السلام عليكم استاذ
اولا احب اقدم كامل الشكر والتقدير الى الكبير استاذ مهند السوداني ربي يحفظه لان التعب الي ديتعبه ويانه بل محاضرات مو قليل شكرا جزيلا استاذ عله كل شي دسوي ويانه
ثانيا رائي عله الدوره
الدوره جدا جدا ممتازه من ناحيه كل شي وابدا مندمان عله دخولي يم استاذ مهند
ثالث احب اقدم الشكر والتقدير للكادر استاذ مهند السوداني لان كادر جدا ممتاز تصحيحهم كله صح مابي اي خطا تعاملهم ايضا ممتاز اي شي استفسار نرسله الهم يجاوبون بسرعه
الاسم كمال زانا كمال
#احد طلاب الاستاذ مهند السوداني دفعه 2024

طبعاً دورة استاذ مهند ماكو احسن منه وكلش مرتبة وشرحة ماكو احسن منة بالإضافة إلى لمحاضرات المعززة الي تخبل وترتيبة وامتحانات مركزة ومفيدة وشكراً الكم مساعدات وشكر خاص لاستاذ مهند على كلشي
سما حسان (#طلاب الاستاذ مهند سوداني 2024)

السلام عليكم استاذ
اول ما دخلت يمك استاذ هواي ناس كالو راح اضيعين وقت من دون فائده وجنت خايفه كلامهم يطلع صحيح لكن بعد ما أكملت الفصل الاول وجبت بي 95 ارتاح كلش وتاكدت خلل بيهم هم

طبعاً ما اعرف شلون اوصفك استاذ علتعبك ويانة ضبطنة الفصل الاول بفضلك وضمنة الدرجة الكاملة بيه ونشاء داخلين علفصل الثاني بقوة وبمجهودك ويانة نشاء الله ال100 مضمونة بلوزاري الله يوفقك استاذ ويحفظك
المتحدث الرسمي:جعفر محمود شاكر✨️🤍
#طلاب_الاستاذ_مهند_السوداني_2024

مرحباً
طبعا رأيي بالدورة مو بس ممتازة فوق الممتازة
وأستاذ مهند دا يتعب ويانه هوايه بحيث م تطلع من المحاظرة الا تضبطها 100‎%‎
جـنت بالخامس اعدادي اقره على استاذ مهند وطلعت اعفاء بالكيمياء يعني دخلت بالدورة واني مغمض وواثق من استاذي وامكانياته
واوعدك ان شاء الله استاذ مثل ما طلعت اعفاء بالخامس اطلع درجة كاملة بالكيمياء بالوزاري
وبالنهاية
شكراً استاذ مهند
وشكرا للمساعدين وخصوصا استاذ عمر

عبدالله جلال فتحي (#طلاب الاستاذ مهند السوداني 2024)

اني ادرس ع استاذ مهند السوداني من جنت ثالث متوسط ولحد هسه ويا واني سادس ودائما درجاتي بسبب هالاستاذ العظيم كامله واحب الكيمياء بسببه صاارت دراسه الكيمياء متعه وسهله وماده خفيفه وكل الطلاب اشوفهم يشكون من كيمياء السادس حالياً بس احنه عدنه جوهره ماكو شي يخوفنه وماكو شي صعب ابد والمحاضرات وقتهه حلو ومنحسس بملل بسرعه تخلص والمنصه تجنن عاشت ايدكم وسلامي لأستاذي العظيم شكرا ع تعبك ويانه وان شاء اللّٰه نفرحك بالنتيجه النهائيه 🤍.
تسنيم عاصم محمد طالبتكم الكتروني 2024 (#طلاب_الأستاذ_مهند_السوداني_2024).

