'የማነህ'? አልበም

#Ethiopia : በገና በዓል እንዲሁም በአስፋው መሸሻ ህልፈት ሳቢያ ይፋ ማድረጊያ መርሃ ግብሩ የተራዘመው የድምጻዊት እየሩሳሌም አስፋው ሦስተኛ የሙዚቃ አልበም ዛሬ ይፋ ተደረገ።

በመርሃ ግብሩ ላይ ድምጻዊቷ የሙዚቃ ስራዋ ይፋ መደረጉን አብሥራ፤ ከአድማጮች ጋር ያስተዋወቃት 'ሃሎ አዲስ አበባ' የተሰኘ ከአሥር ዓመታት በፊት የተሠራ ሙዚቃ በአዲስ መልክ ተሰርቶ በ'የማነህ' የሙዚቃ አልበም ውስጥ መካተቱን ገልጻለች።

ከአሥር ዓመታት በላይ ከአድማጭ ጋር ሳትገናኝ ለመቆየቷ ግጥም እና ዜማ የመሰብሰብ ሂደት እንዲሁም የስቱዲዮ በሥራ መጨናነቅ ምክንያት መሆናቸውን ድምጻዊት እየሩሳሌም አስፋው ተናግራለች። ይሁን እንጂ አልበሙ ይፋ መደረጉን ተከትሎ በአገር ውስጥ እና በውጭ አገራት የሙዚቃ ድግስ ለማካሄድ በዝግጅት ላይ መሆናቸው ተነግሯል ።

በአውታር የሙዚቃ መተግበሪያ በታህሳስ ወር መጨረሻ የተለቀቀው 'የማነህ' የሙዚቃ አልበም 16 ነጠላ ዜማዎችን የያዘ ሲሆን ከጥቂት ጊዜ በኋላ አልበሙን በሲዲ የማሳተም እና ይፋዊ የአልበም የምርቃት መርሃ ግብር መታቀዱን የመድረኩ አዘጋጅ አብረሃም ግዛው ገልጿል።

'የማነህ' የሙዚቃ አልበም ብስራት ጋረደው፣ ምስክር አወል፣ ምዕራፍ አሰፋ፣ ቢኒያምር አምዱ፣ አብረሃም ኪዳኔ እንዲሁም ሌሎች አንጋፋ እና ወጣት የሙዚቃ ባለሞያዎች የተሳተፉበት እንደሆነም ተገልጿል።

Follow us on Social Medias
Youtube - https://www.youtube.com/@waliyaentmt
Facebook - https://www.facebook.com/Waliyaentmt
Tiktok - https://www.tiktok.com/@Waliyaentmt
Telegram - https://www.t.me/waliyaentmt

#Waliya_Entertainemnt #Music

🎯 POSTPONED | ተራዝሟል

#Ethiopia | የፊታችን ቅዳሜ የካቲት 9(February 17) በጊዮን አፍሪካን ጃዝ መንደር ሊካሄድ ታቅዶ የነበረውና ሰፊ ዝግጅት የተደረገበት ዝነኞችን ይተዋወቁ (celebrity meet and great) ሁለተኛው መርሀግብር (ከክብር ዶክተር ሙላቱ አስታጥቄ) ጋር ሀገራችን በዛው ሳምንት በምታሰናዳው 43ኛው የአፍሪካ ህብረት የመሪዎች ጉባኤ ምክንያት ላልተወሰነ ጊዜ ተራዝሟል!

ታዋቂ ኤቨንትስ meet the celebrities በተሰኘው መርሀግብሩ አንጋፋ ተወዳጅና በስራቸው ብሎም ባበረከቱት መልካም አስተዋፅኦ እውቅናን የተጎናፀፉ ዝነኞች ከአድናቂዎቻቸው ጋር የሚገናኙበትን ቅንጡ መድረክ በየጊዜው ያዘጋጃል::

ይህ መድረክ ታዋቂዎች በልካቸው የሚከበሩበት፣የሚሸለሙበትና ከአድናቂዎቻቸው ጋር የሚገናኙበት የታዳሚያንን ቀልብ የገዛ አጉዋጊ ዝግጅት ነው::

