#hamkorlik #raqamlashtirish #turkiya

⚙️ISHLAB CHIQARISHNI RAQAMLASHTIRISH BO‘YICHA XALQARO HAMKORLIK

✅Mamlakatimizda raqamli iqtisodiyotni faol rivojlantirish, barcha tarmoqlar va sohalarda, shu jumladan, davlat boshqaruvi, sanoat va ishlab chiqarishda zamonaviy axborot-kommunikatsiya texnologiyalarini keng joriy etish bo‘yicha kompleks chora-tadbirlar amalga oshirilmoqda. Jumladan, ayni paytda yurtimizda «Raqamli O‘zbekiston — 2030» strategiyasi keng tatbiq etilmoqda. Xususan, elektrotexnika sanoati tarmoqlarida ham bu jarayon boshlangan.

✅Bugun “O‘zeltexsanoat” uyushmasida Turkiyaning “Mert Software Electronics” kompaniyasi bilan ishlab chiqarish jarayonlarini raqamlashtirish bo‘yicha muzokaralar olib borildi.

✅Boshqaruv raisi o‘rinbosari A.Boyev elektrotexnika sanoati korxonalarida boshqaruvni avtomatlashtirish, raqamlashtirishga bosqichma-bosqich o‘tish kabi masalalar bo‘yicha hamkorlarga ma'lumot berdi.

✅O‘z navbatida, “Mert Software Electronics” kompaniyasi vakili samimiy qabul uchun minnatdorchilik bildirib, hamkorlik aloqalarini mustahkamlash bo‘yicha bir qator takliflarni ilgari surdi. Jumladan, kompaniya vakili raqamlashtirish jarayonida qo‘llaniladigan zamonaviy texnologiyalar va ularning afzalligi haqida tushuntirish berdi.

📝Fb 📝 Tg 💻 In 🎞 Tube 🕊 Tw

➡️ #Sarkuysan #Turkiya

⚡️ Turkiyaning “Sarkuysan” kompaniyasi bilan muzokara olib borildi

➡️ Davlatimiz rahbari joriy yil 6-iyun kuni rasmiy tashrif bilan Turkiya Respublikasida bo’ladi. Ushbu tashrif oldidan O’zbekiston va Turkiya rasmiylari, ishbilarmon doira vakillari o’rtasida hamkorlikni kengaytirishga qaratilgan uchrashuvlar bo’lib o’tmoqda.

➡️ Bugun “O’zeltexsanoat” uyushmasi raisi Mirziyod Yunusov va “Eltech Industrial” texnoparki davlat muassasasi direktori Ilhomxo’ja Nabiyev boshchiligidagi vakillarimiz Turkiyaning “Sarkuysan” kompaniyasi mutasaddilari bilan muzokara olib bordilar.

➡️ Uchrashuvda tomonlar o’zaro ma’lumot almashib, istiqbolli hamkorlik aloqalarini yo’lga qo’yish bo’yicha o’z fikrlarini bildirdilar.

🔔 BATAFSIL»

🇺🇿 Uz 🇷🇺 Рус 🇬🇧 En

📝Fb 📝 Tg 💻 In 🎞 Tube 🕊 Tw

➡️ #Turkiya #Invest_in_Uzbekistan

⚡️ Turkiyada "Invest in Uzbekistan" milliy mahsulotlar ko'rgazmasi ish boshladi

➡️ Davlatimiz rahbarining Turkiya Respublikasiga kutilayotgan rasmiy tashrifi oldida ushbu mamlakat poytaxti Anqara shahrida "Invest in Uzbekistan" milliy mahsulotlar ko'rgazmasi o'z ishini boshladi.

➡️ Ko'rgazmada yurtimizning boshqa sanoat sohalari qatori "O'zeltexsanoat" uyushmasi boshchiligidagi elektrotexnika sanoati korxonalari ham o'z mahsulotlarini namoyish qilmoqdalar.