1_الاستاذ مهند السوداني يعني ملك الكيمياء والاب الروحي الدورة الاكترونية الجميلة والامتحانات والمراقبة من قبل الأساتذة فد شي جميل جداً كل محاضرة امتحان يعني نحضر غصب وهذا الشي الي حبيته بل دورة ودايما تسمعون مشاكلنه بل دراسة وتساعدونه ومراقبتكم النه حلوة إذا امتحان ماامتحن بنفس اليوم اطبلنه ست فرح وتخلينه نمتحن يعني مراقبة كلش حلوة ربي يحفظكم طبعا شكرا من القلب تحية حب واحترام للأستاذ مهند السوداني 💚
2_الست خنساء مساعدتنه الحلوه ربي يحفظج اخت عزيزة تحية حب من القلب💚
3_مشرفتنه الحلوه الست فرح ربي يحفظج عل مراقبتج النه وحرصج علينه💚

مرحبا...
مر 5 شهور ويه الدورة الالكترونيه للاستاذ مهند السوداني
ف الوقت جدا كافي حتى انطي رأيي بهاي الدورة عند (منصة ابواب) وبكل صراحه

-طبعا بالبداية چنت كُلش مترددة على انو ادخل الكتروني لأن چنت متوقعه ماكو التزام،تضييع للوقت...الخ ودائما چنت اشوف البعض يگولون استاذ مهند يشرح لمستوى متميزين ومينزل لأدنى مستوى(طبعا مااعرف ليش البعض هيچ يگولون وهي الفكرة معاكسه تماما ،، استاذ مهند مو يشرح لطلاب متميزين لا، لكن الاستاذ هو الي يخرّج طلاب متميزين بالكيمياء هو الي يدخل عنده طالب اساسه مو قوي بالكيمياء مستواه ضعيف يطلعه من السادس متميز بالكيمياء،، هاي الفكرة بأختصار)
فقررت ادخل عند منصة ابواب وبالتحديد عند الاستاذ مهند وهذه اجمل خطوة سويتها
اتفاجأت بنظامهم الرائع، التزامهم وية الطلاب،محاضرات، تصوير كُلش ممتاز،اسئله مميزة تنطينا ثقة بنفسنا من نحلها،اهتمامهم بالطالب
عكس الي چنت متوقعته تماما...
استاذ شرحه جدا راقي، متواضع ويه الطلاب نسأله سؤال بسرعه يجاوب تحفيز من الاستاذ الصدگ يخلينا نحب المادة عباراته الجميلة(دكتورة،عاشت ايدچ، بطلة....الخ)

يعني الكيمياء اكثر مادة صرت احبها بسبب استاذ مهند

وطبعا مننسى مساعدين الاستاذ
الاستاذ عمر والدكتورة خنساء
كُلش متعاونين ويانا وقريبين منا وكلامهم التحفيزي ويانا الكُلش حلو🌹

يعني صدگ دورة استاذ مهند فوق الممتازة من كل النواحي
التزام،واجبات، امتحانات الكترونيه وحضوريه يعني نضبط المادة 100%
فشكرا هواي للاستاذ مهند وللمساعدين شكرا لجهودكم المبذوله لتعبكم ويانا علمود نحقق الحلم سوية
شكرا كُلش هواي الكم❤️

رفل حيدر صلاح(طلاب الاستاذ مهند السوداني2024)
رأيي بالمنصه حسيتها ممتعه ومن اشغلها واكعد ادرس اتونس وماضوج حبيت النظام الي ملتزمه بي ويه المنصه واما عن الاستاذ مهند ف الاستاذ معروف ويعجز الكلام عن وصفه الشرح رهيب ومامقصر ويانه واذا اكو فكره مامقتنعه تدخل بعقلك هو يسويها قصه ويفهمها الك غصب احب اسلوب الاستاذ وتعاونه ويانه وانا بفضل استاذ مهند ومنصه ابواب حبيت الكيمياء وكمت انتضر الوقت الي تنزل بي المحاضره حتى اشغلها وبالنهايه شكر كلش جبير للاستاذ مهند وللكادر الي وياه وشكراً على تعاون ست خنساء وضحى وتفهمهم النا ♥️♥️