የዚህኛው ዙር እንግዳችን የክብር ዶክተር ሙላቱ አስታጥቄ እንደሆነ ይታወቃል::
Follow us on Social Medias
Youtube - https://www.youtube.com/@waliyaentmt
Facebook - https://www.facebook.com/Waliyaentmt
Tiktok - https://www.tiktok.com/@Waliyaentmt
Telegram - https://www.t.me/waliyaentmt

#Waliya_Entertainemnt #Music

"አዮ ኮ፣ ሐርሜ ኮ" ዘመን የማይሽረው ድምፃዊ ገቢ ኤደኦ

በዘጠናዎቹ ውስጥ በኢትዮጵያ ቴሌቪዥን በተደጋጋሚ ከሚጋበዙ የአፋን ኦሮሞ ሙዚቃ ውስጥ የድምፃዊ ገቢ ኤደኦ ሙዚቃ ተጠቃሽ ነው። ዛሬ በፋስት መረጃ ተወዳጁን ሙዚቀኛ ገቢ ኤደኦን እናስታውሰው።

በአፋን ኦሮሞ ስለ እናት ከተቀነቀኑ በርካታ ዘፈኖች ውስጥ የአቢቶ ከበደ "Hadha koo" ስሜትን የሚኮረኩር እናት አጠገብ ሆና እንኳን የሚያስናፍቅ የማይጠገብ ሙዚቃ ነው። ሌላኛው ተወዳጅ ስለ እናት ከተዘፈኑ የአፋን ኦሮሞ ሙዚቃ የገቢ ኤደኦ "አዮ ኮ" የተሰኘው ነው።

ገቢ ኤደኦ የተወለደው በዝዋይ ዱግዳ (ሐቡራ) ቢሆንም በህፃንነቱ ወደ እናት አባቱ ሀገር ለትምህርት ተብሎ አሰላ ከተማ ገባ። ለትምህርት ተብሎ አሰላ የገባው ገቢ ነፍሱ ወደ ሙዚቃ አደላች አሰላ ከተማም ሙዚቃ ለመስራት አመቺ እድል ሆኖለት። ሙዚቃን በአሰላ ከተማ "ትግል ፍሬ" በተባለ ግሩፕ የጀመረው ገቢ ኤደኦ ጭላሎ ኪነት፣ ፖሊስ የተባሉ የሙዚቃ ቡድኖችን እየተቀላቀለ እስከ ሮሃ ባንድ ድረሰ የሙዚቃ ችሎታውን እያሳደገ ደርሷል።

ገቢ ኤደኦ የመጀመሪያ አልበሙን የአማርኛ ሙዚቃዎችን ለአድማጭ ያቀረበ ሲሆን በ1984 ዓ.ም የአፋን ኦሮሞ አልበም ለአድማጭ አድርሷል።

ገቢ ኤደኦ የአማርኛ አልበም ጨምሮ አራት ሙሉ አልበም እና በርካታ ነጠላ ዜማዎችን ሰርቷል። ድምፃዊ ገቢ ኤደኦ አሁንም ሙዚቃን እየሰራ ሲሆን ተተኪ ልጁን አኒስ ገቢ ኤዴኦን አበርክቶልናል።

Follow us on Social Medias
Youtube - https://www.youtube.com/@waliyaentmt
Facebook - https://www.facebook.com/Waliyaentmt
Tiktok - https://www.tiktok.com/@Waliyaentmt
Telegram - https://www.t.me/waliyaentmt

ታዋቂዋና ተወዳጇ አርቲስት ዘሪቱ ከበደ ዛሬ ልደቷ ነው

🎂🎂Happy Birthday🎂🎂

ከዘሪቱ ከበደ ስራዎች የቱን ትወዱታላችሁ?

Follow us on Social Medias
Youtube - https://www.youtube.com/@waliyaentmt
Facebook - https://www.facebook.com/Waliyaentmt
Tiktok - https://www.tiktok.com/@Waliyaentmt
Telegram - https://www.t.me/waliyaentmt

#Zeritu_kebede #Album  #Waliya_Entertainemnt