ሐሙስ፡- ሰኔ 20 ቀን 2016 ዓ.ም

በአዲስ አበባ ኤግዚቪሽን ማዕከል ሲካሄድ የቆየው የቴክኒክና ሙያ ሳምንት ዐውደ ርዕይ ተጠናቀቀ!!

ቴክኒክና ሙያ ለዘላቂ ልማት በሚል መሪ ቃል ለ6 ቀናት ሲካሄድ የቆየው 14ኛው የቴክኒክና ሙያ ሳምንት ዐውደ ርዕይ በዛሬው ዕለት ተጠናቋል።

በዕለቱ በክህሎት ውድድር፣ በጥናትና ምርምር፣ በቴክኖሎጂ፣ በፋሽን ሾው ትርኢትና በስፓርታዊ ጨዋታዎች ከአንደኛ እስከ ሶስተኛ ደረጃ  ለያዙ ኮሌጆች፣ አሰልጣኞች እና ሰልጣኞች የዋንጫ፣ የሰርተፍኬትና የገንዘብ ሽልማት ተበርክቶላቸዋል።

በአጠቃላይ በቴክኖሎጂ ዘርፍ ውድድር ጀነራል ዊንጌት ፖሊ ቴክኒክ ኮሌጅ 2ኛ ደረጃን ይዞ ሲያጠናቅቅ ተግባረ-ዕድ እና አቃቂ ፓሊ ቴክኒክ ኮሌጆች አንደኛና ሶስተኛ ደረጃ ሆነዋል።

በሌላ በኩል  በፋሽን ሾው ትርኢት ምስራቅ፣ እንጦጦ እና ተግባረ ዕድ ከአንደኛ እስከ ሶስተኛ ያለውን ደረጃ በመያዝ ጨርሰዋል።

በማጠቃለያ መርሃ ግብሩ ላይ ተገኝተው የመዝጊያ ንግግር ያደረጉት በቢሮ ኃላፊ ማዕረግ የአዲስ አበባ ከተማ አስተዳደር ስራና ክህሎት ቢሮ ምክትል ቢሮ ኃላፊ አቶ መክብብ ወልደሐና ሲሆኑ የቴክኒክና ሙያ ሳምንት የቴክኖሎጂ ዐውደ ርዕይ አጠቃላይ ዘርፉን ለህብረተሰቡ ለማስገንዘብ እና የተሰሩ የምርትና የማምረቻ ቴክኖሎጂዎች ወደ ኢንዱስትሪዎች ተሸጋግረው ምርትና ምርታማነትን ለማሳደግ ዕድል ይፈጥራል ብለዋል።

‹‹በላቀ አገልግሎት የመረጃ ተደራሽነት››

ሰኞ:- ሐምሌ 1 ቀን 2016 ዓ.ም

ለተመራቂ ሰልጣኞች ሲሰጥ የቆየው የኬፕለር ስልጠና ተጠቀቀ!!

ለአንድ ወር ያህል ቆይታ የነበረው የተመራቂ ሰልጣኞች የኬፕለር ስልጠና ተጠናቀቀ።
                                                                                           ከ200 በላይ የሚሆኑ ተመራቂ ሰልጣኞች የኬፕለር ስልጠና የወሰዱ ሲሆን የስልጠናው መሰረታዊ ዓላማ ተመራቂዎች ወደ ስራ ኢንዱስትሪው ለመግባት የሚያስፈልጋቸውን ክህሎት ለማስጨበጥ እንደሆነ ተገልጿል።

ኬፕለር ተመራቂ ሰልጣኞችን ከኢንዱስትሪዎች ጋር ለማስተሳሰር እየሰራ ያለ ግብረ ሰናይ ድርጅት ሲሆን ለተመራቂዎቹ በስራ ላይ ተግባቦት፣ በጊዜ አጠቃቀም፣ በሲቪ አዘገጃጀት፣  ወዘተ ዙሪያ ትኩረት ያደረጉ የሶፍት ስኪል ስልጠናዎችን እየሰጠ ይገኛል። 

ስልጠናቸውን ላጠናቀቁ ሰልጣኞች በዛሬው ዕለት የማጠናቀቂያ ሰርተፍኬት የተሰጠ ሲሆን በዕለቱ መርሃ ግብር ላይ የኮሌጁ አመራር አካላት፣ የኬፕለር ካንትሪ ዳይሬክተር ሚስተር GMV፣ ከተለያዩ ኢንዱስትሪዎች የተውጣጡ ባለድርሻዎች እና የስልጠናው ተሳታፊ አሰልጣኞችና ሰልጣኞች ተገኝተዋል። 

‹‹በላቀ አገልግሎት የመረጃ ተደራሽነት››