13ተኛው ለዛ አዋርድ የሙዚቃ ዘርፍ አሸናፊዎች፦

👉 ምርጥ ነጠላ ዜማ፦ ቴዲ አፍሮ ናዕት
👉 ምርጥ ቪዲዮ ክሊፕ፦ ራሄል ጌቱ ኢትዮጵያዬ
👉 ምርጥ አዲስ ድምፃዊ(ኤልያስ መልካ ሽልማት)፦ ወግዳይት
👉 የዓመቱ ምርጥ ዘፈን፦ ሄዋን ገ/ወልድ ሼሙና
👉 ምርጥ አልበም፦ ግርማ ተፈራ ግን የት ሀገር
👉 የህይወት ዘመን ተሸላሚ፦ ንዋይ ደበበ

Follow us on Social Medias
Youtube - https://www.youtube.com/@waliyaentmt
Facebook - https://www.facebook.com/Waliyaentmt
Tiktok - https://www.tiktok.com/@Waliyaentmt
Telegram - https://t.me/waliyaentmt

#Waliya_Entertainemnt #Music

ኂሩትን አንረሳትም !

"ለሀገራችን ኪነጥበብ ያበረከተችውን ጉልህ አስተዋፅኦ የሚዘክር ልዩ መድረክ ተካሄደ

#Ethiopia | የፖሊስ ኦርኬስትራ የቀሞዋ ድምጻዊት እና በኋላም ዘማሪት የነበረችው ኂሩት በቀለን ስራዎች እና የህይወት ታሪክ የሚዘክር መርሐ-ግብር የተካሄደው ዛሬ ግንቦት 19 ቀን 2016 ዓ.ም በኢሊሌ ኢንተርናሽናል ሆቴል ነው።

ለአመታት በኢትዮጵያ የሙዚቃ እንቅስቃሴ ውስጥ ጉልህ ስም እና ዝና ካላቸው እንስት ድምጻዊያን መሀከል ግንባር ቀደም የሆነችውና እና ከዚህ ዓለም በአጸደ ስጋ ከተለየችን አንድ አመት የሞላትን ድምጻዊት እና ዘማሪት ለመዘከር በተዘጋጀው ልዩ መድረክ ላይ በህይወት ታሪኳና ስራዎቿ ዙሪያ የሚያጠነጥን መጽሐፍም ተመርቋል።

መጸሐፉም የጥበብ እና መንፈሳዊ ህይወቷን ይተርካል። ከመጽሐፉ የሚገኘው ገቢም በስኳር ህመም ለሚሰቃዩ ወገኖቻችን መርጃ እንዲሆን በስሟ ለሚከፈተው የበጎ አድራጎት ፋውንዴሽን ማቋቋሚያ እንደሚውል ተነግሯል።

የዚህ ልዩ መድረክ አዘጋጆችም ከአስተባባሪዎች ጋር ፌዴራል ፖሊስ፣የአዲስ አበባ ከተማ አስተዳደር ባህል፣ኪነጥበብ እና ቱሪዝም ቢሮ በጋራ በመሆን ነው።

የስባት ልጆች እናት የሆነችው ድምጻዊት እና ዘማሪት ኂሩት በቀለ በፖሊስ ኦርኬስትራ ውስጥ ለ30 አመታት አገልግላለች። ከሙዚቃ ስራዎች እራሷን ካገለለች በኋላም በመንፈሳዊ ስራዎች አሳልፋለች።

Follow us on Social Medias
Youtube - https://www.youtube.com/@waliyaentmt
Facebook - https://www.facebook.com/Waliyaentmt
Tiktok - https://www.tiktok.com/@Waliyaentmt
Telegram - https://t.me/waliyaentmt

#Waliya_Entertainemnt #Music

ወጣቷ ድምጻዊት የመደፈር ሙከራ ተፈፀመባት

#Ethiopia : በሜትር ታክሲ አሽከርካሪ ከመደፈር እንደተረፈች ድምፃዊት ትዕግስት ኃይሉ (እግቱ) ገለፀች። ፋስት መረጃ የእግቱን መልዕክት እንደተመለከተው ትላንትና በከተማችን የሚሰራ የሜትር ታክሲ ሹፌር ሊደፍረኝ ነበረ ያለችው ድምፃዊቷ ከቤት ስወጣ ያደረሰኝን ሹፌር አመሻለሁ ሲለኝ ፕሮግራሜን ስጨርስ ቤቴን ስለሚያውቀውም መጀመሪያ በሰላም ስላደረሰኝም ወደ ቤት እንዲመልሰኝ ደወልኩለት ትንሽ ቢያረፍድም መጣ ስትል የተፈጠረውን አብራርታለች።

ቤት ልደርስ ትንሽ ሲቀረኝ መኪናውን አቁሞ ሲታገለኝ እወጋሻለሁ ብሎ ሲያስፈራራኝ፣ አምልጬ ወደ ቤት ገብቻለሁ። ሲታገለኝ ልብሴ ስለተቀደደ ኪሴ ውስጥ የነበረ ገንዘብ ሙሉበሙሉ መኪና ውስጥ ወድቆብኛል ብላለች።

ትማሩበታላችሁ፣ የእኔን ስህተት ተዘናግታችሁ አትደግሙትም ብዬ አምናለሁ ስትል እግቱ የደረሰባትን ገልፃለች።

Follow us on Social Medias
Youtube - https://www.youtube.com/@waliyaentmt
Facebook - https://www.facebook.com/Waliyaentmt
Tiktok - https://www.tiktok.com/@Waliyaentmt
Telegram - https://t.me/waliyaentmt

