➡️ #Surxondaryo #loyihalar

🟢 Surxondaryodagi yangi loyihalar holati o'rganilmoqda

➡️ Mamlakatimiz elektrotexnika sanoatining iqtisodiyotimizdagi ulushini ko'paytirish, yangi ish o'rinlari tashkil etish har tomonlama yangi loyihalarni amaliyotga joriy etishga bog'liq.

➡️ Bunda "O'zeltexsanoat" uyushmasi tomonidan yangi investitsiyalarni jalb etish hisobiga respublikamiz bo'ylab yangidan-yangi loyihalarning amalga oshirilishi jarayonlari o'rganiladi. Shuningdek ushbu loyihalarni amalga oshirishda vakolat doirasidagi amaliy va huquqiy yordamlar ko'rsatiladi.

➡️ Uyushma raisi Mirziyod Yunusov boshchiligidagi ishchi guruhi ayni damda Surxondaryo viloyatida amalga oshirilayotgan loyihalarning holatini o'rganmoqda.

➡️ Ishchi guruhi tashrif davomida "Smart Communication" MChJ tomonidan amalga oshirilayotgan "Tayyor elektrotexnika mahsulotlari logistika markazi va elektrotexnika mahsulotlari ishlab chiqarish" loyihasi doirasida amalga oshirilayotgan ishlar bilan yaqindan tanishdilar.

➡️ Loyihaning boshlang'ich ishlab chiqarish davrlarida oshxona dudbo'ronlari ishlab chiqarilishi ko'zda tutilgan.

➡️ Sariosiyo tumanida amalga oshirilayotgan, qiymati 122 mlrd so'm ($10 mln dollar) bo'lgan loyiha amalga oshirilishi orqali 93.5 mlrd so'mlik mahsulotlar ishlab chiqariladi.

➡️ Shu bilan birga 200 ta yangi ish o'rinlari yaratilib, byudjet 4.2 mlrd so'mlik qo'shimcha soliq tushumi bilan ta'minlanadi.

🇺🇿 Uz 🇷🇺 Рус 🇬🇧 En

📝Fb 📝 Tg 💻 In 🎞 Tube 🕊 Tw

➡️ #Mis_klasteri #loyihalar

🟢 “Mis klasteri”: Yangi loyihalar tashabbuskorlari bilan ochiq muloqot

➡️ Kuni kecha “O‘zeltexsanoat” uyushmasi raisi o‘rinbosari Jahongir Jamalov ishtirokida “Ohangaron Tech Industrial” texnoparki hududida yangi loyihalarni amalga oshirish istagida bo‘lgan tadbirkorlar bilan uchrashuv o‘tkazildi.

➡️ Ta’kidlandiki, bugungi kunda “Ohangaron Tech Industrial” texnoparkida umumiy qiymati $ 191 mln dollarlik 10 ta loyihani amalga oshirish ishlari davom etmoqda. Bunga qo‘shimcha ravishda, mis xomashyosidan yuqori qo‘shilgan qiymatli mahsulotlar ishlab chiqarish istagida bo‘lgan tadbirkorlar soni tobora ortmoqda va ular tomonidan yangi turdagi mahsulotlarni o‘zlashtirish bo‘yicha takliflar olinmoqda.

➡️ “O‘zeltexsanoat” uyushmasida bo‘lib o‘tgan uchrashuvda ham tadbirkorlar tomonidan taklif qilingan elektr uzatish liniyalari uchun metall konstruktsiya, maishiy texnikalar, stabilizatorlar, elektromobillar uchun quvvatlash uskunalari, yuqori va past voltaj elektr uskunalari hamda yangi avlod transformatorlarini ishlab chiqarish loyihalari muhokama qilindi.

🔔 BATAFSIL»

🇺🇿 Uz 🇷🇺 Рус 🇬🇧 En

📝Fb 📝 Tg 💻 In 🎞 Tube 🕊 Tw

➡️ #Navoiy #loyihalar

⚡️Navoiy viloyatida amalga oshirilayotgan yangi loyihalarning holati o'rganildi

➡️ Bir necha kun avval davlatimiz rahbari tomonidan elektrotexnika sanoatida ishlab chiqarish, eksport va investitsiya oqimini oshirish bo'yicha videoselektor yig'ilishi o'tkazilgan edi.