➡️ Ushbu tadbir doirasida turkiyalik ishbilarmonlar, rasmiy shaxslar va ko'rgazma ishtirokchilari bilan uchrashuvlar o'tkazilib. hamkorlik aloqalarini rivojlantirish muhokama qilinmoqda.

📝Fb 📝 Tg 💻 In 🎞 Tube 🕊 Tw

➡️ #Turkiya #DAIICHI

🇹🇷 Turkiyaga tashrif: “DAIICHI Electronic” kompaniyasining yurtimizda avtomobillar uchun audio-radio qurilmalar ishlab chiqarish loyihasi muhokama qilindi

➡️Bugun Turkiyaning Anqara shahrida boʻlib oʻtgan O‘zbekiston-Turkiya biznes-forumi doirasida O‘zbekiston Respublikasi Bosh vazirining o‘rinbosari – iqtisodiyot va moliya vaziri Jamshid Qo‘chqorov, "Oʻzeltexsanoat" uyushmasi raisi Mirziyod Yunusov hamda Daiichi Electronics kompaniyasi rahbariyati o‘rtasida uchrashuv bo‘lib o‘tdi.

➡️Taʼkidlandiki, mamlakatimizda avtomobillar ishlab chiqarish, yangi quvvatlarni ishga tushirish hisobiga avtosanoat tarmog’ida elektrotexnika butlovchi qismlariga bo’lgan talab ortib bormoqda.

➡️“O’zeltexsanoat” uyushmasi ushbu yo’nalishda yangi investitsiya loyihalarni amalga oshirish bo’yicha yetakchi xorijiy kompaniyalar bilan muzokaralar o’tkazmoqda.

🇹🇷Bosh ofisi Turkiyaning Istanbul shahrida joylashgan “DAIICHI Electronic” kompaniyasi dunyo avtomobilsozlik sanoatiga elektronika tizimlari yetkazib beruvchi yetakchi kompaniyadir.

➡️2002-yilda tashkil etilgan kompaniya dunyoning yetakchi avtomobilsozlik kompaniyalari bilan hamkorlik qilib keladi. Xususan, Ford, Volkswagen, Mitsubishi, Hyundai, Suzuki, Fiat va boshqalar shular jumlasidan.

➡️Kompaniya Android va Bluetooth kabi eng so‘nggi smartfon ulanishlarini qo‘llab-quvvatlaydigan avtomobil ko‘ngilochar tizimlari bo‘yicha ilg‘or yechimlari bilan mashhur.

➡️Uchrashuv davomida avtomobillar uchun elektron komponentlar ishlab chiqarishni mahalliylashtirish, shuningdek, ushbu sohadagi hamkorlik istiqbollari muhokama qilindi.

📝Fb 📝 Tg 💻 In 🎞 Tube  🕊 Tw

➡️ #Turkiya #exhibition

⚡️ Turkiya hukumati a’zolari o’zbek elektrotexnika mahsulotlari bilan tanishdi

➡️ Xabaringiz bor, davlatimiz rahbari joriy yil 6-iyun kuni rasmiy tashrif bilan Turkiya Respublikasida bo’lib turibdi. Ushbu tashrif mobaynida ikki mamlakat yetakchilari ishtirokida Strategik hamkorlik kengashining uchinchi yig’ilishi bo’lib o’tishi belgilangan.

➡️ Tashrif doirasida ikki davlat rasmiy shaxslari, ishbilarmon doira vakillari o’rtasida hamkorlikni yangi bosqichga ko’tarish bo’yicha uchrashuv va muzokaralar bo’lib o’tmoqda.

➡️ “Invest in Uzbekistan” nomi ostida tashkil etilgan ko’rgazmada esa mamlakatmiz iqtisodiyoti, sanoati salohiyatini aks ettiruvchi mahsulotlar namoyish etilmoqda.

➡️ Yurtimiz elektrotexnika sanoati korxonalari tomonidan ishlab chiqarilayotgan keng assortimentdagi mahsulotlar joylashgan stend ko’rgazma ishtirokchilarida katta qiziqish uyg’otmoqda.