بيمن ابدي يا ست ..
طبعاً أنه مُعيده.. العام چنت مشتركه وي أستاذ مهند بس ما چنت ملتزمه بالامتحانات والمحاضرات بفترة المُراجعه يلا شفتهم.. ف ما طلعت بالنتيجه الي اريدها..
ومن عدت هالسنه أول خطوه سويتها رجعت سجلت يم أستاذ مُهند ..
من الثالث متوسط ادرُس الكيميا عليه ودرجاتي كلها فول متنزل عن ال95 ..
اما رأيي حالياً بالدوره ف هي فوق المُمتازه اطلع من المُحاضره وانه ضابطه الماده وماعندي أي مُشكله بيها بغض النظر عن انو مااحسها ماده مُمله ومجبوره اقراها بالعكس كلش استمتع بالمُحاضره...
استاذ مُهند عظيييم عظيم من كل النواحي...
من ناحية الشرح.. الأسلوب.. والانسانيه..
ماكو أستاذ هيچ مشهور ويجاوب ع رسائل طلابه واسئلتهم بهالسُرعه...
غير التفاعل الحلو بالمُحاضره الي تخلي الطالب يفكر..
من يسأل سؤال ويگول رسلولي الجواب ع الخاص ..
او الي حل صح يرسلي ع الخاص ..
العام من دخلت لقاعة الوزاري .. حسيت چان كنز بيدي وضيعته..
بس الحمدلله الله نطاني فُرصه جديده ...
شُكراً أستاذ ع كُلشي دتقدمه النا .. شُكراً ع اخلاصك بعملك.. وحُبك اله .. مااگول غير ربي يكتبلك بكل خطوه سلامه ويرحم والدك ووالدتك ونشوفك دوم بخير وناجح هيچ🦋❤️❤️❤️
..
وما ننسى جهودچ الحلوه ست
انتِ وست زهراء 🦋❤️..
.......
رُقيه عبدالله خلف (#طلاب الأستاذ مُهند السوداني 2024 )
انتهى .......

استاذ مهند العملاق ...
انشالله نحو ال 100 بقوة الله....
قادرون على صنع الحلم...
#طلاب_السوداني_المتميزين
يوسف محمد قاسم

سلام عليكم
صراحه اني معيدة سادس وعدت مو رسوب وانما تحسين معدل العام نصحوني باستاذ مهند لكن اتبعت بعض صديقاتي بمعهد وعند استاذ ماعرفه مجرد سجلت ويه صديقاتي ع الواهس وبدون ذكر اسم الاستاذ ولا المعهد بس جنت اني وصديقاتي نطلع من المحاضرات ونضحك ونسولف والمعهد والاستاذ مايحاسبون يعتبرون هل شي حريه شخصيه للطالب وهل شي هو الي اثر علينه وبعطلت الاربعين يوم سحبو علينه وماسوو مراجعه مركزه مثل ماجنه متفقين والي اصلا السنه كلها مادرسنه علمودها كلنة نعتمد ع المراجعات ونطلع معدل وبس.لكن اختلفوا علينه وصراحة حيل تحطمت وامتحنت ونجحت واجلت رياضيات ويوم النتائج طلع معدلي بالستينات وحيل تحطمت وبلحظه اجانه اتصال من رقم غريب ووالدتي ردت ع الاتصال وطلع احد عمال تطبيق ابواب واسمه كرار ضل يتكلم معانا وكدر يحفزني ويقنع اهلي على انو اني اكدر اعيد واكدر انجح واطلع معدل وحفزني بعد ماجنت متحطمه ودخلت لتطبيق ابواب ولاحظت انو المدرسين رووووعه بكل معنى الكلمه والشي الي ماجنت متوقعته هو الانتظام والترتيب جنت ماكله هم انو اني معهد حضوري وغلست عاد الكتروني لكن صار العكس ولاحظت انو المساعدين ماقصرو ويانه ابد وحتى مستواي هاي السنه بفضل الله وكادر ابواب تحسن والكل لاحظ هذا الشي وصراحه اول مره اكون متفائله ومتحمسه للسادس وهذا كله بفضل الله وكادر تطبيق ابواب من مدرسين ومن مساعدين ومن طلاب لطيفين وياي بالدفعه ومن كرار الي كان هو السبب لدخولي لتطبيق ابواب واخراجي من الاكتئاب الي جنت بي وخلاني ارجع ادرس حتى احقق حلمي واصير دكتوره🫶🏻🥹
نصيحه من نورهان احد طالبات مهند السوادني لاضيعون الوقت عليكم وسجلو عنده نصيحه نصييييحه والله افضل استاذ درست عليه🫀🥺

