➡️ #Qatar #exhibition

⚡️ “O‘zeltexsanoat” uyushmasi boshchiligidagi elektrotexnika sanoati korxonalari "Project Qatar" ko‘rgazmasidagi ishtirokini boshladi

➡️ Bugun, 26-may kuni, Qatar davlatining Doha shahrida qurilish va infratuzilma yo‘nalishida mintaqaning eng nufuzli tadbirlaridan biri — “Project Qatar 2025” xalqaro ko‘rgazmasi o‘z ishini boshladi.

➡️ Mazkur ko‘rgazmada “O‘zeltexsanoat” uyushmasi boshchiligidagi elektrotexnika sanoatining ilg‘or korxonalari “Made in Uzbekistan” brendi ostidagi markazlashgan stend orqali o‘z mahsulot va imkoniyatlarini namoyish etmoqda.

➡️ Ushbu nufuzli ko‘rgazmani ochib berish uchun tashrif buyurgan Qatar hukumati rasmiylari yurtimiz elektrotexnika mahsulotlari joylashgan stendlar bilan yaqindan tanishib, ularga yuqori baho berdilar.

➡️ Tadbir doirasida xorijiy kompaniyalar bilan o‘zaro hamkorlik uchrashuvlari, savdo muzokaralari va eksport shartnomalariga erishilishi rejalashtirilmoqda.

➡️ “Project Qatar” ko‘rgazmasi har yili yuzlab kompaniyalarni, minglab tashrif buyuruvchilarni bir joyga jamlab, global infratuzilma va qurilish tarmoqlaridagi innovatsiyalarni targ‘ib etuvchi yetakchi maydonlardan biri sanaladi.

➡️ Ko‘rgazma jarayonlari haqida batafsil ma’lumotlarni sahifamiz orqali bosqichma-bosqich yoritib boramiz.

🌐 UZELTEXSANOAT | Telegram

➡️ #Kooperatsiya #Dongfang

⚡️ Xitoyning yirik energetika investori “Dongfang Electrical Corporation” vakillari bilan navbatdagi uchrashuvlar bo‘lib o‘tdi

➡️ Bugun, “O‘zeltexsanoat” uyushmasi mas'ullari tashabbusi bilan “Uzkabel” AJ va “Procab” MCHJ QK korxonalarida Xitoyning “Dongfang Electrical Corporation” kompaniyasining MDH (MDH – Mustaqil Davlatlar Hamdo‘stligi) bo‘yicha vakili janob Wu Hao ishtirokida navbatdagi uchrashuvlar tashkil etildi.

🔹 “Dongfang Electrical Corporation” – xalqaro miqyosda tan olingan, energetika infratuzilmasini barpo etishga ixtisoslashgan yirik kompaniya bo‘lib, bugungi kunda Masdar, ACWA Power, China Datang, China Huadian Overseas kabi global miqyosdagi investorlarga Bosh pudratchi sifatida xizmat ko‘rsatmoqda.

➡️ Uchrashuv davomida kompaniya tomonidan O‘zbekiston hududida amalga oshirilayotgan va rejalashtirilayotgan qator strategik loyihalar muhokama qilindi. Jumladan:

✅ Toshkent viloyati, Bo‘ka tumanida quvvati 320 MW bo‘lgan quyosh elektr stansiyasi qurilishi;

✅ Qashqadaryo viloyati, G‘uzor tumanida 300 MW quvvatdagi quyosh elektr stansiyasi loyihasi;

✅ Buxoro viloyati, Olot tumanida 150 MW quvvatga ega energiya saqlash tizimi;

✅ Shamol va gidro elektr stansiyalari qurilishiga oid istiqbolli loyihalar.

➡️ Uchrashuvda asosiy e’tibor mazkur loyihalarda foydalaniladigan kabel-sim mahsulotlarini O‘zbekistonning mahalliy elektrotexnika korxonalaridan kooperatsiya asosida xarid qilish masalasiga qaratildi.

➡️ Bu orqali nafaqat mahsulot yetkazib berish bo‘yicha yangi hamkorlik yo‘lga qo‘yiladi, balki elektrotexnika sanoatining salohiyati va mahalliylashtirish ko‘rsatkichlari ham sezilarli darajada oshadi.

➡️ Tomonlar o‘rtasida mahsulot turlari va texnik parametrlar yuzasidan fikr almashinuvi asosida muzokaralar olib borilib, yaqin kunlarda amaliy kelishuvlarga erishish bo‘yicha o‘zaro manfaatli takliflar bildirildi.

➡️ Xorijiy yirik kompaniyalar bilan bunday strategik aloqalar elektrotexnika sanoatining yirik loyihalarda faol ishtirokini ta’minlashga xizmat qilmoqda.

🌐 UZELTEXSANOAT | Telegram