መምህርና ሙዚቀኛ ሰለሞን አበራ ከዚህ ዓለም ድካም አረፈ

#Ethiopia  | ህዳር 16 ቀን 1962 ዓ.ም በአዲስ አበባ ከተማ በተለምዶ ፈረንሳይ ለጋሲዮን ተብሎ በሚጠራው አካባቢ ነው ሙዚቀኛና መምህር ሰለሞን አበራ ተወልዶ ያደገው።

  ከልጅነቱ ጀምሮ ጥልቅ የሆነ የሙዚቃ ፍቅር የነበረው ሰለሞን አበራ በደርግ ስርዓተ መንግሥት በመዲናዋ በሚገኙ ቀበሌና ከፍተኛ ውስጥ የተደራጁ የኪነት ቡድኖችን ተከትሎ፤ በከፍተኛ 12 ኪነት ውስጥ ከኮሜዲያን አለባቸው ተካና ድምጻዊ ግርማ ተፈራ ጋር አብሮ ሠርቷል።

   12ኛ ክፍልን እንዳጠናቀቀም በ19 79 ዓ.ም ወደ ቅዱስ ያሬድ የሙዚቃ ትምህርት ቤት በመግባት ለአራት ዓመታት በዋነኝነት ደብል ቤዝ የሙዚቃ መሣሪያ፣ በሁለተኝነት ፒያኖ፣ ከሀገር ውስጥ የሙዚቃ መሰንቆን አጥንቶ በ1989 ዓ.ም ተመርቋል።

    ሙዚቀኛ ሰለሞን አበራ በአዲስ አበባ ከተማ ስመ ጥር በሆኑ በርካታ ምሽት ክበቦች ውስጥ በኪቦርድ ተጫዋችነት ያገለገለ ሲሆን፤ አብረውት ከሠሩት ድምጻውያን መካከልም አቦነሽ አድነው፣ ደምሴ ተካ፣ ውሽንፍር አርጋው፣ ኤልሳቤጥ ተሾመ፣ ስዮም ዘውዴ፣ ግርማ ገመቹና አበበ ከፈኒ ለአብነት ይጠቀሳሉ።

    ከ1990 ዓ.ም ጀምሮ ወደ መምህርነት ሙያ በማዘንበሉ በቅዱስ ማርቆስ፣  ሞንቶሶሪያን፣ የሃ ሱፐር ሆሊሴቪየር፣ እየሩሳሌም፣ ስኩል ኦፍ ቱሞሮ፣ ኢትዮ ፓረንትስ ት/ቤቶች ለ26 ዓመታት በመምህርነት አገልግሏል።

የቀብር ስነ ስርዓቱ ሚያዚያ29 ቀን በገነተ ኢየሱስ  ገነተ ማርያም ቤተ ክርስቲያን ተፈጽሟል።

Follow us on Social Medias
Youtube - https://www.youtube.com/@waliyaentmt
Facebook - https://www.facebook.com/Waliyaentmt
Telegram - https://t.me/waliyaentmt

9 አመት የፈጀው የለምለም ኃ/ሚካኤል የመጀመሪያ የሙዚቃ አልበም አርብ ይለቀቃል።

ድምፃዊት ለምለም ኃ/ሚካኤል የመጀመሪያ አለበም ሰርታ እንዳጠናቀቀች ዛሬ ግንቦት 5/2016 ዓ.ም በማርዮት ሆቴል በሰጠችው ጋዜጣዊ መግለጫ ተናግራለች።

ላለፋት 10 እና ከዛ በላይ አመታት በኪነጥበብ የሙያ ዘርፍ ውስጥ በትወናና ድምፃዊነት የሰራችው ለምለም "ማያዬ" አልበምን ሰርቶ ለማጠናቀቀ 9 አመታት እንደወሰደባት ተናግረለች።

የሙዚቃ አልበሙ 12 ያክል ዘፈኖችን የያዘ ሲሆን አንድ የኦሮሚኛ ዘፈን ተካቶበታል፣ ኤልያስ መልካን ጨምሮ አበጋዝ ክብረወርቅ፣ ሚካኤል ሃይሉ፣ ታምሩ አማረ፣ አዲስ ፍቃዱ እና ብሩክ ተቀባ በቅንብር።

ወንድወሰን ይሁብ፣ ናትናኤል ግርማቸው ፣ ሀብታሙ ቦጋለ፣ ጥላሁን ሰማው በግጥም።

ኤልያስ መልካ፣ አንተነህ ወራሽ ፣ እሱባለው ይታየው፣ ብስራት ሱራፌል፣ አህመድ ተሾመ፣ ዘርአ ብሩክ ሰማው በዜማ።

በሚክሲንግ እና ማስተሪንግ ሰለሞን ሀይለማርያም። በኘሮዲውሰርነት ወንድወሰን ይሁብ ተሳትፈውበታል።

"ማያዬ" የሙዚቃ አልበም አርብ ግንቦት 9/2016 ዓ.ም በናሆም ሬከርድስ የዩቲዩብ ቻናል እንዲሁም በአለምአቀፍ የሙዚቃ መተግበሪያዎች የሚለቀቅ ይሆናል።

በአዲስ አበባ ዩኒቨርስቲ በቲያትር ጥበባት ትምህርት የመጀመሪያ ዲግሪ እንዲሁም ከዚሁ ትምህርት ክፍል በቲያትር ፎር ዴቨሎፕመንት የሁለተኛ ደግሪ እጩ ተመራቂ ነች።

Follow us on Social Medias
Youtube - https://www.youtube.com/@waliyaentmt
Facebook - https://www.facebook.com/Waliyaentmt
Tiktok - https://www.tiktok.com/@Waliyaentmt
Telegram - https://t.me/waliyaentmt

ተታረቁ!!!!

ዋልያ ኢንተርቴይመንት ከውስጥ ሰዎች እውነታውን ለማጣራት እንደሞከረው ከዚህ በፊት በተፈጠረ ችግር ተወዳጇ ድምፃዊት ታምር ግዛው ሙሉ አልበም ከ ሙዚቃ አቀናባሪው ታምሩ አማረ እና ከ ዜማና ግጥም ደራሲው ናትናኤል ግርማቸው ጋር እየሰሩ በነበሩበት ግዜ በአንዳንድ ምክንያቶች ተጣልተው እንደነበር በዚህም ምክንያት ለታምር ግዛው ሊሰራላት የነበረው ሙሉ አልበም በጠቡ ምክንያት ሙሉ በሙሉ ለ ታዳጊዋና ተወዳጇ ድምፃዊት ቤቴልሄም ሸርፈዲን እንደተሰጠ #waliya_entertainment ያጣራ ሲሆን ነገር ግን አሁን ከብዙ ጊዜ ክፍተት በዃላ በይቅርታ ድጋሜ እንደተታረቁ ለማወቅ ችለናል።

Follow us on Social Medias
Youtube - https://www.youtube.com/@waliyaentmt
Facebook - https://www.facebook.com/Waliyaentmt
Tiktok - https://www.tiktok.com/@Waliyaentmt
Telegram - https://t.me/waliyaentmt

#Waliya_Entertainemnt #Music