➡️ #YTTB #hamkorlik

⚡️ Yevropa tiklanish va taraqqiyot banki bilan elektrotexnika sanoatini rivojlantirish muhokama qilindi

➡️ 2025-yil 12-iyun kuni “O‘zeltexsanoat” uyushmasida uyushma raisi Mirziyod Yunusov hamda rais o‘rinbosari Jahongir Jamalov Yevropa tiklanish va taraqqiyot bankining (YTTB) Markaziy Osiyo bo‘yicha mintaqaviy rahbari Almaz Toygonboyev boshchiligidagi delegatsiya bilan muzokaralar o‘tkazdi.

➡️ Uchrashuvda YTTB banki tomonidan O‘zbekiston elektrotexnika sanoati korxonalari tomonidan yangi mahsulotlarni ishlab chiqarishni kengaytirish hamda faoliyatini kengaytirishga qaratilgan loyihalari uchun imtiyozli moliyaviy resurslar ajratishga tayyorlik bildirildi.

➡️ Shu maqsadda bank mutaxassislari tomonidan korxonalarning moliyaviy va texnik jihatdan talabga muvofiqligi o‘rganilishi, ekspertlar korxonalar bilan joylarda ishlashi belgilandi. Eng samarali va eksportbop korxonalar saralab olinib, ularga moliyaviy ko‘mak ko‘rsatilishi ta'kidlandi.

➡️ Shuningdek, muzokaralar davomida kadrlar tayyorlash, ularning malakasini oshirish, eksportga chiqayotgan korxonalarning sertifikatlash jarayonlarini qo‘llab-quvvatlash, hamda yangi mahsulot ishlab chiqarishda sertifikat olish bo‘yicha grant mablag‘lari ajratish imkoniyatlari ham muhokama qilindi.

➡️ Ma’lumot uchun: YTTB bugungi kungacha O‘zbekistonda 170 dan ortiq loyihalarni umumiy qiymati $5,2 milliard dollardan ziyod mablag‘ bilan moliyalashtirib, sanoat tarmoqlarining modernizatsiyasi va eksport salohiyatini oshirishga katta hissa qo‘shib kelmoqda.

➡️ Mazkur uchrashuv ikki tomonlama hamkorlikda yangi bosqichni boshlab berib, elektrotexnika sohasining barqaror o‘sishi va raqobatbardoshligini oshirishga qaratilgan muhim tashabbus bo‘ldi.

🇷🇺 Рус 🇬🇧 En

🌐 UZELTEXSANOAT | Telegram

➡️ #TDTU #kafedra

⚡️ "O‘zeltexsanoat" uyushmasi huzuridagi kafedra filialida bitiruvchilar malakaviy ishlarini himoya qildi

➡️ Bugun “O‘zeltexsanoat” uyushmasi huzuridagi "Eltech-malaka" o'quv markazida tashkil etilgan Islom Karimov nomidagi Toshkent davlat texnika universitetining “Raqamli elektronika va mikroelektronika” kafedrasi filialida bitiruvchi bosqich talabalarining bitiruv malakaviy ishlari himoyalari bo‘lib o‘tdi.

➡️ Tadbirda “O‘zeltexsanoat” uyushmasi raisi Mirziyod Yunusov, Toshkent davlat texnika universiteti rektori Sadritdin Turabdjanov universitet professor-o'qituvchilari, soha korxonalari vakillari va talabalar ishtirok etdi.

➡️ Talabalar o‘z bitiruv malakaviy ishlari doirasida ishlab chiqqan startap loyihalari, yangi texnik ishlanmalar va amaliy ixtirolarini taqdim etdi. Har bir loyiha sohaga ixtisoslashgan mutaxassislar tomonidan baholanib, kelajakda ularni ishlab chiqarishga joriy etish bo‘yicha takliflar bildirildi.

➡️ Uyushma raisi Mirziyod Yunusov esa o‘z nutqida bitiruv ishlari va texnologik ishlanmalari yuqori baholangan talabalarni har tomonlama qo‘llab-quvvatlash, ularning ishlarini yanada rivojlantirish hamda amaliyotga joriy qilinishida ko‘maklashishga tayyorligini alohida ta’kidladi.

➡️ Mazkur kafedra filialining ochilishi orqali “tarmoq–korxona–oliygoh” tamoyili asosida kadrlar tayyorlashning amaliy samaradorligi ortib borayotganining yaqqol isboti sifatida baholandi. Talabalar universitetda olgan nazariy bilimlarini uyushma tizimidagi korxonalar bazasida mustahkamlab, real ishlab chiqarish sharoitlarida qo‘llash imkoniyatiga ega bo‘lmoqda.

➡️ Shu bilan birga, universitet rektori Sadritdin Turabdjanov kafedra filialida yaratilgan sharoitlar, o‘quv-amaliy jarayonlarning sifati hamda yurtimiz elektrotexnika sanoatidagi so‘nggi yutuqlar bilan yaqindan tanishdi.

➡️ Ushbu yo‘nalishda kafedra filialining faoliyati nafaqat bilim, balki amaliyot bilan integratsiyalashgan ta’lim tizimini yaratish yo‘lidagi muhim qadam bo‘lib xizmat qilmoqda.

🇷🇺 Рус 🇬🇧 En

🌐 UZELTEXSANOAT | Telegram