#Waliya_Entertainemnt #Music

የድምጻዊ መሳይ ተፈራ ካሳ አልበም ሊለቀቅ ነው

በድምጻዊ መሳይ ተፈራ ካሳ የተሰራው 12 ትራኮችን የያዘው የልቤን የተሰኘው አልበም የፊታችን ቅዳሜ ሰኔ 1/2016 ዓ/ም በራሱ በመሳይ ተፈራ ካሳ የዩቲዩብ ቻናል ይለቀቃል።

የአገራችን በርካታ ወጣትና አንጋፋ የግጥምና ዜማ ደራሲያን ድምፃዊዉን ጨምሮ ድምፃዊ ጎሳዬ ተስፋዬ ሞገስ ተካ አቤል ሙሉጌታ ናትናኤል ግርማቸዉ አቡዲ ምሀረታብ ደስታ አንተነህ ምናሉ ወንድወሰን ይሁብ በግጥምና ዜማ ረገድ በማሳተፍ የተከሸኑና ጆሮ ገብ በሆኑ ጥበባዊ ትሩፋቶች አሻራቸዉን በደማቁ ያስቀመጡበት ሲሆን በቅንብር ሚክሲንግና ማስተሪንግ

ከፍተኛ ወጪ የፈሰሰበትና ላለፉት 5 ዓመታት ጥበባዊ ፈጠራዎችን ተከትሎ በጥራት ታሽቶ የተሰራውን የድምፃዊ መሳይ ተፈራ ካሳ የልቤን አዲስ አልበም ቻል ቻል ፤የብቻዬ፤ቆንጆ ነሽ፤ ደህናይግጠምሽ፤ ማካሪና፤ ከአባይ ማዶ፤ ዉረጅ ካናቴ ፤የልቤን፤ግድ የለሽም፤ ኸረተይ፤ አይ አለማወቋ፤ አዉድማዬ፤ እሳቱ የተሰኙ ርዕሰ ያላቸው የተለያዩ ጉዳዮችን የሚዳስሱ 12 የሙዚቃ ትራኮች እንዳሉት ድምጻዊው ዛሬ በቬልቪው ሆቴል በሰጠው መግለጫ አሳውቋል።

በአልበሙ ውሰጥ ስለሀገር ፣ስለ ፍቅር ! ስለ ማህበራዊ ጉዳዮችና የመሳሰሉት ተዳሰዉበታል ተብሏል።

በእዚህ ስራ ላይ ድምጻዊ ጎሳዬ ተስፋዬ ፣አቤል ሙሉጌታ ፣ ሞገስ ተካ ፣አቡዲ ፣አንተነህ ምናሉ ፣ ሚካኤል ኃይሉ (ሚኪ ጃኖ) ታምሩ አማረ (ቶሚ) አቤል ጳዉሎስ እና ሌሎችም ተሳትፈውበታል ተብሏል።

Follow us
Youtube - https://www.youtube.com/@waliyaentmt
Facebook - https://www.facebook.com/Waliyaentmt
Tiktok - https://www.tiktok.com/@Waliyaentmt
Telegram - https://t.me/waliyaentmt

ትኩረቱን ሙዚቃና ፊልም ላይ ያደረገው የባህልና ኢንዱስትሪ ጥበባት ጉባዔ በኢትዮጵያ ከመጋቢት 30 እስከ ሚያዝያ 1 ቀን 2016 ዓ.ም በአዲስ አበባ ዩኒቨርስቲ ራስ መኮንን አዳራሽ መካሄዱ ይታወሳል፡፡ ጉባዔው የገበያ ጥናት ፣ መሰረታዊ የሙዚቃ ቢዝነስ ሀሳቦች ፣ የሙዚቃ ስርጭት መተግበሪያ ሀሳቦች ፣ የቅጂ መብት እንዲሁም የፒች ክፍለ ጊዜዎችን በስፋት የዳሰሰ ነበር፡፡

በመጀመሪያው ቀን ጉባዔ የመጀመሪያው ክፍለ ጊዜ በማትስ ኮንሰልቲንግ ኃ.የ.ማ ሲኒየር አማካሪ እንዲሁም ኦፕሬሽንስ ማናጀር በሆኑት አቶ አለኸኝ ሞገስ ‘በኢትዮጵያ የሙዚቃና ፊልም ኢንዱስትሪ‘ ላይ ያተኮረ ጥናት የቀረበ ሲሆን "በኢትዮጵያ በሚገኘው የሙዚቃና ፊልም ኢንዱስትሪ እየተሻሻሉ የመጡ ጉዳዮች" በሚል ርዕስ አርቲስት ሄኖክ መሐሪ፣ አርቲስት ቴዎድሮስ አክሊሉ፣እንዲሁም የፊልም ባለሞያ ሄኖክ መብራቱ በጥናቱ ላይ ተመስርተው ውይይት አድርገዋል፡፡

Follow us on Social Medias
Youtube - https://www.youtube.com/@waliyaentmt
Facebook - https://www.facebook.com/Waliyaentmt
Tiktok - https://www.tiktok.com/@Waliyaentmt
Telegram - https://t.me/waliyaentmt

#Waliya_Entertainemnt #Music