በቀደምት ጀግኖች አያቶቻችን ታላቅ ተጋድሎ እና መስዋዕትነት እንዲሁም በታላቁ ታሪክ የማይረሳው ንጉሳችን ዳግማዊ አጤ ምንሊክ እና በእቴጌ ጣይቱ ብጡል ብልህ አመራር እና አስተባባሪነት ለተቀዳጀነው አንፀባራቂው የ፻፳ ወ፱ኛው የአድዋ ድል በዓል እንኳን አደረሳችሁ የሚል መልዕክቴን ሳስተላልፍ በታላቅ ብሔራዊ ኩራት ነው::

ይህ በታሪክ ተመዝግቦ በየአመቱ የምንዘክረው አድዋ ላይ የተቀዳጀነው ድል የኢትዮጵያን ነፃነት ያስከበረ ብቻ ሳይሆን በአፍሪካ የቅኝ ግዛት ቀንበር ተጭኗቸው ሲሰቃዩ ለነበሩ አፍሪካዊያን ወንድም እና እህቶቻችን እንዲሁም በመላው አለም በጭቆና ውስጥ የነበሩትን ጥቁር ህዝቦች ቀና ብለው እንዲሄዱ እና ነፃ እንዲወጡ በወቅቱ ታላቅ መነቃቃትን የፈጠረ ገናና የጥቁር ህዝቦች ድል ነው።

የዘንድሮውን የ፻፳ ወ፱ ኛው የአድዋ ድል በአል ስናከብር ሀገራችን ኢትዮጵያ ላለፉት ቀላል ለማይባሉ አመታት አንድነቷን አስጠብቃ ወደ ፊት እንዳትራመድ ሰቅዞ የያዛትን ተከታታይ የብሔር ፖለቲካ አዙሪት እንደ ሀገር እና እንደ ህዝብ ያስከፈለንን እና እያስከፈለን ያለውን ዋጋ ግምት ውስጥ በማስገባት ካለንበት ውስብስብ እና እጅግ ኋላቀር የዘር ፖለቲካ ለመውጣት ከመቼውም ጊዜ በላቀ አንድነታችንን አስተባብረን የህልውናችን መሰረት የሆነችው እናት ሀገራችንን ለማዳን በንቃት መቆም ይጠበቅብናል።

<<ምንሊክ ጥቁር ሰው!>>

ኢትዮጵያ ለዘላለም ትኑር!
ቴዎድሮስ ካሳሁን
(ቴዲ አፍሮ)

Follow us on Social Medias
Youtube - https://www.youtube.com/@waliyaentmt
Facebook - https://www.facebook.com/Waliyaentmt
Telegram - https://t.me/waliyaentmt

#Waliya_Entertainemnt #Music #teddy_afro #adwa

እንኳን ለ129ኛው የዓድዋ ድል በዓል በሰላም አደረሳችሁ!

ለመላው የኢትዮጵያ ሕዝብ መልካም የድል በዓል እንዲሆን ከልብ እንመኛለን።

ዓድዋ
👉የነፃነት_አርማ
👉የጥቁር_ሕዝቦች_ድል
👉የአንድነት_ተምሳሌት
👉አድዋ ኢትዮጵያዊነት።

Follow us on Social Medias
Youtube - https://www.youtube.com/@waliyaentmt
Facebook - https://www.facebook.com/Waliyaentmt
Tiktok - https://www.tiktok.com/@Waliyaentmt
Telegram - https://t.me/waliyaentmt

#Waliya_Entertainemnt #Music #adwa

ድምፃዊት ቬሮኒካ አዳነ አዲስ ነገር ይዛ እየመጣች ትገኛለች…

ድምፃዊት ቬሮኒካ አዳነ የበኩር አልበምዋን "መጠርያዬ" የተሰኘ የሙዚቃ አልበም ይዛ መምጣትዋን አይዘነጋም፡፡

ሁል -ጊዜ አዳዲስ ጉዳዮችን ይዛ ብቅ የምትለው ወጣቷ ድምፃዊት ከሰሞኑ የሚለቀቁ ቪድዮች እንደ ሚኖሩም ገልፃለች፡፡ በራስዋ የማህበራዊ ትስስር ገፅ ላይ እንዲህ ስትል ለአድናቂዎቿ የሙዚቃ አድማጮች በሙሉ አድርሳለች፡፡

