#Dhimma Gargaartota Abbootii Alangaa, #Iftoominaaf
Bara 2015 kana keessa Gargaartota Abbootii Alangaa 158 Sagantaa Leenjii Hojiin Duraatiin Leenjisuuf karoorfachuun keenyaa fi karoorri kunis Gumii ILQSO tiin mirkanaa'uun ni yaadatama. Gargaartotni Abbootii Alangaa hojiirra kan jiran waan ta'eef shaakalliin ji'oota afuriif warroota haaraaf barbaachisu isaan hin ilaallatu. Kanarraa kan ka'e yeroon simannaa Gargaartota Abbootii Alangaa yeroo simannaa warra haaraa irraa ji'oota muraasaaf duubatti kan hafu ta'a. Gama biraatiin ogeessota Seeraa 358 yeroo tokkotti leenjisuun qulqullina leenjichaa irratti dhiibbaa waan qabuuf Sagantaan leenjii lama ta'a jechuudha. Sagantaa leenjii lamaanuu dhiyeenyatti kan isin beeksifnu ta'a. Hubatamuu kan qabu garuu leenjifamtootni haaraa simannu 200 fi gargaartotni Abbootii Alangaa yeroma tokko leenjii kan xumuranii fi kan eebbifaman ta'uu isaati.

#Gadda Guddaa!!!
Gaaddisa aartii Oromoo, falmaa bilisummaa fi waqixxummaa dhala namaa, Dr. Artiist Alii Birraa du'aan boqochuun gadda ulfaataadha. Dr. Kabajaa Alii Birraa rabbi jaannataan sihaa qananiisu! Ummata Itoophiyaa, ummata Oromoo, dinqisifattootaafi maatii isaatiif jajjabina hawwina.
#Rest In Peace Legend Dr. Ali Birra!

#Onkoloolessa 28, Bara 2015, #ILQSO
#Beeksisa
Ogeessotni Seeraa sagantaa Leenjii Hojiin Duraa Marsaa 16ffaatiin ILQSOtti leenji'uun Gargaaraa Abbaa Seeraa ykn Gargaaraa Abbaa Alangaa ta'uuf dorgomtanii leenjii akka seentan maqaan keessan Mana Murtii Waliigalaa Oromiyaa fi Biiroo Abbaa Alangaa Waliigalaa Oromiyaa irraa gara ILQSO tti ergame hundi Sadaasa 3 fi 4 magaalaa Adaamaa Waajjira muummicha ILQSOtti argamuun akka galmooftan isin beeksifna. Leenjin kan eegalamu Sadaasa 5, bara 2015 ta'a. Leenjifamtootni yemmuu dhuftan: uffata qorraa, ansoolaa fi uffata boraatii, maallaqa ji'a tokkoof nyaataaf itti fayyadamtan, waliigaltee wabii waajjira abbaa alangaatti mallatteesistan koppii tokko; suuraa 02 (passport size); ragaa barnootaa (tiraansikiriiptii, ragaa bu'aa qorumsa biyyaalessaa (maatirikii), exit exam, ragaa ministirii kutaa 8 fi digirii) keessan haadhoo fi koppii wajjiin qabattanii dhufuu qabdu.

######Karaa Nagaa koottaa jenna!!!

#Sadaasa 1, Bara 2015, #ILQSO
Inistitiyuutiin Leenjii fi Qorannoo Seeraa Oromiyaa Ogeessota gulaaltota Joornaalii Seeraa Oromiyaa turani namoota 10 galateeffachuun Waraqaa ragaa kennee jira. Ogeessotni kunis:
1. Obbo Waqgaarii Dullumee
2. Obbo Geetaachoo Fayyisaa
3. Obbo Alamaayyoo Waggaarii
4. Obbo Habtaamu Bultii
5. Obbo Abdii Gurmeessaa
6. Obbo Tasfaayee Niwaay
7. Obbo Shamanii Beenyaa
8. Obbo Jeetuu Iddoosaa
9. Obbo Ayyaanaa Tolinaa
10. Obbo Daawit Geetaachoo dha.
Sirna galateeffannaa fi kenniinsa Waraqaa ragaa kana irratti Gulaalaan Ol'aanaan Joornaalii Seeraa Oromiyaa Obbo Tafarii Baqqalaa, ogeessotni kun yeroo adda addaatti artikiloota joornaalicha irratti maxxanfaman gulaalaan kan turanii fi yeroo turtii isaanii raawwateedha jedhaniiru. Daayirektarri Ol'aanaa Itti Aanaan ILQSO Obbo Sulxaan Abdoo Waraqaa ragaa kennuun haasaa taasisaniin Joornaaliin Seeraa Oromiyaa sadarkaa amma irra jiru kana irra akka gahuu fi biyya keessattis ta'ee biyya alaatti beekamtii akka argatu gochuu keessatti gumaachi ogeessota kanaa olaanaa waan ta'eef galata guddaatu isaaniif mala jedhaniiru.

#Simannaa Leenjifamtoota Leenjii Hojiin Duraa Marsaa 16ffaa
Inistitiyuutiin Leenjii fi Qorannoo Seeraa Oromiyaa leenjifamtoota Leenjii Hojiin Duraa Marsaa 16ffaa simachuun guyyaa har'aa leenjii eegalchiisee jira. Sirna simannaa kana irratti Daayirektarri Daayirektoreetii Kenna Leenjii fi Tajaajila Gorsaa Obbo Dhaabaa Dirribaa mirgoota, dirqamootaa fi ittigaafatamummaa leenjifamtootni yeroo turtii waggaa tokkoof ILQSOtti taasisan keessatti qaban leenjifamtootaaf ibsaniiru. Daayirektarri Ol'aanaa Itti Aanaan ILQSO Obbo Sulxaan Abdoo gama isaanitiin leenjifamtootni leenjii isaanii xiyyeeffannoo guddaan hordofuun gahumsa ol'aanaa, naamusaa gaarii fi miira tajaajiltummaa gonfachuun ummata isaanii haqaan tajaajiluuf qophaa'uu qabu jedhaniiru.
#Yeroo leenjii bu'aa gaarii itti galmeessitan isiniif haata'u!