بيمن ابدي يا ست ..
طبعاً أنه مُعيده.. العام چنت مشتركه وي أستاذ مهند بس ما چنت ملتزمه بالامتحانات والمحاضرات بفترة المُراجعه يلا شفتهم.. ف ما طلعت بالنتيجه الي اريدها..
ومن عدت هالسنه أول خطوه سويتها رجعت سجلت يم أستاذ مُهند ..
من الثالث متوسط ادرُس الكيميا عليه ودرجاتي كلها فول متنزل عن ال95 ..
اما رأيي حالياً بالدوره ف هي فوق المُمتازه اطلع من المُحاضره وانه ضابطه الماده وماعندي أي مُشكله بيها بغض النظر عن انو مااحسها ماده مُمله ومجبوره اقراها بالعكس كلش استمتع بالمُحاضره...
استاذ مُهند عظيييم عظيم من كل النواحي...
من ناحية الشرح.. الأسلوب.. والانسانيه..
ماكو أستاذ هيچ مشهور ويجاوب ع رسائل طلابه واسئلتهم بهالسُرعه...
غير التفاعل الحلو بالمُحاضره الي تخلي الطالب يفكر..
من يسأل سؤال ويگول رسلولي الجواب ع الخاص ..
او الي حل صح يرسلي ع الخاص ..
العام من دخلت لقاعة الوزاري .. حسيت چان كنز بيدي وضيعته..
بس الحمدلله الله نطاني فُرصه جديده ...
شُكراً أستاذ ع كُلشي دتقدمه النا .. شُكراً ع اخلاصك بعملك.. وحُبك اله .. مااگول غير ربي يكتبلك بكل خطوه سلامه ويرحم والدك ووالدتك ونشوفك دوم بخير وناجح هيچ🦋❤️❤️❤️
..
وما ننسى جهودچ الحلوه ست
انتِ وست زهراء 🦋❤️..
.......
رُقيه عبدالله خلف (#طلاب الأستاذ مُهند السوداني 2024 )
انتهى .......

استاذ مهند العملاق ...
انشالله نحو ال 100 بقوة الله....
قادرون على صنع الحلم...
#طلاب_السوداني_المتميزين
يوسف محمد قاسم

سلام عليكم
صراحه اني معيدة سادس وعدت مو رسوب وانما تحسين معدل العام نصحوني باستاذ مهند لكن اتبعت بعض صديقاتي بمعهد وعند استاذ ماعرفه مجرد سجلت ويه صديقاتي ع الواهس وبدون ذكر اسم الاستاذ ولا المعهد بس جنت اني وصديقاتي نطلع من المحاضرات ونضحك ونسولف والمعهد والاستاذ مايحاسبون يعتبرون هل شي حريه شخصيه للطالب وهل شي هو الي اثر علينه وبعطلت الاربعين يوم سحبو علينه وماسوو مراجعه مركزه مثل ماجنه متفقين والي اصلا السنه كلها مادرسنه علمودها كلنة نعتمد ع المراجعات ونطلع معدل وبس.لكن اختلفوا علينه وصراحة حيل تحطمت وامتحنت ونجحت واجلت رياضيات ويوم النتائج طلع معدلي بالستينات وحيل تحطمت وبلحظه اجانه اتصال من رقم غريب ووالدتي ردت ع الاتصال وطلع احد عمال تطبيق ابواب واسمه كرار ضل يتكلم معانا وكدر يحفزني ويقنع اهلي على انو اني اكدر اعيد واكدر انجح واطلع معدل وحفزني بعد ماجنت متحطمه ودخلت لتطبيق ابواب ولاحظت انو المدرسين رووووعه بكل معنى الكلمه والشي الي ماجنت متوقعته هو الانتظام والترتيب جنت ماكله هم انو اني معهد حضوري وغلست عاد الكتروني لكن صار العكس ولاحظت انو المساعدين ماقصرو ويانه ابد وحتى مستواي هاي السنه بفضل الله وكادر ابواب تحسن والكل لاحظ هذا الشي وصراحه اول مره اكون متفائله ومتحمسه للسادس وهذا كله بفضل الله وكادر تطبيق ابواب من مدرسين ومن مساعدين ومن طلاب لطيفين وياي بالدفعه ومن كرار الي كان هو السبب لدخولي لتطبيق ابواب واخراجي من الاكتئاب الي جنت بي وخلاني ارجع ادرس حتى احقق حلمي واصير دكتوره🫶🏻🥹
نصيحه من نورهان احد طالبات مهند السوادني لاضيعون الوقت عليكم وسجلو عنده نصيحه نصييييحه والله افضل استاذ درست عليه🫀🥺