…"አንድ አንዴ ፈጣሪን ማመስገኛ ቃል አጣለሁ ተመስገን…በጣም የማከብረው ድርጅት ጋር የBrand Ambassader የመሆን ስምምነት ላይ ደርሰናል፡፡ እሱ ብቻ ሳይሆን ነገ የምለቀውን ቪድዮ ሙሉ በሙሉ ገዝተውታል፡፡ የኔ ደስታ የሚያስደስታችሁ ቤተሰቦቼ እንኳን ደስ አላችሁ፡፡
ለማንኛውም የነገው አዲስ ነገር በMarch 8 በveronica Adane Youtube Channel የሚለቀው በውስጡ ያለው 12 ቪድዮ ነው ብዙ ደክመውበታል እንደ ምትወዱት አልጠራጠርም" ስትል ገልፃለች፡፡

Follow us on Social Medias
Youtube - https://www.youtube.com/@waliyaentmt
Facebook - https://www.facebook.com/Waliyaentmt
Tiktok - https://www.tiktok.com/@Waliyaentmt
Telegram - https://t.me/waliyaentmt

#Waliya_Entertainemnt #Music #veronica_adane

"ኪነ ጥበብን በኃላፊነት ተጠቅመን የተሻለ አብሮነት፣ ፍቅርና መከባበር እንዲኖር እንሰራን "- የሙዚቃ ባለሙያዎች

የሙዚቃ ባለሙያው ካሙዙ ካሳ እንደተናገረው፣ ኢትዮጵያ እዚህ የደረሰችው በአብሮነት በመሆኑ ነገንም ለመቀጠል አብሮነት እንደሚያስፈልግ ገልጻል፡፡ ስለአብሮነት ሁሌም መነገር፣መነሳት ማስታወስ አስፈላጊ ነው ያለው የሙዚቃ ባለሞያ ካሙዙ፣ለኢትዮጵያዊያን አብሮነት አዲስ አይደለም በአብሮነት የኖረ ህዝብ ነው ብሏል፡፡

በአብሮነት ችግርን መቅረፍ ጠላትን፣ ኑሮን ማሸነፍ፣ ድል መንሳት እንደሚቻል ገልጾ፣ በኪነ ጥበብ ፍቅር፣አንድነትና ጀግንነትን መግለጽ እንደሚቻል ተናግሯል።

ቀደም ሲል በነበሩ አባቶች፣ወጣት ድምጻዊያን ብዙ ተሰርቷል፣ወደፊትም ይሰራል። ኪነ ጥበብ በኃላፊነት ሰዎች ያላዩበትን መንገድ ማሳየት ፍቅርን ፣አብሮነትን መስበክ፣ሰዎችን ለመልካም ነገር ማነሳሳት መሆኑን አስረድቷል፡፡

ወጣቱ ትውልድ አብሮነት ከሌለ ምንም ነገር መሆን እንደማይችል ማወቅ እንዳለበትና መከፋፈሉ፣ መለያየቱ የማይጠቅም ነገር መሆኑን ሊረዳ ይገባል። መከፋፈልን ትተን በአንድነት፣ በመተሳሰብና ይቅር በመባባል የተሻለች ሀገር ለመጪው ትውልድ ማስተላለፍ አለብን ብሏል፡፡

ድምጻዊት ሃይማኖት ግርማ በበኩሏ፣ህዝባችን ከንግግር በላይ በተግባር አብሮ ይኖር ነበር፣ ወደፊትም ይኖራል፡፡ በሥራም በማንኛውም ጉዳይ የሆነ አካባቢ ሲኬድ ኢትዮጵያ ውስጥ ሁሉም ጋር ጥሩ ነገር አለ። በየትኛውም የሀገሪቱ ክፍል ያለው አብሮነት የሚያስደስት ነው ብላለች፡፡

ሙዚቃ ትልቁ ሥራው ፍቅር፣አብሮነትን፣መልካም ነገርን፣የሰዎች መቀራረብን መስበክ መሆኑን በመግለጽ፣ወደፊትም በሰዎች መካከል አብሮነትን የሚያጸኑ ሥራዎችን እንደሚያስቀጥሉ ተናግራለች፡፡

@waliyaentmt
@waliyaentmt
@waliyaentmt