➡️ Kuni kecha, Turkiya Respublikasi vitse-prezidenti Javdat Yilmaz boshchiligidagi rasmiylar sanoatimizning boshqa sohalari qatori elektrotexnika sanoati stendi bilan yaqindan tanishdilar.

➡️ “O’zeltexsanoat” uyushmasi raisi Mirziyod Yunusov yuqori martabali mehmonlarga mamlakatimizda ishlab chiqarilayotgan elektrotexnika mahsulotlari, sohadagi ijobiy o’zgarishlar va o’zbek elektrotexnika sanoatining imkoniyatlari haqida batafsil ma’lumotlar berdi.

🔔 BATAFSIL»

🇺🇿 Uz 🇷🇺 Рус 🇬🇧 En

📝Fb 📝 Tg 💻 In 🎞 Tube 🕊 Tw

➡️ #Turkiya #Sarkuysan

🇺🇿🇹🇷 Turkiyaning eng yirik misni qayta ishlovchi "Sarkuysan" kompaniyasi bilan hamkorlik muhokama qilindi

➡️ Mamlakatimiz elektrotexnika sanoat rivojida yirik xalqaro kompaniyalar, tashkilotlar va davlatlar bilan hamkorlik aloqalarini yo'lga qo'yish "O'zeltexsanoat" uyushmasi faoliyatining asosiy yo'nalishlaridan biri hisoblanadi.

➡️ “O’zeltexsanoat” uyushmasi raisi Mirziyod Yunusov va “Eltech Industrial” texnoparki davlat muassasasi direktori Ilhomxo’ja Nabiyev boshchiligidagi vakillarimiz ayni kunlarda Turkiya Respublikasida bo'lib turibdilar.

➡️ Mazkur tashrif mobaynida bir qator yetakchi kompaniya va tashkilotlar bilan hamkorlik yuzasidan muzokaralar olib borilishi, tajriba almashish rejalashtirilgan.

➡️ Xususan, kuni kecha uyushma raisi boshchiligidagi mutasaddilarimiz Turkiyaning "Sarkuysan" kompaniyasiga tashrif buyurdilar. Tashrif davomida, mutasaddilarimiz "Sarkuysan" kompaniyasining ishlab chiqarish faoliyati bilan yaqindan tanishib, o'zaro tajriba almashdilar.

➡️ Kompaniya direktorlar kengashi raisi Hayrettin Çayci bilan bo'lib o'tgan uchrashuvda "O'zeltexsanoat" uyushmasi raisi yurtimizda misni qayta ishlash, ushbu yo'nalishda hukumatimiz tomonidan yaratilayotgan imkoniyatlar haqida batafsil ma'lumotlar berdi.

➡️ O'z navbatida, Hayrettin Çayci yurtimizda ushbu sohada amalga oshirilayotgan islohotlarga yuqori baho berib, hamkorlik qilishdan manfaatdor ekanligini ta'kidladi.

➡️ Uchrashuv yakunida, tomonlar O'zbekistonda misdan qo'shilgan qiymatli mahsulotlar ishlab chiqaruvchi qo'shma korxona tashkil etish bo'yicha dastlabki hisob-kitoblar ustida ishlovchi qo'shma ishchi guruh tuzishga kelishdilar.

🇹🇷1972-yilda tashkil etilgan “Sarkuysan” kompaniyasida bugungi kunda mingga yaqin xodim faoliyat yuritadi. Kompaniya elektrolitik mis mahsulotlari, mis quvurlar, mis shinalar, emallangan mis simlar va boshqa shu turdagi mahsulotlarni ishlab chiqarish bilan shug’ullanadi. Kompaniyaning yillik mahsulot ishlab chiqarish quvvati 220 ming tonnani tashkil etadi.

📝Fb 📝 Tg 💻 In 🎞 Tube 🕊 Tw