طبعا الدوره الالكترونيه كلش غنيه عن التعريف من صدك جنن وشرح مفهوم ومبسط بطريقه كلش حلوه حاليا وي استاذ مهند الكيمياء صارت عندي اسهل من الاسلاميه وشكرا ع تعبه ويانه وماراح نضيعه وان شاء الله نرفع راسه بدرجاتنه ويسمع عنه اخبار حلوه نفسه وشكرا استاذ ماقصرت ربي يحفضك ويوفقك ويخليك ورحم الله والديك وكلمه الشكر قليله بحقك ومتنوصف بكلام لانو غني عن التعريف🤍

اروع ما شهدت في هذه المرحلة الصعبة هو دورة الاستاذ المبدع مهند السوداني .. كمية المعلومات المركزة والمبسطة في نفس الوقت اكثر من رائعة . حقيقة انا محضوظ ان دخلت هذه الدورة المميزة ....انتهى

الطالب يوسف نهاد

مرحبا_
دوره استاذ مهند كلش حلوة ومرتبة من ناحيه ترتيب محاضرات واسئله هواي طلاب يكولون كيمياء صعبه متنحب بس ويه استاذ مهند ماكو شي صعب هو سبب حبي لمادة الكيمياء وافضل مدرس احب اكولك ربي يوفقك ويحفظك ويطول بعمرك من نجاح لنجاح واشوفك بالأعلى مراتب انت تستحق الافضل دائماً بلا شك هكر كيمياء
واوعدك ان شاء الله ١٠٠ بالوزاري
انتهى..
زهراء مثنى #طلاب استاذ مهند السوداني 2024

السلام عليكم ست
المنصه جدًا جميله ورائعة ومفيده وبالنسبه الي حييل استفاديت منها
وفادتني وشرح جدًا مفيد وطريقة الاساتذه بالشرح رائعة وبالخصوص استاذ مهند جدًا جدا شرحه حلو وراقي ربي يحفظه🤍…
وانتم والاساتذه حيل جاي تعبون ويانه وان شاء الله نعوضكم عن هذا التعب ونفرحكم بنجاحنا ودرجاتنا الحلوه
وان شاء الله بفضلكم نوصل للحلم و ال💯
رمله محمد
(#طلاب الأستاذ مهند السوداني 2024)

نور وليد(دوره الكترونيه مجموعة ثانيه 🫡
استاذ مهند من أرقى الاستاذ وكلش حابه انو اني داخله يمه واتمنى اجيب 100 وارفع راسه 💙

السلام عليكم..
حبيت اقدم شكري للاستاذ مهند السوداني، بعدنا بمنتصف رحلتنا والأمور جداً ممتازة من مادة علمية يقدمها بكل إخلاص وتركيز لطلابه، دورة منظمة من ناحية الواجبات والامتحانات، و جداً مستمتعة بالكيمياء ويه الاستاذ مهند واختاريته عن ثقة، اعتمدت عليه بالخامس وطلعت 98 رغم كانت مُدرستنا صعبة، لذلك واثقة جداً بنجاحنا هذه السنة واحب اشكر الاستاذ مهند على جهده ويانا وطريقته الممتعة 'جداً' بتقديم المادة وتوصيل المعلومات، واشكر المساعدين ايضاً على تعاونهم وتشجيعهم المستمر.. هالشي زاد الدورة جمال وقرب للطالب ومعنوياته.

