በስልጠና ላይ ለሚኖር ቅሬታ እንዲሁም ጥቆማ ካለ @Gw2016bot ማሳወቅ ትችላላችሁ።

ማክሰኞ፡- ጥቅምት 13 ቀን 2016 ዓ.ም

የአሰልጣኞች ኢንዱስትሪ አታችመንት ቆይታ ግምገማ ተደረገ!!

ወደ ተለያዩ ኢንዱስትሪዎች ሄደው የነበሩ አሰልጣኞች የአታችመንት ቆይታ ግምገማ ዛሬ ጥቅምት 13 ቀን 2016 ዓ.ም በጋራላይ ሆቴል ተደረገ።

በመርሃ ግብሩ ላይ የኮሌጁ ዲኖች፣ የEASTRIP ፕሮጀክት ጽ/ቤት ሰራተኞች፣ አታችመንት የተወጣባቸው ኢንዱስትሪዎች ተወካዮች እና ሌሎች ተሳታፊዎች ተገኝተዋል።

የአሰልጣኞች ኢንዱስትሪ አታችመንት ዓላማ አሰልጣኞች በጽንሰ ሀሳብ የሚያውቁትን ሙያ በኢንዱስትሪዎች ካዩት የስራ ባህል፣ ልምድ፣ ከሚጠቀሙት ቴክኖሎጂ እና ከአዳዲስ አስራር ስርዓት አንጻር ሰልጣኞቻቸውን ከገሀዱ የስራ ዓለም ጋር በተግባር አገናኝተው ስልጠና እንዲሰጡ ታቅዶ መሆኑን የኮሌጁ ዋና ዲን አቶ መለሰ ይግዛው ተናግረዋል።

በዚህ የኢንዱስትሪ አታችመንት ላይ ከ11 ዲፓርትመንቶች የተውጣጡ 20 አሰልጣኞች በተለያየ ምርት እና አገልግሎት በሚሰጡ 12 ኢንዱስትሪዎች ለአንድ ወር ያህል ቆይታ ማድረጋቸው የተገለጸ ሲሆን ካፒታል ሆቴል፣ ሆለታ አግሪካልችር ሪሰርች ኢንስቲተዩት፣ አዲስ አበባ ከተማ አወቶቢስ አገልግሎት ድርጅት፣ አዲስ አበባ ከተማ መንገዶች ባለስልጣን፣ ስፔስ ሳይንስ እና ጂኦስፓሻል ኢንስቲትዩት፣ ሳልማ ፈርኒቸር፣ ዎሲ ጋርመንት፣ ሲምቦል ቴክኖሎጂ፣ ጽጌ በየነ ሌዘር ፕሮዳክት ፋብሪካ፣ ኢትዮ ኢንጂነሪንግ ግሩፐ፣ LTF ኮንሱልቲንግ እና ኤሊያና ሆቴል አሰልጣኞቹ በኢንዱስትሪ አታችመንት የቆየባቸው ድርጅቶች መሆኑ ተገልጿል። በመርሃ ግብሩ ላይ አሰልጣኞቹ በእያንዳንዱ ኢንዱስትሪ የነበራቸውን አጠቃላይ ቆይታ የሚያሳይ ሪፓርት አቅርበዋል።

የአታችመንቱ መርሃ ግብር የአሰልጣኞችን አቅም ከማጎልበት አንጻር ከሚከወኑ ተግባራት አንዱ ሲሆን አሰልጣኞች የስራ ገበያውን ስርዓት በአካል ልምድ ቀስመው እና ስልጠናውን ከነባራዊ የኢንዱስትሪ ፍላጎት ጋር አዛምደው እንዲተገብሩ ቀጣይም ከኮሌጁ EASTRIP ፕሮጀክት ጋር በመተባበር ይህንን ስራ በስፋት ለማከናወን ዕቅድ መያዙን የኮሌጁ የተቋማት ልማት እና አስተዳደር ጉዳዮች ምክትል ዲን ቢሮ አሳውቋል።

"በላቀ አግልግሎት የመረጃ ተደራሽነት"

በስልጠና ላይ ለሚኖር ቅሬታ እንዲሁም ጥቆማ ካለ @Gw2016bot ማሳወቅ ትችላላችሁ።