طبعا اول شي احب اشكر الاستاذ على هذا الشرح وعاشت ايدة يعني حرفيا المدرس الوحيد مال الكيمياء الي افتهمت عليه ويستهال لقب (ملك الكيمياء) وبكل جدارة وانشاء الله نرفع راسه وما نخيب امله وثاني شي احب اشكر كل المساعدات الطيفات وعلى تعاملهن الزين الويانة وعلى اخلاقهن العالية وعلى المتابعة المستمرة وثالث شي (نحن طلاب مهند السوداني نحو الدرجة الكاملة)
مصطفى حسين محمد (#طلاب الأستاذ مهند السوداني 2024)

بدايةً احب اشكر جهود استاذ مهند ويانا و جميع المساعدين ، كانوا جدا متعاونين و متفهمين من بداية الدورة و إلى اليوم.
بصراحه انا كنت معتمده ادرس على محاضرات استاذ مهند القديمه باليوتيوب و شكد ما عجبتني و ردت افهم اكثر قررت اشوف اذا عنده دورة إلكترونيه و كلش فرحت لما عرفت لان جنت متأكده ح تكون ممتازه أكثر... بس ما اقلل من شأن المحاضرات الموجوده بالعكس افادتني و افادت طلاب كثيرين.
و حاليا بعد بداية العام الدراسي انصدمت بجودة التدريس بالمدرسه، اساتذه يشرحون غلط، يشرحون بشكل جدا بطيئ او جدا سريع و خصيصا كوننا طلاب خارجي و الاساتذه المتوفرين عددهم محدود او عندهم قلة خبرة..
بعد هذا الشهر البسيط بينت قيمة هذه المحاضرات بشكل اوضح و بين المجهود الي بيها..
اخيرا اريد اشكر استاذ مهند و المساعدين من جديد على كل تعبهم و ان شاء الله ما يضيع منه اي جزء و كله بميزان حسناتنهم🌹💖
روز زيدون نزار (#طلاب_الاستاذ_مهند_السوداني_2024)

السلام عليكم ورحمه الله وبركاته

معك احد طالبات الدوره الالكترونيه للاستاذ مهند السوداني 🦋🫡
بديت مشواري ويا حلمي (صيدله 💕)
بوقت مبكر بديت من عطله الرابع وحبيت اخليها بدايتها مسك ان شاء الله مع الكيماء

كنت خايفه من هل الخطوه لان اخاف ما اكدر اكون كدها او ما اكدر اسيطر عل الوضع

توكلت على الله وبديت كيمياء مع الاستاذ مهند السوداني وما ندمت ابداً بهذه الخطوه كانت احسن وافضل خطوه اخطيها
استاذ اكثر من رائع يبسط الشرح ويخلي الكيماء شي سهللل و ممتع بشكل بدرسه ولا يخلي الطالب يمل ولو كانت المحاضره طويله
مو بس مهند السوداني طبعاً مجموعه المساعدين مثل دكتوره خنساء وست ضحى
عسل عسل متعاونين بشكل فضيع وفللل لطافه 🥹🦋
واحب اشكر الجميع الاستاذ والمساعدين على تعوانهم ويانه وان شاء الله بفضل الله ثم فضلهم ان شاء الله يكونوا سبب للوصول الى الحلم🫶🏼


الطالبه: سما مروان


(طلاب استاذ مهند السوداني 2024💊)


