➡️ #xalqaro_hamkorlik #Germaniya

✅ Hamkorlikning yangi ufqlari - "Germaniyaning xorijdagi savdo palatalari" (AHKs) tashkiloti

✅ Yurtimiz elektrotexnika sanoati rivojida xorijiy davlatlar, kompaniya va xalqaro tashkilotlar bilan hamkorlik qilish muhim o'rin egallaydi. Shu maqsadda, uyushma ma'sul xodimlari yangidan-yangi xalqaro hamkorlik aloqalari o'tkazish uchun doimiy harakatdalar.

✅ Kuni kecha, "O'zeltexsanoat" uyushmasi vakillari "Germaniyaning xorijdagi savdo palatalari" (AHKs) tashkilotining Markaziy Osiyo mintaqasi bo'yicha bosh direktori Atabek Alimjanov bilan uchrashuv o'tkazdilar.

✅ Uchrashuv mobaynida, ishtirokchilar Germaniya-O'zbekiston elektrotexnika sanoatidagi hamkorlik masalalari, aloqalarning yangi istiqbollari xususida muloqot olib bordilar. Bundan tashqari, Germaniyaning soha kompaniyalarini hamkorlikda ishlashga jalb qilishda ko'maklashish bo'yicha ham fikr almashildi.

✅ "Germaniyaning xorijdagi savdo palatalari (AHKs)" tashkiloti
butun dunyo bo'ylab o'z xorijiy biznesini yo'lga qo'ymoqchi yoki kengaytirmoqchi bo'lgan nemis kompaniyalariga maslahat beradigan, qo'llab-quvvatlaydigan va vakillik qiladigan tashkilot hisoblanadi. Tashkilotning asosiy vazifasi Germaniya tashqi savdosini rivojlantirishdir. Hozirda, tashkilotga 46 mingdan ortiq nemis kompaniyalari a'zo va uning 92 ta davlatda 150 ga yaqin vakolatxonalari mavjud.

Ijtimoiy tarmoq sahifalarimiz:
🌐 Facebook 🌐 Telegram 🌐 Instagram 🔻 Youtube

➡️ #Germaniya #elektrotexnika_sanoati

📣 GERMANIYA ELEKTROTEXNIKA SANOATIGA OID QIZIQARLI MA'LUMOTLAR

✅ Turli davlatlarning iqtisodiyoti, ayniqsa elektrotexnika sanoatiga oid qiziqarli ma'lumotlarni video va infografika shaklida e'tiboringizga havola etamiz.

✅ Ushbu media materiallar orqali siz Germaniya Federativ Respublikasi iqtisodiyoti va elektrotexnika sohasiga oid eng muhim quyidagi ma'lumotlarga ega bo'lasiz:

⚙️ Germaniya iqtisodiy ko'rsatkichlari

⚙️ Iqtisodiyotdagi drayver sohalar

⚙️ Elektrotexnika sanoati ko'rsatkichlari

⚙️ Xalqaro savdoda tutgan muhim o'rni va boshqalar

📝 Fb 📝 Tg 💻 Insta 🎞 Ytube 🌍 Site

➡️ #xalqaro_hamkorlik #Germaniya #biznes_forum

📣 Germaniya va O'zbekiston elektrotexnika korxonlari o'rtasida € 113.3 mln yevroga teng 9 ta hamkorlik kelishuvlari imzolandi

✅ Bugun Oʼzbekiston prezidenti Shavkat Mirziyoevning Germaniyaga tashrifi arafasida Berlin shahrida Oʻzbekiston-Germaniya biznes-forumi boʼlib oʼtdi. Unda ikki mamlakat 250 dan ortiq yirik kompaniyalari, banklari, davlat idoralari va sanoat birlashmalari rahbarlari ishtirok etdi.

✅ Iqtisodiyotimizning boshqa sohalari qatori "O'zeltexsanoat" uyushmasi raisi boshchiligidagi mutasaddilarimiz germaniyalik hamkorlar bilan yangi 113.3 mln yevroga teng 9 ta kelishuv va hamkorlik shartnomalarini imzoladilar.

✅ Ushbu kelishuvlarning 7 tasi investitsiyaviy, 2 tasi eksport xarakteriga ega. Bunda, 35 mln yevrolik mahsulotlar Germaniyaga eksport qilinadi, 78.3 mln yevrolik investitsiya loyihalari hamkorlikda amalga oshiriladi.

✅ Ushbu kelishuvlarga ko'ra, uyushmaga a'zo "O'zelektroapparat-Elektroshit", "Texnopark", "Gierus", "Next Generation Product", "Vades Group", "Uzkabel, "United Cable-Co", "Procab", "Akfa engineering and management" korxonalari va Germaniyaning "Siemens AG", "Diehl Metering", TEC-Components", "Gierus", "Enertech", "Viessmann Werke", "Infineon Technologies", "Niehoff", "Leoni", "Garden Dreams International", RBB aluminium Vertrip", "Benkam Europe" kompaniyalari hamkorlik qiladilar.

✅ 2023-2026-yillar oralig'ida realizatsiyasi amalga oshiriladigan ushbu hamkorlik loyihalari rivojlanib borayotgan mamlakatimiz iqtisodiyoti uchun yangi kuch va energiya sifatida xizmat qiladi. Texnologiyalar sohasida nafaqat Yevropada balki butun dunyoda yetakchi davlatlardan biri bo'lgan Germaniya bilan sohadagi hamkorlik, yurtimiz elektrotexnika sanoati rivojida ulkan ahamiyat kasb etadi.

