنة اضمن وياك الـ 100 وشُكراً الك استاذنا العزيز واشكر تعبك ويانا وصبرك علينا وان شاء الله ميضيع تعبك ولايضيع تعبنا 🥹🤍🤍.
على كولتك انتهى ..
(#طلاب_الأستاذ_مهندالسوداني_2024)

الصراحه الدوره الالكترونية مال ابواب كلش استفاديت عليها و فهمت عليها اكثر من شرح المدرسات بالمدرسه لان كلشي مافهم عليهم والاستاذ مهند السوداني وكل الاساتذه الي بالدوره الإلكترونية زينين وممقصرين ابد ويانا ويسهلون الماده علينا ويخلونه نحس عبالك كاعدين وياهم وطبعا اكيد المساعدين هم دائما ويانا ويتعبون هواي علمودنا وان شاء الله نجيب درجات زينه تفرحنا و تفرحكم🤍
الطالبة:تبارك مثنى محمود

كلش حلوة و استفادتي منها حيل و خصوصا بالمدرسة الكل يكول الفصل الثالث صعب بس حتى الآن ما شفت اي صعوبة بيهاوعاشت ايدك استاذ ان شاء الله نرفع راسك 🩵🦋
ايلاف كاظم عبدالنبي (#طلاب ملك الكيمياء الاستاذ مهند السوداني2024)

رفل حيدر صلاح(طلاب الاستاذ مهند السوداني2024)
رأيي بالمنصه حسيتها ممتعه ومن اشغلها واكعد ادرس اتونس وماضوج حبيت النظام الي ملتزمه بي ويه المنصه واما عن الاستاذ مهند ف الاستاذ معروف ويعجز الكلام عن وصفه الشرح رهيب ومامقصر ويانه واذا اكو فكره مامقتنعه تدخل بعقلك هو يسويها قصه ويفهمها الك غصب احب اسلوب الاستاذ وتعاونه ويانه وانا بفضل استاذ مهند ومنصه ابواب حبيت الكيمياء وكمت انتضر الوقت الي تنزل بي المحاضره حتى اشغلها وبالنهايه شكر كلش جبير للاستاذ مهند وللكادر الي وياه وشكراً على تعاون ست خنساء وضحى وتفهمهم النا ♥️♥️

السلام عليكم استاذ
اولا احب اقدم كامل الشكر والتقدير الى الكبير استاذ مهند السوداني ربي يحفظه لان التعب الي ديتعبه ويانه بل محاضرات مو قليل شكرا جزيلا استاذ عله كل شي دسوي ويانه
ثانيا رائي عله الدوره
الدوره جدا جدا ممتازه من ناحيه كل شي وابدا مندمان عله دخولي يم استاذ مهند
ثالث احب اقدم الشكر والتقدير للكادر استاذ مهند السوداني لان كادر جدا ممتاز تصحيحهم كله صح مابي اي خطا تعاملهم ايضا ممتاز اي شي استفسار نرسله الهم يجاوبون بسرعه
الاسم كمال زانا كمال
#احد طلاب الاستاذ مهند السوداني دفعه 2024

طبعاً دورة استاذ مهند ماكو احسن منه وكلش مرتبة وشرحة ماكو احسن منة بالإضافة إلى لمحاضرات المعززة الي تخبل وترتيبة وامتحانات مركزة ومفيدة وشكراً الكم مساعدات وشكر خاص لاستاذ مهند على كلشي
سما حسان (#طلاب الاستاذ مهند سوداني 2024)

السلام عليكم استاذ
اول ما دخلت يمك استاذ هواي ناس كالو راح اضيعين وقت من دون فائده وجنت خايفه كلامهم يطلع صحيح لكن بعد ما أكملت الفصل الاول وجبت بي 95 ارتاح كلش وتاكدت خلل بيهم هم

طبعاً ما اعرف شلون اوصفك استاذ علتعبك ويانة ضبطنة الفصل الاول بفضلك وضمنة الدرجة الكاملة بيه ونشاء داخلين علفصل الثاني بقوة وبمجهودك ويانة نشاء الله ال100 مضمونة بلوزاري الله يوفقك استاذ ويحفظك
المتحدث الرسمي:جعفر محمود شاكر✨️🤍
#طلاب_الاستاذ_مهند_السوداني_2024

مرحباً
طبعا رأيي بالدورة مو بس ممتازة فوق الممتازة
وأستاذ مهند دا يتعب ويانه هوايه بحيث م تطلع من المحاظرة الا تضبطها 100‎%‎
جـنت بالخامس اعدادي اقره على استاذ مهند وطلعت اعفاء بالكيمياء يعني دخلت بالدورة واني مغمض وواثق من استاذي وامكانياته
واوعدك ان شاء الله استاذ مثل ما طلعت اعفاء بالخامس اطلع درجة كاملة بالكيمياء بالوزاري
وبالنهاية
شكراً استاذ مهند
وشكرا للمساعدين وخصوصا استاذ عمر

عبدالله جلال فتحي (#طلاب الاستاذ مهند السوداني 2024)

