#hamkorlik #texnopark #rossiya #tatariston

🇺🇿🇷🇺ROSSIYANING SALOHIYATLI “ALABUGA” ERKIN IQTISODIY ZONASI BILAN HAMKORLIK O‘RNATILADI

✅Xabaringiz bor, o‘tgan hafta O‘zbekiston Respublikasi Hukumati delegatsiyasi Rossiya Federativ Respublikasiga tashrifi chog‘ida, bir qator tadbirlarda ishtirok etib, nufuzli kompaniya vakillari bilan ikki tomonlama hamkorlik bo‘yicha muzokaralar olib borilgan edi.

✅Delegatsiya tarkibida borgan “O‘zeltexsanoat” uyushmasi raisi o‘rinbosari Jahongir Jamalov va uyushmaning mas'ul xodimlari Rossiyaning yetakchi kompaniya vakillari bilan ham uchrashdilar.

🇷🇺Rossiyadagi barcha EIZlar umumiy daromadining 31 foizini, shuningdek, respublika sanoat-ishlab chiqarish daromadining 68 foizini tashkil qiluvchi Tatariston Respublikasida joylashgan “ALABUGA”maxsus erkin iqtisodiy zonasi mas'ul rahbari Pyotr Merabishvili bilan bo‘lib o‘tgan muzokaralar ancha samarali kechdi.

📝Bu yerda Uyushma boshqarma boshlig‘i E.Fayziyev, “Ohangaron Tech Industrial” texnoparki direktori J.Xitoyatovlar Toshkent viloyatida amalga oshirilishi rejalashtirilayotgan “HI-TECH” klaster loyihasi bo‘yicha taqdimot o‘tkazdilar. Shuningdek, o‘zaro hamkorlikni yo‘lga qo‘yish orqali Rossiyaning yuqori texnologik kompaniyalari bilan qo‘shma loyihalarni amalga oshirish, investitsiya loyihalarini imtiyozli moliyalashtirish va eksport salohiyatini yanada oshirish yuzasidan kelishib olindi.

⚙️Alabuga eng yaxshi muhandislik, qurilish, kadrlar va ijtimoiy infratuzilmani ta'minlovchi to'liq tsiklli hamkordir. EIZ hududida 30 dan ortiq noyob import o‘rnini bosuvchi sanoat korxonalari joylashgan bo‘lib, ular o‘z tarmoqlarida yetakchi hisoblanadi. Xususiy investitsiyalarning umumiy hajmi 162 milliard rublni tashkil etadi, 11 ming ish o'rni yaratildi. Rezidentlarning 2022-yildagi umumiy daromadi 130 milliard rubldan oshgan. Ushbu texnoparkda kasb-hunar kolleji va alohida oliy ta'lim muassasasi faoliyat yuritadi. Muhandislik sohasida kadrlar tayyorlash bo‘yicha “Alabuga” Rossiyada yetakchi hisoblanadi.

@uzeltexsanoat