زينب احمد جميل #طلاب_الأستاذ_مهند_السوداني_2024 🌟

السلام عليكم
دوره ناجحه ومرتبه وان شاء الله هي الي تخليني احصل على ال100 بالكيمياء
مادام اسم استاذ (مهند السوداني) 🤍
بالدوره فهي بدون شك احسن واقوى الدورات بالعراق
احب اشكر الاستاذ مهند على تعبه وجهود ويه طلاب السادس
وان شاء الله ارفع راسك استاذ من احصل 100 بالوزاري
بالتأكيد ما انسى دكتوره خنساء الي بذلت تعب وجهد ومتابعه واحب اكللها اشكرج جدا على تعبج وجهودج ويانه وهي الي كانت سبب دخولي بهذي الدورة واحب اكللها انو ما انسى فضلج هذا باي يوم من الايام 🤍🤍
واحب اشكر ست فرح الي أيضا بذلت جهد وتصحيح امتحانات وتدقيق الواجبات وجهد وتركيز اشكرج هواي هواي
وشغله مهمه اخرى الي ادت إلى دخولي لهذي الدوره انو اني من جنت بالثالث متوسط اختي جانت تقره سادس على مهند السوداني وهو بنفس الوقت
جان ينزل محاضرات ثالث كلتلي أقره عليه
لان ينزل لادنى مستوى
وصدك قريت عليه الثالث وحصلت 85 بالوزاري
ومو هنا بس
استمرت الرحله بالرابع الإعدادي مع مهند السوداني وكانت النتيجه 96
وبالخامس الاعدادي وطلعت 93 ويه مهند السوداني
وهذا كان سبب اخر يخليني ادخل يم استاذ مهند واني مطمئن القلب والبال
واحب اكلك استاذ إني من اشد المعجبين بشخصيتك واخلاقك
ودورتك جدا ناجحه
وفي النهايه لا أعرف الا ان اقول اني لن اوفيك حقك في المدح ولو مدحتك بما يكفي لاستمر المدح أعواما اشكرك استاذ هذا جهودك وتعبك يا غالي ودورتك جدا ناجحة ونظامها مرتب والمساعدين جدا محترمين ومتعاونين ويه الطلاب واني الي الفخر انو اني طالب استاذ مهند السوداني
و بعد الرحله الي دامت مايقارب الاربعه أعوام مع هذا العام كان يستحق أن اعطيك لقبا لكنه بالتأكيد قليل بحقك يا استاذي الغالي 🤍
(الدوله في الكيمياء) 🤍 🤍 🤍
هو لقب لا يساوي علمك وروعتك لكن لو وجدت لقبا أقوى فلا يستحقه إلا مهند السوداني
اشكرك استاذ
واشكر دكتوره خنساء الي ما انسى فضلها
وراح تبقى ذكرى في قلبي
اشكر الأستاذة فرح الي دتتعب ويانه بالتصحيح والمتابعه
(نرفع روسكم ان شاء الله)
شعارنا الدائم
(لو نكون كدها لو نطلع من عدها)
لكم الثلثان من قلبي وثلثا ثلثه وبقيه الثلث والباقي 🤍 ♥️
علي (طلاب استاذ مهند السوداني 2024)
🤍🤍🤍🤍🤍🤍🤍🤍🤍🤍🤍🤍
انتهى...

السلام عليكم طلابنا الاعزاء طلاب منصة ابواب والتعليم الالكتروني اي شخص عندة اشتراك ابواب لمادة الكيمياء يدخل على هذا المعرف حتى ينضاف للكروب
@Abwaab_Chem
وايضا يتم افهامهم يخطوات الاشتراك بالمنصة.... انتهى

