- አትገርማችሁም?

#Ethiopia | ሙዚቃ ለምትወዱ ብቻ

ጥንካሬና ብርታቷ ለብዙዎች ምሳሌ መኾን የምትችል ድምጻዊት እንደሆነች ይሰማኛል።

ድንቅ ሆኖ ከተሰራው አዲሱ አልበሟ ውስጥ "ሰላም" የተሰኘውን ስራዋን ከልቤ ወድጄዋለሁ።

አልበሟ ከመውጣቱ ለወገኖቿ ያደረገችውን ሰብዓዊ ልገሳም ከልቤ አደንቃለሁ!!

የአደባባይ ሰው መኾን የሚፈጥረውን አሉታዊ እና አወንታዊ ጫና ተቋቁማ ዐይናችን እያየ ወደ ላቀ ክብር ከፍ እያለች የመጣች ከያኒ እንደኾነችም ይሰማኛል።

የሚደንቀው ደሞ ብዙዎች ይሳለቁባት (ባራድኛ ቋንቋ ሙድ ይይዙባት) በነበሩን በርካታ ድርጊቶቿ ዛሬ ላይ እራሷም ዞራ ስትፍነከነክባቸው "አይ ልጅ መኾን!" ብላ ስትስቅባቸው ተመልክቼ ተደንቄባታለሁ።

ቬሮኒካ አዳነ ከዝነኛው የራዲዮ ሆስት ዮናስ ሐጎስ ጋር ያደረገችውን ቃለ መጠይቅ እየሳቅሁ፣ እየተዝናናሁ ስመለከት፦ ለሚዲያ ከተመቸው ግልጽ ባሕሪዋ ባሻገር ያለፈችበትን መንገድ ማድመጥ አስተማሪ እንደሆነ ተሰምቶኛል።

ሊንኩን ከታች አስቀምጥላችኋለሁ።

ሙዚቃ ሲያደምጥ እንዳደገ ሰው የቬሮኒካ ሙዚቃዎች ከሕጻናት አንደበት ተደጋግሞ ሲደመጥ በቅርበት አስተውላለሁና፤ ከቀጣዩ ጊዜ የሙዚቃ ከዋክብት መሐል እሷ ጎልታ የምትወጣ እንደምትሆን ብተነብይ የምስት አይመስለኝም!

የእውነት ግን አትደንቃችሁም?
Veronica Adane

Yared Shumete - ያሬድ ሹመቴ

Follow us on
Youtube - https://www.youtube.com/@waliyaentmt
Facebook - https://www.facebook.com/Waliyaentmt
Tiktok - https://www.tiktok.com/@Waliyaentmt
Telegram - https://t.me/waliyaentmt

#Waliya_Entertainemnt #Music #Veronica_adane

"ቴዲ አፍሮ እና ሮፍናን የተሳተፉበትን አልበም በመስራት ላይ እገኛለሁ" ልዑል ሀይሉ

ከአምስት ዓመታት በፊት "እሳቱ ሰዓት" በሚል አርእስት ቀዳሚ አልበሙን ለሙዚቃ ወዳጆች ያዳረሰው ወጣቱ ድምፃዊ ልዑል ሀይሉ ሁለተኛ የአልበም ስራውን እየሰራ እንደሚገኝ ለመሰንበቻ ገልጿል።

በሁለተኛ አልበም ውስጥ ኤልያስ መልካ በሕይወት ሳለ የሰራቸው የሙዚቃ ስራዎች ከፍ ያለውን ቁጥር እንደሚይዝም አስታውቋል።

ከእዚያ በተጨማሪ ቴዎድሮስ ካሳሁን (ቴዲ አፍሮ) እና ሮፍናን ኑሪን ጨምሮ ሌሎች ወጣት እና ስመ-ጥር የሙዚቃ ባለሙያዎች ተሳትፎ እንዳደረጉ ድምፃዊ ልዑል ሀይሉ ለመሰንበቻ ተናግሯል።

በአዲሱ አልበም ስራ ውስጥ በቅንብሩ ታምሩ አማረ ከፍተኛውን ድርሻ ወስዷል ያለው ድምፃዊው መሀሪ ብራዘርስ ባንድም እንደተሳተፉበት አስታውቋል።

ሰርቼ ያጠናቀቁትን እና በአይነት እንዲሁም በይዘቱ ለየት ያለውን ነጠላ ዜማ ከአዲስ ዓመት ዋዜማ አስቀድሜ ሰርቼ ለሙዚቃ ወዳጆች ለማድረስ የመጨረሻው ምዕራፍ ላይ እገኛለሁ ሲል ለኤፍ ኤም አዲስ 97.1 ለመሰንበቻ ፕሮግራም ተናግሯል።

ቀዳሚው አልበም በተደራሽነቱ እና በተደማጭነቱ በብዙ ተደራሽ ቢሆንም "እዚህ ግባ" የሚባል ጠቀሜታን አላገኘሁበትም ያለው ድምፃዊ ልዑል ሀይሉ ሙሉ አልበሙን ዳግም በናሆም ሪከርድስ አማካይነት ማሰራጨት እንዳስፈለገ በቆይታው አንስቷል።

ናትናኤል ሀብታሙ

Follow us on Social Medias
Youtube - https://www.youtube.com/@waliyaentmt
Facebook - https://www.facebook.com/Waliyaentmt
Tiktok - https://www.tiktok.com/@Waliyaentmt
Telegram - https://t.me/waliyaentmt

#Waliya_Entertainemnt #Music