➡️ Ushbu yig'ilishda elektrotexnika sanoati iqtisodiyotimizning drayver tarmoqlaridan biriga aylanayotganligi aytib o'tildi. Shu bilan birga, davlatimiz rahbari bugungi natijalar bilan cheklanib qolmaslik, ishlab chiqarish va eksport hajmlarini oshirish bo'yicha mas'ullarga bir qator vazifalar berdilar.

➡️ Sohada ishlab chiqarish hajmlarini oshirish bo'yicha har bir hududda amalga oshirilayotgan yangi loyihalarning o'rni beqiyos. Navoiy viloyatida ham bugungi kunda 10 ga yaqin yangi loyihalarning qurilish, ishga tushirilish jarayonlari amalga oshirilmoqda.

➡️ "O'zeltexsanoat" uyushmasi mas'ul xodimlari mazkur loyihalarning borishini o'rganish maqsadida viloyatda xizmat safarida bo'ldilar.

➡️ Bugungi kunda Navoiy viloyatida amalga oshirilayotgan loyihalarning aksariyati quyidagilar:

💬 Navoiy shahrida - "Navpromlitmash" korxonasi tomonidan har xil turdagi filtr ishlab chiqarishni kengaytirish va modernizatsiya qilish;

💬 "Navoiy Elektroremont" korxonasi tomonidan yuqori kuchlanishli elektrodvigatellar ishlab chiqarish;

💬 Karmana tumanida - "Davud Karmana" korxonasi tomonidan har xil turdagi sovutgichlar, muzlatgichlar va uskunalar ishlab chiqarish;

💬 "UzEraeCable" korxonasi tomonidan dvigatel simlarini ishlab chiqarish;

💬 "Ihlas Elektrik" korxonasi tomonidan kabel-sim mahsulotlarini ishlab chiqarish;

💬 "Ihlas Elektrik" korxonasi tomonidan polipropilen va polietilendan quvur va fitinglar ishlab chiqarish.

➡️ Ushbu loyihalarning umumiy qiymati $ 20 mln dollarni, yaratiladigan yangi ish o'rinlari soni esa 225 tani tashkil etadi.

➡️ Uyushma mas'ullari ushbu loyihalarni o'rganish mobaynida korxonalar mutasaddilari bilan muloqot qilib, ularni qiynayotgan muammolarni o'rgandilar. Shuningdek, ushbu muammolarga birgalikda yechim topish borasida fikrlar almashildi.

➡️ Shuningdek, Prezidentimiz tomonidan joriy yil 5-sentyabr kuni o'tkazilgan videoselektor yig'ilishida bayon etilgan yangiliklar haqida ma'lumotlar berildi.

📝Fb 📝 Tg 💻 In 🎞 Tube 🕊 Tw

➡️ #Surxondaryo #loyihalar

⚡️ Hokim ishtirokida Surxondaryo viloyatidagi elektrotexnika sanoati loyihalari muhokama qilindi

➡️ Surxondaryo viloyati hokimi Ulug'bek Qosimov viloyatdagi investitsion loyihalarning amalga oshirilish jarayonlarini o'rgandi.

➡️ Boshqa tarmoqlar qatori elektrotexnika yo'nalishida viloyatda amalga oshirilayotgan loyihalar holati, ularni sifatli va o'z vaqtida amalga oshirish bo'yicha muhokamalar bo'lib o'tdi.

➡️ "O'zeltexsanoat" uyushmasi mas'ul xodimlari E.Fayziyev va F.Abdiraimovlar viloyat hokimligi rahbariyati vakillari va tadbirkorlar ishtirok etgan yig'lishda ushbu loyihalar haqida atroflicha ma'lumotlar berib o'tdilar.

➡️ Mazkur loyihalarni amalga oshirishda, rivojlantirishda tadbirkorlarga ko'mak ko'rsatish bo'yicha viloyat hokimi tomonidan mas'ul shaxslarga vazifalar yuklatildi.

➡️ Uyushma xodimlari respublikamizning barcha hududlarida soha korxonalarini qo'llab-quvvatlash, mavjud loyihalarning sifatli realizatsiyasini ta'minlash bo'yicha ishlarni davom ettiradilar.

➡️ Eslatib o‘tamiz, 5-sentyabr kuni Prezident raisligida o‘tkazilgan videoselektor yig‘ilishida hududlarda jami qiymati $500 mln dollarga yaqin 85 ta loyihalarni ishga tushirish belgilangan edi.