طبعا الدوره الالكترونيه كلش غنيه عن التعريف من صدك جنن وشرح مفهوم ومبسط بطريقه كلش حلوه حاليا وي استاذ مهند الكيمياء صارت عندي اسهل من الاسلاميه وشكرا ع تعبه ويانه وماراح نضيعه وان شاء الله نرفع راسه بدرجاتنه ويسمع عنه اخبار حلوه نفسه وشكرا استاذ ماقصرت ربي يحفضك ويوفقك ويخليك ورحم الله والديك وكلمه الشكر قليله بحقك ومتنوصف بكلام لانو غني عن التعريف🤍

اروع ما شهدت في هذه المرحلة الصعبة هو دورة الاستاذ المبدع مهند السوداني .. كمية المعلومات المركزة والمبسطة في نفس الوقت اكثر من رائعة . حقيقة انا محضوظ ان دخلت هذه الدورة المميزة ....انتهى

الطالب يوسف نهاد

مرحبا_
دوره استاذ مهند كلش حلوة ومرتبة من ناحيه ترتيب محاضرات واسئله هواي طلاب يكولون كيمياء صعبه متنحب بس ويه استاذ مهند ماكو شي صعب هو سبب حبي لمادة الكيمياء وافضل مدرس احب اكولك ربي يوفقك ويحفظك ويطول بعمرك من نجاح لنجاح واشوفك بالأعلى مراتب انت تستحق الافضل دائماً بلا شك هكر كيمياء
واوعدك ان شاء الله ١٠٠ بالوزاري
انتهى..
زهراء مثنى #طلاب استاذ مهند السوداني 2024

السلام عليكم ست
المنصه جدًا جميله ورائعة ومفيده وبالنسبه الي حييل استفاديت منها
وفادتني وشرح جدًا مفيد وطريقة الاساتذه بالشرح رائعة وبالخصوص استاذ مهند جدًا جدا شرحه حلو وراقي ربي يحفظه🤍…
وانتم والاساتذه حيل جاي تعبون ويانه وان شاء الله نعوضكم عن هذا التعب ونفرحكم بنجاحنا ودرجاتنا الحلوه
وان شاء الله بفضلكم نوصل للحلم و ال💯
رمله محمد
(#طلاب الأستاذ مهند السوداني 2024)

نور وليد(دوره الكترونيه مجموعة ثانيه 🫡
استاذ مهند من أرقى الاستاذ وكلش حابه انو اني داخله يمه واتمنى اجيب 100 وارفع راسه 💙

السلام عليكم..
حبيت اقدم شكري للاستاذ مهند السوداني، بعدنا بمنتصف رحلتنا والأمور جداً ممتازة من مادة علمية يقدمها بكل إخلاص وتركيز لطلابه، دورة منظمة من ناحية الواجبات والامتحانات، و جداً مستمتعة بالكيمياء ويه الاستاذ مهند واختاريته عن ثقة، اعتمدت عليه بالخامس وطلعت 98 رغم كانت مُدرستنا صعبة، لذلك واثقة جداً بنجاحنا هذه السنة واحب اشكر الاستاذ مهند على جهده ويانا وطريقته الممتعة 'جداً' بتقديم المادة وتوصيل المعلومات، واشكر المساعدين ايضاً على تعاونهم وتشجيعهم المستمر.. هالشي زاد الدورة جمال وقرب للطالب ومعنوياته.

