በኢትዮጵያ አወዛጋቢ የነበረው ሬማ ለንደን ላይ ባቀረበው የሙዚቃ ዝግጅት መነጋገሪያ ሆነ

ሬማ 20 ሺህ ታዳሚዎችን የመያዝ አቅም ባለው የለንደኑ '02 አሬና' ባቀረበው የሙዚቃ ሥራው ወቅት “ሰይጣናዊ እና የኢሉሚናቲ መልክቶችን አንጸባርቋል” የሚሉ ቅሬታዎች ከተሳታፊዎች እና ከአድናቂዎቹ ቀርቦበታል።

ሬማ ከቀናት በፊት ለንደን ውስጥ ባቀረበው የሙዚቃ ዝግጅቱ መጀመሪያ ላይ በፈረስ አምሳል በተሠራ ሐሰተኛ ፈረስ ላይ ተቀምጦ በሚብለጨለጭ ብርሃን ውስጥ ሆኖ ይታያል።

የሚያበሩ ዐይኖች እና ጋማ ያለው ሲሆን እንዲሁም የፊት እግሮቹን ወደ ላይ የሰቀለ በሚመስለው ፈረስ ላይ የተቀመጠው ሬማ፤ ጭንቅላቱን ጨምር የሚሸፍን ጥቁር ገዋን የለበሰ ሲሆን ፊቱ ላይ ደግሞ ደማቅ ቀለማት ያሉት ጭምብል አጥልቆ ታይቷል።

ሬማ በሳምንቱ መጀመሪያ ማክሰኞ ኅዳር 4 ያቀረበው ኮንሰርት የመግቢያ ቲኬቱ ቀድሞ ተሽጦ ያለቀ ሲሆን፣ በእውቁ የለንደን የሙዚቃ ሥራዎች የሚቀርቡበት 02 አሬና ሙሉ ታዳሚ በማግኘት ከጥቂት አፍሪካውያን አርቲስቶች መካከል አንዱ ሆኗል።

ሬማ በዕለቱ ሁለተኛውን ዙር የሙዚቃ ሥራውን ማቅረብ የጀመረው ደግሞ በሌሊት ወፍ አምሳያ የተሰራ ግዙፍ ሐሰተኛ የለሊት ወፍ ላይ ቆሞ ነው።
ከዐይኖቹ ደማቅ ቀይ ብርሃን የሚያወጣው እና ክፍንፎቹን በዝግታ የሚያማታው ግዙፍ የሌሊት ወፍ ላይ የቆመው ሬማ ከመሃል ጭንቅላቱ የሚነሳ ባለ ብረት ትልቅ መነጻር አድርጎ ታይቷል።


Follow us on social medias
Youtube - https://www.youtube.com/@waliyaent
FacebooWaliya Entertainmentntmt
Tiktok - https://www.tiktok.com/@Waliyaent
Telegram - https://www.t.me/waliyaent
#rema #waliya_entertainment