اني ادرس ع استاذ مهند السوداني من جنت ثالث متوسط ولحد هسه ويا واني سادس ودائما درجاتي بسبب هالاستاذ العظيم كامله واحب الكيمياء بسببه صاارت دراسه الكيمياء متعه وسهله وماده خفيفه وكل الطلاب اشوفهم يشكون من كيمياء السادس حالياً بس احنه عدنه جوهره ماكو شي يخوفنه وماكو شي صعب ابد والمحاضرات وقتهه حلو ومنحسس بملل بسرعه تخلص والمنصه تجنن عاشت ايدكم وسلامي لأستاذي العظيم شكرا ع تعبك ويانه وان شاء اللّٰه نفرحك بالنتيجه النهائيه 🤍.
تسنيم عاصم محمد طالبتكم الكتروني 2024 (#طلاب_الأستاذ_مهند_السوداني_2024).

1_الاستاذ مهند السوداني يعني ملك الكيمياء والاب الروحي الدورة الاكترونية الجميلة والامتحانات والمراقبة من قبل الأساتذة فد شي جميل جداً كل محاضرة امتحان يعني نحضر غصب وهذا الشي الي حبيته بل دورة ودايما تسمعون مشاكلنه بل دراسة وتساعدونه ومراقبتكم النه حلوة إذا امتحان ماامتحن بنفس اليوم اطبلنه ست فرح وتخلينه نمتحن يعني مراقبة كلش حلوة ربي يحفظكم طبعا شكرا من القلب تحية حب واحترام للأستاذ مهند السوداني 💚
2_الست خنساء مساعدتنه الحلوه ربي يحفظج اخت عزيزة تحية حب من القلب💚
3_مشرفتنه الحلوه الست فرح ربي يحفظج عل مراقبتج النه وحرصج علينه💚

مرحبا...
مر 5 شهور ويه الدورة الالكترونيه للاستاذ مهند السوداني
ف الوقت جدا كافي حتى انطي رأيي بهاي الدورة عند (منصة ابواب) وبكل صراحه

-طبعا بالبداية چنت كُلش مترددة على انو ادخل الكتروني لأن چنت متوقعه ماكو التزام،تضييع للوقت...الخ ودائما چنت اشوف البعض يگولون استاذ مهند يشرح لمستوى متميزين ومينزل لأدنى مستوى(طبعا مااعرف ليش البعض هيچ يگولون وهي الفكرة معاكسه تماما ،، استاذ مهند مو يشرح لطلاب متميزين لا، لكن الاستاذ هو الي يخرّج طلاب متميزين بالكيمياء هو الي يدخل عنده طالب اساسه مو قوي بالكيمياء مستواه ضعيف يطلعه من السادس متميز بالكيمياء،، هاي الفكرة بأختصار)
فقررت ادخل عند منصة ابواب وبالتحديد عند الاستاذ مهند وهذه اجمل خطوة سويتها
اتفاجأت بنظامهم الرائع، التزامهم وية الطلاب،محاضرات، تصوير كُلش ممتاز،اسئله مميزة تنطينا ثقة بنفسنا من نحلها،اهتمامهم بالطالب
عكس الي چنت متوقعته تماما...
استاذ شرحه جدا راقي، متواضع ويه الطلاب نسأله سؤال بسرعه يجاوب تحفيز من الاستاذ الصدگ يخلينا نحب المادة عباراته الجميلة(دكتورة،عاشت ايدچ، بطلة....الخ)

يعني الكيمياء اكثر مادة صرت احبها بسبب استاذ مهند

وطبعا مننسى مساعدين الاستاذ
الاستاذ عمر والدكتورة خنساء
كُلش متعاونين ويانا وقريبين منا وكلامهم التحفيزي ويانا الكُلش حلو🌹

يعني صدگ دورة استاذ مهند فوق الممتازة من كل النواحي
التزام،واجبات، امتحانات الكترونيه وحضوريه يعني نضبط المادة 100%
فشكرا هواي للاستاذ مهند وللمساعدين شكرا لجهودكم المبذوله لتعبكم ويانا علمود نحقق الحلم سوية
شكرا كُلش هواي الكم❤️

رفل حيدر صلاح(طلاب الاستاذ مهند السوداني2024)
رأيي بالمنصه حسيتها ممتعه ومن اشغلها واكعد ادرس اتونس وماضوج حبيت النظام الي ملتزمه بي ويه المنصه واما عن الاستاذ مهند ف الاستاذ معروف ويعجز الكلام عن وصفه الشرح رهيب ومامقصر ويانه واذا اكو فكره مامقتنعه تدخل بعقلك هو يسويها قصه ويفهمها الك غصب احب اسلوب الاستاذ وتعاونه ويانه وانا بفضل استاذ مهند ومنصه ابواب حبيت الكيمياء وكمت انتضر الوقت الي تنزل بي المحاضره حتى اشغلها وبالنهايه شكر كلش جبير للاستاذ مهند وللكادر الي وياه وشكراً على تعاون ست خنساء وضحى وتفهمهم النا ♥️♥️