📝 Fb 📝 Tg 💻 Insta 🎞 Ytube 🌍 Site

➡️ #xalqaro_hamkorlik #Germaniya

📣 Germaniyaning "Mangold Consulting" kompaniyasi rahbari va "O'zeltexsanoat" uyushmasi raisi o'rtasida uchrashuv bo'lib o'tdi.

✅ "O'zeltexsanoat" uyushmasi boshqaruv raisi Mirziyod Yunusov boshchiligidagi vakillarimiz ayni vaqtda mamlakatimiz delegatsiyasi tarkibida Germaniya Federativ Respublikasida bo'lib turibdi.

✅ Kuni kecha bo'lib o'tgan biznes-forum doirasida erishilgan yangi hamkorlik kelishuvlarini imzolash marosimidan so'ng, uyushma raisi Germaniyaning "Mangold Consulting" kompaniyasi raisi Klaus Mangold bilan uchrashdi.

✅ Uchrashuvda hamkorlik qilishning quyidagi yo'nalishlari muhokama qilindi:

➡️ O'zbek kompaniyalarini Yevropa hamda Germaniyadagi yetakchi kompaniyalarning ta'minot zanjiriga qo'shilishi;

➡️ Ohangaronda Mis klasterini rivojlantirishda Germaniya kompaniyalarini hamkorlikka jalb etish;

➡️ Germaniya-O'zbekiston elektrotexnika sanoatlari o'rtasidagi hamkorlik aloqalarini yangi bosqichga olib chiquvchi qoʻshma loyihalarni hamkorlikda yaratish.

✅ O'zaro samimiy muloqot ruhida kechgan uchrashuvda Klaus Mangold uyushmaning yurtimiz elektrotexnika sanoatini rivojlantirishdagi sayi-harakatlarini yuqori baholashini ta'kidlab, teng manfaatli yangi hamkorlik aloqalarini yo'lga qo'yilishi muhimligini bildirdi.

📝 Fb 📝 Tg 💻 Insta 🎞 Ytube 🌍 Site

➡️ #xalqaro_hamkorlik #Germaniya #muzokara

📣 "O'zeltexsanoat" uyushmasi va "Mercedes-Benz" kompaniyasi o'rtasida muzokaralar bo'lib o'tdi

✅ "O'zeltexsanoat" uyushmasi "Marketing va tashqi iqtisodiy aloqalar" boshqarmasi ma'sul xodimlari, uyushmaga a'zo "Trust electronics", "Mega Electrokabel" korxonalari va Germaniyaning "Mercedes-Benz" kompaniyasi vakillari o'rtasida videokonferensaloqa formatidagi uchrashuv bo'lib o'tdi.

✅ Uchrashuvda uyushma mutasaddilari, xorijiy kompaniya vakillariga uyushmaning faoliyati, maqsadi, unga a'zo korxonalar, yurtimiz elektrotexnika sanoatiga oid eng so'nggi yangiliklar va faktlar bo'yicha taqdimot qildilar.

✅ "Mercedes-Benz" kompaniyasi vakillari avtomobil ishlab chiqarishda mis-sim va butlovchi qismlarga katta ehtiyojlari borligini, bu borada hamkorlik aloqalari o'rnatish bo'yicha muzokaralar olib borishga tayyor ekanliklarini ta'kidladilar.

✅ Uchrashuv so'nggida, xorijiy kompaniya vakillariga uyushma korxonalarida ishlab chiqarilayotgan mahsulotlar kesimidagi ma'lumotlar jo'natilishi va shu asosda navbatdagi muzokaralar tashkillashtirilishi belgilandi.

📝 Fb 📝 Tg 💻 Insta 🎞 Ytube 🌍 Site

➡️ #Germaniya #PTB

⚡️ "O‘zeltexsanoat" uyushmasi va Germaniyaning PTB instituti elektrotexnika sohasida sifatni oshirish bo‘yicha hamkorlikni kengaytiradi

➡️ “O‘zeltexsanoat” uyushmasi vakillari Germaniyaning nufuzli Fizika-texnika instituti (PTB) bilan uchrashuv o‘tkazib, O‘zbekiston elektrotexnika sanoati korxonalari bilan hamkorlikni kengaytirish masalalarini muhokama qildilar.

➡️ Uchrashuv davomida biznes subyektlari duch kelayotgan dolzarb muammolarni hal etish va milliy sifat infratuzilmasi doirasida ko‘rsatilayotgan xizmatlar sifatini oshirish masalalariga alohida e’tibor qaratildi.

➡️ Tomonlar standartlashtirish, metrologiya, muvofiqlikni baholash institutlari kuchini birlashtirish orqali elektrotexnika sanoatini har tomonlama qo‘llab-quvvatlash zarurligini ta’kidladilar.

➡️ Shuningdek, uchrashuvda elektrotexnika sohasida sifatni oshirishga qaratilgan “Calidena” metodologiyasini joriy etish masalasi ham muhokama qilindi.

➡️ Mazkur yondashuv sanoat korxonalariga milliy sifat infratuzilmasining imkoniyatlaridan samarali foydalanish, mahsulot raqobatbardoshligini oshirish va xalqaro talablar darajasiga moslashishda muhim vosita sifatida e’tirof etildi.

➡️ Tomonlar hamkorlikni mustahkamlash va loyiha doirasida belgilangan tashabbuslarni bosqichma-bosqich amalga oshirish bo‘yicha aniq qadamlarni belgilashga tayyor ekanliklarini bildirdilar.

🌐 UZELTEXSANOAT | Telegram