زينب احمد جميل #طلاب_الأستاذ_مهند_السوداني_2024 🌟

السلام عليكم
دوره ناجحه ومرتبه وان شاء الله هي الي تخليني احصل على ال100 بالكيمياء
مادام اسم استاذ (مهند السوداني) 🤍
بالدوره فهي بدون شك احسن واقوى الدورات بالعراق
احب اشكر الاستاذ مهند على تعبه وجهود ويه طلاب السادس
وان شاء الله ارفع راسك استاذ من احصل 100 بالوزاري
بالتأكيد ما انسى دكتوره خنساء الي بذلت تعب وجهد ومتابعه واحب اكللها اشكرج جدا على تعبج وجهودج ويانه وهي الي كانت سبب دخولي بهذي الدورة واحب اكللها انو ما انسى فضلج هذا باي يوم من الايام 🤍🤍
واحب اشكر ست فرح الي أيضا بذلت جهد وتصحيح امتحانات وتدقيق الواجبات وجهد وتركيز اشكرج هواي هواي
وشغله مهمه اخرى الي ادت إلى دخولي لهذي الدوره انو اني من جنت بالثالث متوسط اختي جانت تقره سادس على مهند السوداني وهو بنفس الوقت
جان ينزل محاضرات ثالث كلتلي أقره عليه
لان ينزل لادنى مستوى
وصدك قريت عليه الثالث وحصلت 85 بالوزاري
ومو هنا بس
استمرت الرحله بالرابع الإعدادي مع مهند السوداني وكانت النتيجه 96
وبالخامس الاعدادي وطلعت 93 ويه مهند السوداني
وهذا كان سبب اخر يخليني ادخل يم استاذ مهند واني مطمئن القلب والبال
واحب اكلك استاذ إني من اشد المعجبين بشخصيتك واخلاقك
ودورتك جدا ناجحه
وفي النهايه لا أعرف الا ان اقول اني لن اوفيك حقك في المدح ولو مدحتك بما يكفي لاستمر المدح أعواما اشكرك استاذ هذا جهودك وتعبك يا غالي ودورتك جدا ناجحة ونظامها مرتب والمساعدين جدا محترمين ومتعاونين ويه الطلاب واني الي الفخر انو اني طالب استاذ مهند السوداني
و بعد الرحله الي دامت مايقارب الاربعه أعوام مع هذا العام كان يستحق أن اعطيك لقبا لكنه بالتأكيد قليل بحقك يا استاذي الغالي 🤍
(الدوله في الكيمياء) 🤍 🤍 🤍
هو لقب لا يساوي علمك وروعتك لكن لو وجدت لقبا أقوى فلا يستحقه إلا مهند السوداني
اشكرك استاذ
واشكر دكتوره خنساء الي ما انسى فضلها
وراح تبقى ذكرى في قلبي
اشكر الأستاذة فرح الي دتتعب ويانه بالتصحيح والمتابعه
(نرفع روسكم ان شاء الله)
شعارنا الدائم
(لو نكون كدها لو نطلع من عدها)
لكم الثلثان من قلبي وثلثا ثلثه وبقيه الثلث والباقي 🤍 ♥️
علي (طلاب استاذ مهند السوداني 2024)
🤍🤍🤍🤍🤍🤍🤍🤍🤍🤍🤍🤍
انتهى...

السلام عليكم طلابنا الاعزاء طلاب منصة ابواب والتعليم الالكتروني اي شخص عندة اشتراك ابواب لمادة الكيمياء يدخل على هذا المعرف حتى ينضاف للكروب
@Abwaab_Chem
وايضا يتم افهامهم يخطوات الاشتراك بالمنصة.... انتهى