አርብ፡- መጋቢት 5 ቀን 2017 ዓ.ም

በኮሌጁ የስራ  አፈፃፀምና የሪፎርም ትግበራ ግምገማ ተካሄደ!!

ሁሉም የኮሌጁ ማህበረሰብ አባላት በተገኙበት የኮሌጁ የ8 ወር ዕቅድ አፈፃፀም እና የስራና ክህሎት ቢሮ የሪፎርም ትግበራ ሂደት ቀርቦ ውይይት ተደረገበት፡፡

በውይይቱ  ላይ በቢሮ ኃላፊ ማዕረግ የአዲስ አበባ ከተማ አስተዳደር ስራና ክህሎት ቢሮ አካማሪ አቶ ቸርነት በላቸው፣ የአዲስ ከተማ ክፍለ ከተማ ም/ዋና ስራ አስፈፃሚና የስራና ክህሎት ጽ/ቤት ኃላፊ ወ/ሮ ሰላማዊት ከበደ እና የኮሌጁ አመራሮች ተገኛተዋል፡፡

እንደ ኮሌጅ ከአዲሱ የቴክኒክና ሙያ እሳቤ አተገባበር ጋር በተያያዘ ያለውን አፈፃፀም ያቀረቡት የኮሌጁ ዋና ዲን አቶ መለሰ ይግዛው ሲሆኑ በተቋሙ ከ11 የቴክነክና ሙያ ዘረመሎች /DNA/ አንፃር የተከናወኑ አበየት ተግባራትን በየዘርፉ አቅርበዋል፡፡

በዚህም ተቋሙን ለሰራተኞችና ሰልጣኞች ምቹ ከማድረግ ረገድ፣ የኢንዱስትሪዎችን ገበያ ፍላጎት ያደረገ ስልጠና ከመስጠትና ከግሉ አልሚ ጋር በአጋርነት ከመስራት አንፃር፣ በአካባቢ ፀጋ ለይቶ ከማሰልጠንና ተቋማዊ ኢንተርፕራይዞችን ፈጥሮ የሀብት ማግኛ ከማድረግ አኳያና መሰል ሀሳቦች በአፈፃፀሙ ተገልጸዋል፡፡

በሌላ በኩል የከተማ አስተዳደሩ ስራና ክህሎት ቢሮ የሰራቸውንና እያከናወናቸው ያሉትን የሪፎርም ትግበራ ያቀረቡት በቢሮ ኃላፊ ማዕረግ የቢሮ አካማሪ አቶ ቸርነት በላቸው ሲሆኑ አሰራሩን ማስተካከል፣ አመራሩን መልሶ ማደራጀት፣ የአቅም ግንባታ ስልጠና መስጠት፣ የስራ አካባቢን ለአገልግሎት ምቹ ማድረግ፣ የዲሲፕሊን ክፍተቶች ላይ የእርምት እርምጃ መውሰድ የሚሉት ሲተገበሩ በቀጣይ መረጃዎችን በቴክኖሎጂ አጠናክሮ መቀጠል፣ የተቋማት አካባቢያዊ ፀጋ ልየታን መተግበር፣ የኮሌጆችን ኢንተርፕራይዞች አጠናክሮ ማስቀጠል የሚሉት ተግባራት ይገኙበታል፡፡
     
በመድረኩ ላይ የተገኙ ተሳታፊዎችም በቀረበው ተቋማዊ አፈፃፀምና ቢሮው እየተገበረው ባለው የሪፎርም ስራ     ጠንካራ አቅሞች ናቸው ያሏቸውን አድንቀው፤ ማስተካከያ ቢደረግባቸው የሚሏቸውን ደግሞ ገንቢ አስተያየቶች አቅርበዋል፡፡ በመጨረሻም ከመድረኩ የማጠቃለያ ምላሾች ተሰጥተው ውይይቱ ተጠናቋል፡፡

‹‹በላቀ አገልግሎት የመረጃ ተደራሽነት››

ኮሌጁ ከአዳስ ሚዲያ ኔትወርክ አዲስ ልሳን ጋዜጣ ጋር በመተባበር በየሳምንቱ ቅዳሜ በአንድ ገፅ አምድ ላይ ልዩ ልዩ ሳምንታዊ መረጃዎችን የሚያሰራጭ ሲሆን የነገ መጋቢት 6 እትም ላይ ደግሞ ከቴክኖሎጂ ፈጠራል እስከ ተቋማዊ ማምረቻ የደረሰውን የእንሰሳት መኖ ማቀነባበሪያ ማሽን ነገረ ተረክን ይዛ ትወጣለች።

መልካም ንባብ!!

ኮሌጁ ከአዳስ ሚዲያ ኔትወርክ አዲስ ልሳን ጋዜጣ ጋር በመተባበር በየሳምንቱ ቅዳሜ በአንድ ገፅ አምድ ላይ ልዩ ልዩ ሳምንታዊ መረጃዎችን የሚያሰራጭ ሲሆን የዛሬዋ መጋቢት 13 ዕትም ላይ ደግሞ የአካባቢ ፀጋን መሠረት ያደረገ ስልጠና አሰጣጥ ትግበራ ጋር የተያያዘ መረጃን በ16ኛው ገጿ ላይ ሀተታ ይዛ ወጥታለች።

     መልካም ንባብ!!