Ethio Job Vacancy

ለ2012 የትምህርት ዘመን የሚያገለግል የግል ተቋማትን ሙሉ መረጃ ይፋ ሆኗል፤
=>የተቋማቱ ቁጥር 201 ደርሷል፤
፤፤፤፤፤፤፤፤፤፤፤፤፤ ፤፤፤፤፤፤፤፤፤፤፤፤፤ ፤፤፤፤፤፤፤፤፤
(ጳጉሜ 01 ቀን 2011 ዓ.ም.)
የከፍተኛ ትምህርት አግባብነትና ጥራት ኤጀንሲ በከፍተኛ ትምህርት አዋጅ ከተሰጡት ዋና ዋና ስልጣን እና ኃላፊነቶች ውስጥ አንዱ ከከፍተኛ ትምህርት ተቋማት ጋር ተያያዥነት ያላቸውን ወቅታዊ መረጃዎች ለህዝቡ የማሳወቅ፤ ለ2012 የትምህር ዘመን እንዲያገለግል የ201 የግል ተቋማትን የእውቅና ፈቃድ ሙሉ መረጃ ለህዝቡ ይፋ አድርጓል፡፡
መረጃው በ2012 የትምህርት ዘመን የመጀመሪያና የ2ኛ ዲግሪ ትምህርታቸውን ለመማር የሚፈልጉ ተማሪዎች ገንዘባቸውን ከፍለው ከመመዝገባቸው በፊት የተቋማቱን ህጋዊነት በተሟላ መልኩ ለማረጋገጥ እንዲችሉ ነው፡፡ ስለማንኛውም ተቋም ሙሉ መረጃዎች የያዘው ይህ መረጃ የተቋሙን የደረጃ ስያሜ(ዩኒቨርሲቲ፣ ዩኒቨርሲቲ ኮሌጅ፣ ኮሌጅ ወይም ኢንስቲትዩት ስለመሆኑ)፤ ተቋሙ የእውቅና ፈቃድ ያገኘባቸው ካምፓሶች፤ በእያንዳንዱ ካምፓስ የተፈቀዱለት የትምህርት ዓይነቶች፣ የትምህርት መስኩ እውቅና ፈቃድ ስለመታደሱ፣ የትምህርት መስኩ ደረጃ(የመጀመሪያ ወይም 2ኛ ዲግሪ ስለመሆኑ)፤ ሞዳሊቲ(የተፈቀደው በመደበኛ ወይስ በርቀት) የመሳሰሉ ጉዳዮችን ለማረጋገጥ የሚያስችል በመሆኑ ተማሪዎች በመረጃው ተጠቅመው ከህገ-ወጥ ተቋማት ራሳቸውን የመጠበቅ ኃላፊነታቸውን እንዲወጡ ያስችላቸዋል፡፡ ወላጆችም የልጆቻቸው በህገ-ወጥ የከፍተኛ ትምህርት ተቋም ሊደርስ የሚችለውን የገንዘብና የጊዜ ብክነት ከኤጀንሲው የተሰጠውን የእውቅና ፈቃድ መረጃ በመጠቀም የበኩላቸውን ድርሻ እንዲወጡ ኤጀንሲው መልዕክቱን ያስተላልፋል፡፡ እንዲሁም ስፖንሰር በማድረግ የሚያስተምሩ መንግስታዊና መንግስታዊ ያልሆኑ ድርጅቶች መረጃውን ለቅድመ-ጥንቃቄ ሊጠቀሙበት ይችላሉ፡፡
ሳይፈቀድላቸው በተለያዩ የክልል ከተሞች ውስጥ ካምፓስ/ቅርንጫፍ እና ባልተፈቀደላቸው የትምህርት መስኮች ተማሪ ተቀብለው የሚያስተምሩ ህገ-ወጥ ተቋማትን ለመከላከል እንዲያስችል ለሚመለከታቸው ለክልል እና ለከተማ መስተዳድሮች የፐብሊክ ሰርቪስ ቢሮዎች፣ለፍትህ አካላት እንዲሁም ለኮሙኒዩኬሽን እና ለሚዲያ ተቋማት መረጃውን በደብዳቤ የሚያሳውቅ ስለሆነ በግል ከፍተኛ ትምህርት ተቋማት ለመማር የሚመዘገቡ ዜጎች የእውቅና ፈቃዳቸውን ቅድሚያ በማረጋገጥ የሚጠበቅባቸውን ኃላፊነት እንዲወጡ ኤጀንሲው ያሳስባል፡፡
በዘርፉ የሚፈጸሙ የህግ ጥሰቶችን ለመከላከል ከሚኒስቴር መ/ቤቱ፣ ከሌሎች የመንግስት አካላት፣ ከመገናኛ ብዙሃን እና ከመላው ህብተተሰብ ጋር የተጀመሩ እርምጃዎችተጠናክረው የሚቀጥሉ ይሆናል፡፡
በመጨረሻም:- የእውቅና ፈቃድ እና የእውቅና ፈቃድ እድሳት ጠይቀው እየታየላቸው ያሉ ሪፖርታቸው ሲጠናቀቅ እየተካተልን እናሳውቃለን።
ጳጉሜ 01 ቀን 2011 ዓ.ም.
የከፍተኛ ትምህርት አግባብነትና ጥራት ኤጀንሲ

https://drive.google.com/file/d/1-AR-YmY54Ik7g8YGW3q8SIeRvggNdBFM/view?fbclid=IwAR0xlYqLZ-kWw1SXnkbMnxB6fjQtL2d7hAFeO9danb5rx39EJoDj8xoGskA

2.18K views04:33