📝Fb 📝 Tg 💻 In 🎞 Tube 🕊 Tw

➡️ #Andijon #loyihalar

⚡️ Radiator va avtomobillar uchun multimedia tizimlari ishlab chiqarish loyihalari holati o’rganildi

➡️ Joriy yilning 5-fevral kuni “O’zeltexsanoat” uyushmasi raisi o’rinbosari Jahongir Jamalov boshchiligidagi ishchi guruh Andijon viloyatida xizmat safarida bo’ldi.

➡️ Mazkur tashrif doirasida amalga oshirilayotgan yangi loyihalar holati atroflicha o’rganildi.

➡️ Xususan, Ishchi guruh a’zolari Andijon tumanidagi “Nektar Agro” korxonasida bo’lib, umumiy qiymati $ 27 mln dollarlik loyihani ko’zdan kechirdilar.

➡️ Loyiha doirasida korxonada radiatorlar ishlab chiqarish yo’lga qo’yilmoqda.

➡️ Bunda ishlab chiqarish uchun korxona tomonidan asosiy texnologik uskunalar o’rnatilgan bo’lib, yuzlab yangi ishchi o’rinlari tashkil etilishi belgilangan.

➡️ Asaka tumanida joylashgan “ADM Electrics” korxonasi Ishchi guruhning navbatdagi manzili bo’ldi.

➡️ Korxona tomonidan umumiy qiymati $ 2 mln dollarlik antenna, signal hamda BL7 turidagi elektr o’tkazgich simlarini ishlab chiqarish loyihasi amalga oshirilmoqda.

➡️ Shu bilan birga korxona tomonidan sinov tariqasida avtomobillar uchun multimedia tizimlari ishlab chiqarilishi boshlangan.

➡️ Ushbu jarayonlar Ishchi guruh a’zolari tomonidan chuqur o’rganilib, korxonalar mutasaddilari bilan muhokamalar o’tkazildi.

🔔 BATAFSIL»

🇺🇿 Uz 🇷🇺 Рус 🇬🇧 En

🌐 UZELTEXSANOAT | Telegram

➡️ #Namangan #loyihalar

⚡️ Namangandagi investitsiya loyihalarining holati o'rganildi

➡️ Joriy yilning 18-fevral kuni "O'zeltexsanoat" uyushmasi raisi o'rinbosari Jahongir Jamalov boshchiligidagi ishchi guruh Namangan viloyatida xizmat safarida bo'ldi.

➡️ Mazkur tashrif doirasida Namangan viloyatidagi amalga oshirilayotgan investitsiya loyihalari holati atroflicha o'rganildi.

➡️ Xususan, Ishchi guruh a'zolari Davlatobod tumanidagi "Interior Mega Max" korxonasida bo'lib, umumiy qiymati $ 10 mln dollarlik loyihani ko'zdan kechirdilar.

➡️ Loyiha doirasida korxonada avtomobil yoritish chiroqlari ishlab chiqarish yo'lga qo'yilmoqda.

➡️ Bunda ishlab chiqarish uchun korxona tomonidan asosiy texnologik uskunalar o'rnatilgan bo'lib, yangi o'nlab ishchi o'rinlari tashkil etilishi belgilangan.

➡️ To'raqo'rg'on tumanida joylashgan "Plasterboard" korxonasi Ishchi guruhning navbatdagi manzili bo'ldi.

➡️ Korxona tomonidan umumiy qiymati $ 3 mln dollarlik elektr choynak ishlab chiqarish loyihasi amalga oshirilmoqda.

➡️ Ushbu jarayonlar Ishchi guruh a'zolari tomonidan chuqur o'rganilib, korxonalar mutasaddilari bilan muhokamalar o'tkazildi.

➡️ Bunda uyushma tomonidan loyihalarni amalga oshirishda vakolat doirasidagi ko'maklar ko'rsatilishi ta'kidlandi.

➡️ Shuningdek, korxonalarga sohaga oid qonunchilikdagi yangiliklar, yaratilayotgan yangi imkoniyatlar xususida batafsil ma'lumotlar berildi.

➡️ Uyushma mas'ullari tomonidan hududlarda amalga oshirilayotgan yangi loyihalar holatini o'rganish ishlari davom ettiriladi.

🌐 UZELTEXSANOAT | Telegram