لو تكون كدها لو تطلع من عدها 💕
انتهى….🫡🦋

تجربتي مع مادة الكيمياء عند الأستاذ مهند السوداني تجربة مميزة ومختلفة والسبب يرجع لأستاذ المادة أستاذ مهند طريقة شرحه وأسلوبه وترتيبه للمواضيع بطريقة متسلسة ومترابطة وبالإضافة الى الطرق الخاصة الي يستخدمها بالشرح لإيصال المعلومة بطريقة علمية وممتعة وأكثر شي حلو نظام الواجبات والامتحانات متنوعة بين سهلة ومتوسطة و وزارية ومركزة بيها تحتاج الى تفكير وكانت مكثفة بحيث الطالب يضمن فهمه وحفظه للمادة ولأن كانت تجربتي مع منصة أبواب ف أكيد راح تكون تجربة مميزة أكثر شي حبيته هو المساعدين وطريقة تعاملهم ويانا وتحفيزهم النا وأكثر شي مريح هو تواصل أستاذ مهند ويانه بشكل مباشر واجوبته ع كل تساؤلاتنا بدون ملل حبيت أشكر أستاذي العزيز أستاذ مهند 🌹
ومنصة أبواب المميزة على كل تعبهم وجهودهم ويانا 💛💙

لينا علي حسين ( #طلاب الأستاذ مهند السوداني 2024)

واللله العضيم من احسن الخطوات الي اخذتها ب حياتي ب كل محاضره اكتشف شغله جنت ما اعرفها و ينطيكم العافيه يا رب💗

رأيي في الدورة الالكترونية للاستاذ مهند السوادني ( شعراً )
دَعواكَ تُغني بِها لِلمُقتَفي أثراً
أو رَاجِياً في ذُرى الكيمياءِ مِنْ فَهمِ

تَسَنمتَ آيَ المَجدِ وَاستَهوى العُلى
في حَضرَتِيكَ تَعاصُفَ العَلَمِ

وَوَقتٍ لَهُ في ذا النِظامِ مُحَسَّبٌ
فَلا تَضَعُ الطُلابَ في مَأزِقٍ نَقِمِ

نِظامٌ وَتَرتيبٌ وَحِسٌ وَرَوعَةٌ
وأعطاءُ مَا يُعطى وَتَركَ المُهَمْهَمِ

وَتَرسِيخُ أفكارٍ وتَوسيعُ مُدرَكٍ
وَتقويمُ فَهمِ المَرءِ، يَا مُحسِنَ الفَهمِ

تُعَزِزُ مِنْ كِلتَا المَواضِيعِ جَمَّةٌ
فَلا تَتْرُكَ الطُلابَ في تَائهِ العِلمِ

وأُثني على مَنْ ساعَدُوهُ بِأمرِهِ
أعانَوا لِإكمالِ العَناقِيدِ مُسهِمِ

وَذَوقُهُمُ العَالي يُحيلُ تَواصُلًا
خِطَابُهُمُ رَقٌ وفي أمرِهِ كَلِمِي

فَأخرَجْتَ أجيالًا، وَسَاعَدتَ كَامِلًا
لِتَحقِيقِ مَا يَرجُوا وَكَشفِ المُغَّيَّمِ

بَحثتُ عَلى عَيبٍ فَلمْ ألقى مَا سِوى
بِأمرِ المِنَّصَةِ والحاسُوبِ إذ لا تنتمي

وَهَذا خِتامٌ مِنْ رَحِيقٍ مُهَندَمٍ
مُهَنَّدَ يَستَجلِي السَواعِدَ فِي الهَمِّ

حسين علي حسين (#طلاب الأستاذ مهند السوداني 2024)

(الصراحة الدورة الإلكترونية هاي السنة فد شي وبمستوى آخر واستاذ مهند شرحة خيالي ومتابعة قوية من حيث الامتحانات والتقييمات بحيث كلشي مرتب وبيرفكتو.) معتز نعمان حمزة

صباح التفاؤل واحلى المفاجآت الحلوة، هكذا يخونني التعبير والله مفاجأة حلوة تسعد القلب، الشهادة لله اذا هناك شخص يستحق الشكر فهوا انت استاذي، لك مني جزيل الشكر والتقدير على جميع ما تقدمه لنا من سعادة. طبعاً اني طالبة خارجي وجنت كلش اكره الكيمياء بس كلمة الحق تقال من درست عند استاذ مهند السوداني صارت الكيمياء كلش سهلة كدما فهمتها وحبيت الكيمياء ودرجاتي تشهد اخذت 100 🫶🥰 دنيا علي حكيم (#طلاب استاذ مهند علي السوداني دفعة 2024)

