➡️ #Xorazm #faoliyat #tanishuv

📣 XORAZM VILOYATIDAGI MAHALLIY KORXONALAR FAOLIYATI O'RGANILDI

✅ Yurtimiz elektrotexnika sanoati korxonalarining faoliyatini rivojlantirish, ularga ko'maklashish maqsadida "O'zeltexsanoat" uyushmasi raisi boshchiligidagi Ishchi guruhi respublika bo'ylab muntazam o'rganish ishlarini olib bormoqdalar.

✅ "O'zeltexsanoat" uyushmasi raisi Mirziyod Yunusov va rais o'rinbosari Jahongir Jamalovning Xorazm viloyatiga xizmat safari chogʻida viloyatdagi bir qator korxonalarning faoliyati o'rganildi.

✅ Xususan, Xorazm viloyati, Urganch shahrida joylashgan “Mega elektroapparat elektroshit” MCHJ korxonasining ishlab chiqarish jarayoni, faoliyatni kengaytirish va rivojlantirish rejalari bilan yaqindan tanishildi. Korxonada kuchlanish transformatorlarining metall qismlari, oʻramalari ishlab chiqariladi va tayyor mahsulotlarning yigʻuv ishlari olib boriladi.

✅ Ushbu korxonaning ishlab chiqarish hajmini 2023-yilda yiliga 2 ming donaga yetkazish rejalashtirilgan bo'lib, bunda uyushma har tomonlama ko'mak ko'rsatishga tayyorligi ta'kidlandi.

✅ Shu bilan birga, uyushma rahbariyati Xorazm viloyati, Qo'shko'pir tumanidagi "Led ultra energy" MChJ korxonasiga ham tashrif buyurdilar. Korxona 2023-yilda talab kuchli bo'lgan "AA" va "AAA" turdagi litiy-ion batareyalarini ishlab chiqarishni yo'lga qo'yadi. Bu borada korxona oldida turgan muammolarni bartaraf etish yuzasidan takliflar bildirildi hamda ishlab chiqarish salohiyatini yuksaltirishda Uyushma har tomonlama hamkorlik qilishga, ko'maklashishga tayyorligi aytildi.

✅ Ushbu korxonalarda ishlab chiqarilayotgan mahsulotlarni nafaqat ichki bozorga, qolaversa eksportga yoʻnaltirish rejalashtirilgan bo'lib, bu borada mavjud imkoniyatlardan foydalanib, qonunchilikdagi huquqiy kafolatlar xususida tadbirkorga tushuntirish berildi.

Ijtimoiy tarmoq sahifalarimiz:
🌐 Facebook 🌐 Telegram 🌐 Instagram 🔻 Youtube