➡️ #Gruziya #hamkorlik

⚡️ “O‘zbekiston–Gruziya” biznes forumida elektrotexnika sanoati bo'yicha taqdimot qilindi

➡️ 2025-yil 21-may kuni Toshkent shahrida Gruziya Savdo-sanoat palatasi prezidenti G.Pertaya boshchiligidagi ishbilarmon doira vakillaridan iborat delegatsiya tashrifi doirasida “O‘zbekiston–Gruziya” biznes forumi hamda ikki tomonlama uchrashuvlar bo‘lib o‘tdi.

➡️ Mazkur forumda “O‘zeltexsanoat” uyushmasi raisi o‘rinbosari Faridun Abdualimov ishtirok etdi va elektrotexnika sanoatining jadal rivojlanayotgan yo‘nalishlari, investitsiya imkoniyatlari hamda Gruziya bilan hamkorlik qilish istiqbollari yuzasidan taqdimot qildi.

➡️ Taqdimot davomida Gruziya davlatining “10 yillik (2024-2034) energetika tarmog'ini rivojlantirish rejasi” doirasida modernizatsiya qilinayotgan Enguri, Nenskra, Adjaristsqali, Khudoni va Namakhvani, gidroenergetika inshootlarida mahalliy elektrotexnika soha korxonalarining o'z mahsulotlari bilan ishtiroki bo'yicha takliflar berildi.

➡️ Hozirda ushbu mahalliy korxonalar respublikada "Masdar", "Acwa Power", "Intesca Industrial", "Calik Enerji", "China Energy Engineering Corporation" and "China Gezhouba Group Investment Company" kabi kompaniyalar tomonidan amalga oshirilayotgan yirik loyihalarda ishtirok etib kelmoqdalar va katta tajribaga egadirlar.

➡️ Tadbir doirasida Gruzin ishbilarmon doira vakillari bilan B2B uchrashuvlar ham o‘tkazildi. Tomonlar o‘zaro qiziqish uyg‘otgan yo‘nalishlarda hamkorlik masalalarini muhokama qilib, istiqbolli tashabbuslar yuzasidan fikr almashdilar.

➡️ Shu kabi tadbirlar ikki mamlakat o‘rtasida sanoat hamkorligining yangi ufqlarini ochishga xizmat qilishi kutilmoqda. Bu esa do‘stona aloqalarni yanada mustahkamlab, hamkorlikdagi ezgu niyatlarni amalga oshirishga zamin yaratadi.

🌐 UZELTEXSANOAT | Telegram

➡️ #eksport #Tojikiston

⚡️ "Sam-Ferre" korxonasi Tojikistonga 2000 dona vitrinali sovutkichlar eksport qildi

➡️ “O‘zeltexsanoat” uyushmasiga a’zo bo‘lgan “Sam-Ferre” kompaniyasi o‘zining eksport salohiyatini izchil kengaytirib bormoqda. Joriy yil boshidan to hozirgi kunga qadar korxona tomonidan ishlab chiqarilgan 2000 dona vitrinali muzlatkich Tojikistonga yetkazib berildi. Bu mahsulotlar Tojikistonning yirik kompaniyalari — “Coca-Cola”, “Pepsi” va boshqa sanoat korxonalariga yetkazilgan.

➡️ Yil yakuniga qadar Tojikistonga yana 8000 dona vitrinali sovutkichlar eksport qilish rejalashtirilgan.

➡️ Korxonaning ishlab chiqarish va rejalashtirish bo'yicha direktori Atajan Najmeddinovning so'zlariga ko'ra, 2024-yilda korxonaning umumiy eksport ko'rsatkichi $ 6mln dollarni tashkil etgan bo'lsa, shundan $ 2 mln dollari aynan Tojikistonga qilingan eksport hajmini ifodalaydi.

➡️ Umuman olganda, “Sam-Ferre” kompaniyasining 2025-yil yakunidagi umumiy eksport ko‘rsatkichlari $10 million dollarni tashkil etishi reja qilingan. Shundan $3,5 million dollari Tojikiston Respublikasi xissasiga to'g'ri keladi.

➡️ Kompaniya mahsulotlarining Tojikiston bozorida yuqori talabga ega bo‘lishi, eng avvalo, ularning yuqori sifati, hamyonbopligi va xalqaro standartlarga to‘liq javob berishi bilan bog‘liq. Shuningdek, “Sam-Ferre” korxonasi qo‘shni mamlakatlarga nisbatan barqaror va samarali eksport siyosatini yo‘lga qo‘ygan.

➡️ Hozirda korxona gaz plitalari, dudbo‘ronlar va boshqa turdagi maishiy texnika mahsulotlari bo‘yicha ham eksport hajmini kengaytirish, xususan, yangi eksport shartnomalarini imzolash ustida faol ish olib bormoqda.

➡️ “O‘zeltexsanoat” uyushmasi tarkibidagi ilg‘or sanoat korxonalaridan biri sifatida “Sam-Ferre” o‘z mahsulotlari bilan nafaqat mahalliy, balki xalqaro bozorlarda ham raqobatbardoshligini namoyon etib kelmoqda.

🌐 UZELTEXSANOAT | Telegram