السلام عليكم…
اني چنت طالب حضوري يم غير مدرس مطولت خلصت الفصل الاول گبل انسحبت وسجلت الكتروني لأن المادة علمية يحتاجلهة دراسة وحدك او وحدچ وتعيد المحاضرة اني اكو محاضرة اعيدهة مرتين يالة افتهمهة ف بالبيت ادرسهة براحتي والالكتروني اضبط شي والحمد لله حالياً كلة درجات كاملة بالكيمياءوبقية المواد اني بس احياء حضوري لان سهل مو مال الكتروني وهم اغير جو بالمحاضرة …انتهى
الطالب: علي السجاد جعفر (#طلاب الاستاذ مهند السوداني 2024)

كلش زين الكتروني حتى من ناحيه وقت بس يحتاج التزام تلتزم بالواجبات تلتزم بالجدول يصير احسن من حضوري اصلا


المْنّ هدير (#طلاب الاستاذ مهند السوداني 2024)

دورة رائعة جداً من استاذ مهند

محمد ثامر مهدي .
طلاب الاستاذ مهند السوداني .
2024 .

بصراحة من أفضل الدورات الالكترونية الي شفتها بحياتي تتميز بال تحفيز بالمتابعة المستمرة والحلو انو مصلحة الطالب عدهم فوق كلشي وأهم شي تتميز باستاذها الراقي الي هو استاذ مهند وحرصه علينه هو احلى شي وبمساعديها الخلوقين الي اي شي نحتاجه يردون علينه صدك يعني انتو مثال يقتدى بيكم ♥️ سارة عمر مصدق (#طلاب الاستاذ مهند السوداني 2024)💘

السلام عليكم
بخصوص الدوره الالكترونيه حرفيا شكد ما اكتب ما اكدر اوصفه حتى كلمة انقاذ قليله بحقها
الدوره ممتازه من كل النواحي يعني اني احجي عن نفسي من بده الدوام ولحد الان ابد ما ارجع اقره وره المدرسة اروح للدوام واني ع قرايتي وفهمي قبل الدرس ب خمس دقايق اكلب الماده بسرعه وادخل للدرس واكيد بفضل استاذ مهند والامتحانات حرفيا الامتحانات اليوميه والتراكمية والفاينل هيه الي خلتني اضبط الماده وما اخلي اي ثغره بأي موضوع ……… والكلام كلش هواي
وبالنهايه احب اشكر منصه ابواب واستاذ مهند لان لو مو هو جان اني لحد الان كلشي ما اعرف ب الكيمياء واحسن قرار. اخذته وابد مندمانه عليه انو دخلت دوره يوم استاذ مهند
وبالنهايه اشكر استاذ مهند ع شرحه وتعبه ويانه وانشالله نفرحكم بدرجاتنه ب الوزاري …انتهى 🌸🤍🫶🏻
فاتن فاضل (#طلاب الأستاذ مهند السوداني 2024) ❤️

احمد ربي واشكره لاني دخلت دوره الكترونيه ومارحت معهد ولا دوخه
بـَسہ
؏ـنـدي مشكله لمن داومت داصير عندي تراكمات
فاطمه مازن حسن(#طلاب الاستاذ مهند السوداني2024)🌸💗

الدورة الإلكترونية مميزة جدًا من ناحية أكدر أكرر المحاضرة أكثر من مرة واشوف المحاضرة كأنما وحدي بدون تشويش الطلاب، وطبعًا مُمتنة لأستاذنا على طريقة توصيله للفكرة وأشكر المساعدين اللطفين على تعاملهم اللطيف ويانا ان شاء الله نرفع رأسكم بالوزاري 🤎🥇
نرجس محمد عطيوي (#طلاب الأستاذ مهند السوداني 2024)

