"ሶስት አመት የለፋሁበት ብዙ ያየሁበት የመጀመሪያ አልበሜ ነሀሴ 17/2016ዓ.ም ይወጣል"

ቬሮኒካ አዳነ

የወጣቷ ድምፃዊት ቬሮኒካ አዳነ አዲስ አልበም ለሙዚቃ አፍቃሪያን የሚደርስበት ቀን ይፋ ሆኗል::

"ኩርፊያን" ጨምሮ "ተው" የሚሉ ቀዳሚ ነጠላ ዜማዎችን በመጫወት ለአድማጭ በማድረስ እውቅናን ያተረፈችው ወጣቷ ድምፃዊት ቬሮኒካ በሙሉ አልበም ስራ እንደምትመጣ አስታውቃለች፡፡

ከቀዳሚ ሁለት ነጠላ ዜማዎቿ በማስከተል በዩቲዩብ አማካይነት ከፍተኛ ዕይታ ያገኙላትን "ጥፍጥ አለኝ፤ እናነይ እና አበባዬ" የተሰኙ ነጠላ ዜማዎችን ለሙዚቃ አፍቃሪያን ባደረሰች ማግስት ከሁለት ወራት በኋላ ነሃሴ 17 ቀን 2016ዓ.ም አልበሙን ለሙዚቃ አፍቃሪያን እንደምታደርስ ድምፃዊቷ ገልፃለች፡፡

ለበኩር አልበም ስራዋ "መጠሪያዬ" የሚል ስያሜን እንደሰጠች የገለፀችው ድምፃዊቷ አልበሙን ሰርቶ ለማጠናቀቅ ሶስት ዓመታት እንደወሰደ ብትናገርም በአልሙ ላይ ተሳትፎ ስላደረጉ ባለሙያዎች ከመግለፅ ተቆጣባለች፡፡

ያም ሆኖ ግን በሚቀጥሉት ጊዜያት ስለ ቀዳሚ አልበም ስራዋ ዝርዝር ጉዳዮችን እንደምታሳውቅ በመግለፅ በይፋዊ የፌስ ቡክ ገጿ ላይ አስፍራለች፡፡

ናትናኤል ሀብታሙ አዘጋጅቶታል::
Follow us on Social Medias
Youtube - https://www.youtube.com/@waliyaentmt
Facebook - https://www.facebook.com/Waliyaentmt
Tiktok - https://www.tiktok.com/@Waliyaentmt
Telegram - https://t.me/waliyaentmt

#Waliya_Entertainemnt #Music

ከያኒው አለማየሁ ደመቀ " በክብር ዕውቅና" ሊደምቅ ነው

#Ethiopia : ደራሲ፣ የግጥም እና የዜማ ደራሲ፣ፕሮዲውሰር እና ድምጻዊ አለማየሁ ደመቀ የክብር እውቅና ሊሰጠው ነው ። በአዲስ ሚዩዚክ መልቲ ሚዲያ ያዘጋጀው መርሃ ግብሩ ሰኔ 15 ቀን 2016 ዓ.ም በማርዮት ሌግዥሪ ሆቴል ይካሄዳል ። ከያኒው ከ1991 ዓ.ም አንስቶ ከ250 በላይ የሆኑ የሙዚቃ ስራዎችን፣ዮቶር ቁጥር 1 ኮብላዩ ካሕን 1 እና ዮቶር ቁጥር 2 መጽሐፍትን ለአንባቢያን አድርሷል ።
በክብር እውቅና መርሐ-ግብር ላይ ዮቶር የሙዚቃ ኮንሰርት ይቀርባል። በኮንሰርቱም ላይ ድምጻዊያን ጎሳዬ ተስፋዬ፣ኃይልዬ ታደሰ፣አብነት አጎናፍር፣ግርማ ተፈራ፣ሀሊማ አብዱረሀማን፣ሄለን በርሄ፣ዳዊት ጽጌ፣ብስራት ሱራፌል፣አዲስ ለገሰ፣አንተነህ ምናሉ፣አበባው ጌታቸው፣ዳግማዊ ታምራት፣መስከረም ኡስማን እና ሌሎችም ይሳተፋሉ።

የሙዚቃ ድግሱንም ኢትዮ ለዛ፣ሻኩራ ባንድ እና ብርኩማ ባንድ የድምጻዊያኑን ስራዎች ያጅባሉ። የኮንሰርቱ የመግቢያ ዋጋ 2999.00 ብር ነው ተብሏል።

በተጨማሪም ዮቶር ቁጥር 2 ቶ መጽሐፍም ይመረቃል።
የአለማየሁ ደመቀ ዮቶር 1 ኮብላዩ ካህን ከ15 ጊዜአት በላይ ተደጋግሞ የታተመ እና ተወዳጅ መጽሐፍ እንደሆነ ይታወቃል።

Follow us on Social Medias
Youtube - https://www.youtube.com/@waliyaentmt
Facebook - https://www.facebook.com/Waliyaentmt
Tiktok - https://www.tiktok.com/@Waliyaentmt
Telegram - https://t.me/waliyaentmt

#Waliya_Entertainemnt #Music

ገና ልጅ ሆኖ አባቱ የባንክ ቤት ሰራተኛ መሆኑን እጅግ ይጓጉ ነበርና ተምሮ የባንክ ሰራተኛ እንዲሆን አብዝተው ይወተውቱት ነበር። ተደጋግሞ የተነገረው የባንክ ቤት ሰራተኝነት እሱም ወደደውና ባንከር ለመሆን አለመ። በእርግጥ በሂሳብ ስራ (አካውንቲንግ) ትምህርቱን አጠናቆም ስራ ተቀጥሮ ነበር። የሚወደው የሙዚቃ ሙያ ከስራ ለመሰናበቱ ምክንያት ሆነው እንጂ። ከአሰሪው ጋር ያጋጨው ሙዚቃ የዝናን እርካብ ያስረገጠው በኢትዮጵያዊያን እውቅናንና ስኬትን ያጎናፀፈው ሙያ ሆነው አስገኘው አሽኮ (አስጌ ዴንዴሾ)።

ባህላዊ ይዘታቸውን ሳይለቁ በዘመናዊ የሙዚቃ ጥበብ አድምቆ የሚያቀርባቸው የሙዚቃ ስራዎቹ በመላው ሀገሪቱ ከፍ ያለ ተቀባይነትና ዝናን አጎናፅፈውታል።

አስጌ ከሙዚቃው በተጨማሪ ቦሌ ላይ ዴንዳሾ የተሰኘ ስጋ ቤት ከፍቶ ከተቀጣሪነት ወደ ቀጣሪነት በመሸጋገር ለበርካታ ዜጎች የስራ እድል ፈጥሯል።

ዛሬ የተወለደበት እለት ነው መልካም ልደት አስጌ 🎂

Follow us on Social Medias
Youtube - https://www.youtube.com/@waliyaentmt
Facebook - https://www.facebook.com/Waliyaentmt
Tiktok - https://www.tiktok.com/@Waliyaentmt
Telegram - https://t.me/waliyaentmt

#Waliya_Entertainemnt #Music