➡️ #eksport #sertifikat #ce #yevropa

🟢 “VITECH” INFRAQIZIL ISITISH PANELLARI ANGLIYAGA EKSPORT QILINMOQDA

➡️ Kuni kecha “O’zeltexsanoat” uyushmasiga a’zo “Statura” MChJ korxonasi infraqizil isitish panellarini Yevropaga, shu jumladan Angliyaga eksport qilish maqsadida CE belgisidan (Conformité Européenne) foydalanish uchun xalqaro sertifikatga ega bo’ldi.

➡️ Endi mazkur sertifikat korxonaga “Vitech” brendi ostida ishlab chiqarilayotgan keng turdagi infraqizil isitish panellarini Yevropa bozorlariga eksport qilish imkonini beradi.

➡️ Korxona bosh iqtisodchisi Elyor Babayevning so’zlariga ko’ra, ayni paytda isitish panellarining birinchi partiyasi (720 dona) Angliyaga yuborilgan. Hozirda navbatdagi buyurtmani tayyorlash ishlari davom etmoqda.

📝Fb 📝 Tg 💻 In 🎞 Tube 🕊 Tw

➡️ #Artikul_Aziya #Sertifikat #BASEC

🟢 "Artikul Aziya Kabel" korxonasi Britaniya kabel sertifikatlash xizmatining "BASEC" sertifikatini qo'lga kiritdi

➡️ Ushbu sertifikat Yevropa va Osiyo mamlakatlari bilan eksport aloqalarini rivojlantirishda muhim omil boʻlib xizmat qiladi. Bu bilan korxona mahsulotlar sifatini oshirishga va “Artikul Aziya Kabel” brendining xorijiy mamlakatlarda munosib oʻrin egallashiga erishadi.

➡️ Bilamizki, Buyuk Britaniyaning kabel mahsulotlarini sertifikatlash xizmati (odatda “BASEC” nomi bilan tanilgan) akkreditatsiyadan oʻtgan mustaqil tashkilot hisoblanadi. Shuningdek, ushbu markaz Yevropadagi eng yirik ixtisoslashgan sinov laboratoriyalariga ham ega.

➡️ BASEC 1971-yilda tashkil etilgan va asosan kabel-sim mahsulotlarining barcha turlarini va boshqaruv tizimlari uchun sertifikatlash xizmatlarini taqdim etadi. Tashkilot butun dunyoda, jumladan, Afrika, Yaqin Sharq, Amerika, Osiyo va Yevropada oʻz faoliyatini olib boradi.

📝Fb 📝 Tg 💻 In 🎞 Tube 🕊 Tw

➡️ #sertifikat

⚡️ Elektrotexnika korxonalarida mahalliy tovar serifikatini berish yuzasidan uchrashuvlar tashkil etildi

➡️ O’zbekiston Respublikasi Vazirlar Mahkamasining 2024-yil 28-oktyabrda “Mahally ishlab chiqarilgan tovarlarni aniqlash tartibi to’g’risidagi nizomni tasdiqlash haqida”gi 712-sonli qarori qabul qilingan edi.

➡️ Mazkur qarorning 1-ilovasiga asosan, “Mahalliy ishlab chiqarilgan tovarlarni aniqlash tartibi to‘g‘risida”gi Nizom tasdiqlangan.

➡️ Ushbu Nizomga ko’ra, mahalliy ishlab chiqaruvchini aniqlash bo‘yicha ekspertiza o‘tkazish va sertifikat berish bo‘yicha “O‘zbekeskpertiza” AJ vakolatli organ etib tasdiqlangan.

➡️ Nizomning 2-ilovasiga asosan elektrotexnika sanoati mahsulotlari uchun mahalliy ishlab chiqarilgan tovar to‘g‘risidagi sertifikat asosida savdolarda qatnashish talablari 2025-yil 1-fevraldan boshlab majburiy etib belgilangan.

➡️ Shu munosabat bilan “O‘zeltexsanoat” uyushmasi va “O‘zbekeskpertiza” AJ mas’ullari bilan birgalikda ushbu masala yuzasidan mahalliy korxonalarga amaliy yordam ko’rsatish ishlarini olib bormoqdalar.

➡️ Xususan, joriy yil 25-yanvaridan boshlab uyushma mas’ul xodimlari “O‘zbekeskpertiza” AJ vakillari bilan birgalikda “PRO CAB”, “Texnopark”, “Techno Cable Group”, “Artikul Aziya Kabel”, “Toshelectroapparat”, “Best Mega Tech”, “Sun-Hightech”, “Manokip Zavodi”, “Samo Techno” kabi korxonalarda bo’ldilar.

➡️ Mazkur tashriflardan ko’zlangan maqsad korxonalarga mahalliy tovar sertifikatini olish bo’yicha amaliy yordam ko’rsatish, bu borada tavsiyalar berishdan iborat bo’ldi.

🔔 BATAFSIL»

🇺🇿 Uz 🇷🇺 Рус 🇬🇧 En

🌐 UZELTEXSANOAT | Telegram