السلام عليكم
طبعا بلبدايه اني مسجله اكثر من ماده الكتروني بس دوره الاستاذ مهند حرفيا تختلف من ناحيه المتابعه وكل شيء واكثر دوره تتابع الطالب من ناحيه المستوى والاداء اليومي اله وطبعا شكرا للمساعد عمر دائما هو متابع الطالب باداء الامتحانات لدرجه اقدر احس انو اني الوحيده الي بلدوره من كثر المتابعه الدائمه منه

ديما محمود عبدالله (#طلاب الأستاذ مهند السوداني 2024)
💛💙

السلام عليكم
اقدم شكري وتقديري للاستاذ الفاضل مهند السوداني على جهوده المبذولة في هذه الدورة الالكترونية وحرصة وعمله الدؤوب من خلال بذل جهده في شرح المادة وترسيغ المعلمومات فهماً في ذاكرتنا ونحن بدورنا كطلاب لمسنا هذا من خلال فهمنا واستيعابنا الاستفادة من كل ماتعلمناه ونقدم شكرنا لكل من ساهم في هذه المنصة (منصة ابواب)وتسهيل كل العقبات امام طريق مستقبلنا لكم منا وللاستاذ مهند السوداني كل الاعتزاز والتقدير
رغد سعيد عودة

الدورة الالكترونية كلش زينة بي ايجابيات وسلبيات سلبياتة يعتمد عل ضمير طالب واذا هوه فعلا يريد يقرا حيقرا وايجابيته اولا رح تكسب وقت الروحة والرجعة واسعار مناسبة وامتحانات يومية وتراكمية وفاينل بحيث متلحك تنسة مادة واكيد استاذ كلش زين مثل استاذنا مهند 😔🤍 هواي ناس تعارض عل الالكتروني بس ويه استاذ الصح والطالب الصح يعتبر احسن من خصوصي🫣🤍

مريم عدنان عباس(طلاب الاستاذ مهند السوداني 2024👏

بالنسبة للدورة حاليآ كلش ممتاز واتمنى تبقه ع هذه المستوى لان دنستفاد ‏​‏​منـِْهـ♡̨̐ـِْا هواية واحب اشكر استاذ مهند ع تعبنه ويانه وان شاء •اللّـہ̣̥ نفرحه بمعدلتنا واشكرج ست فرح وتعبها ويانه اكثر انسانة تحب تشجعني وبكل امتحان نكولي دكتورة رغم اني ماحب هذه المصلح بس احب تشجيها ومماكولها اني ماريد بيوم اصير دكتورة واكيد اشكر حضرتج لان دتعبين ويانه🦋🤍

اني طالبة دارسة السادس قبل سنة ٢٠٢١ وقررت اعيدة هالسنة واصعب مادة عندي الكيمياء وقاريتة قبل وممتحنة بس ابد محسيت ولا مرة ضابطتها شفت تسجيل على الدورة الالكترونية وكلت اسجل لعل استفاد واسيطر على الكيمياء حرفياً من اول محاضرات درستهن على الاستاذ مهند حسيت بفرق وشفت نفسي شوية شوية داضبط المواضيع جان مستواية كلش ضعيف وماارغب للكيمياء والحمدلله هسة احلى مادة وكلش داحسها صارت سلسلة بفضل الله وبفضل الاستاذ واحسن خطوة سويتها لمن دخلت عند استاذ مهند وحتى اهلي جانو شايلين هم الكيمياء وياية وحاليا فرحانين اكثر من عندي لمن يشوفون نتائج الدورة والامتحانات فه كلش ممتنة للاستاذ ع التعب الي ديبذلة ولمنصة ابواب ✨
هسة احنه دنتغلب ع صعوبة الكيمياء بفضلهم❤️
(ألق علي فاضل #طلاب الأستاذ مهند السوداني 2024)