لا بهيجي حاله ما الحك اخلص الحياتية

السلام عليكم استاذ
من ردت ادخل الكتروني جنت كلش خايفة لان لايروح مستقبلي ويكون اختياري غلط لان الكل اعترض من ردت ادخل وكالو ماتفيد وماكو انضباط ولايردون حتى المساعدين مهملين بس استخاريت ورب العالمين كتبلي الاحسن مع العلم داومت معهد أسبوع بس كلشي مافهمت ولا اكو انضباط ويركض بلمادة ركض وبالاخص استاذ الكيمياء
بعدين من دخلت اتعجبت يعني كلشي حلو بلدورة الإلتزام والمحاضرات التجنن والشرح شكد كالو الأستاذ مايشرح لمستوى الطالب ولازم طالب متميز واساسه قوي حتى يدخل عنده وهو العكس مليون بلمئة تشرح من كل كلبك الصراحة وماننسة تعبك ع المعززات لان حتى تونس والله الكيمياء صايرة مادتي المفضلة وابد مااخذلها اهمية كلش كبيرة مثل الباقي بعكس من جنت بالخامس عقدتني مدرستنا الله يهديها وهسه بالسادس اتخيل شكد ماتنطيتة معلومات واساسيات اني المميزة بلشعبة وعند مدرستي وحتى المدرسة تسأل معلومات عن الكيمياء اساسيات بس اني اجاوب ومن يصير امتحان بلمدرسة افرح لان صرت كلش احبها وهذا ب فصلك طبعا
وهسه وبعد مامتندمة دخلت الكتروني لان ابد مامقصرين لاانت ولا المساعدين والحلو أكثر تشجيع ست خنساء بكلامها الحلو وتسال علمود مامتحنة وتابعنا كلش شكرا ع تعبها وهي انسانة كلش لطيفة 🥀❤️
شكرا الكم ع جهدكم وحرصكم وان شاء الله نفرحكم بلدرجات العالية باذن الله 🙏🥀

حال المدرسين اخر محاضرة اذا كملوا المنهاج بدون حذف....

طَبعن اقَدم كَل الشكر والتقدير
للأستاذ مهَند السوداني
لئن اني بفضلة شفت فرق كولش جبير بالكيمياء للثالث المتوسط وحققت درجة عالية كلهة بفضلك
احَب اقدم امتناني وشكري الك استاذيِ ربيِ يوفقك🤍.

سلام عليكم استاذ ماعرف اشلون اتشكركك واجازي تعبك ويانه اما طريقه الشرح يعجز اللسان عن تعبير من شرح ومن تحفيز النه والله يااستاذ اصلن لو مو انته اصلن ولا شي اني بل السادس دخلت كيمياء السادس ودخلت معهد وكل هاي مافهمت وتركت وجنت مأيسه انو اجيب درجة عاليه بل الكيمياء كلش جنت خافيه والحمد لله اجيت وسمعت عنك وعن شرحك وجربت ودخلت دوره شتويه وبفضلك يااستاذ اني هسه اصلا الكيمياء صار من كد ماسهله وياك الي واهس اقراه وهذا جهد الك يااستاذ ربي يحفظك ويخليك ماانسه تعب الست خنساء ويانه وست زهراء كذالك 🤎

دورتنا الالكترونية فاقت كل التوقعات والحمد لله واعترف هل المرة ما نزلت لمستوى الطالب
نزلنا الى ادنى حتى من مستوى الطالب شعارنا اصبح
(استاذ مهند للمستويات العالية
جملة اطلقها حاقد وصدقها سئ الحظ)

من الاخير احجيها واسمعها مني
للانتخابات قبل اسبوع مصدر اي شي عن الحذف
(انا لله وانا اليه راجعون)
.... انتهى

السلام عليكم أستاذ اني طالب سادس دفعة 24
اول شي نشكرك على هذا التعب و الجهد و الشرح الراقي بحيث الكيمياء اصبحت أسهل من الاسلامية و بل أخص الفصل الثالث الي اغلب طلاب دفعة 23 من اسئله على الفصل الثالث يكول صعب لكن من دخلت عندك ألكتروني الى الأن ما واجهت اي صعوبة بأي فصل و ثانياً ردي على الي يكولون مهند السوداني يشرح لعلماء ذرة و من هل كلام عمي حقك تحچي عليه لان ما كدرت تسوي مثله هذا الاستاذ كدر يخرج أطباء و مهندسين ، و ان شاء الله بميزان حسناتك كل هذا التعب 🤍 أنتهى ....