➡️ #Rossiya #hamkorlik

⚡️ "O‘zeltexsanoat" uyushmasida Rossiya Savdo vakolatxonasi vakillari bilan uchrashuv bo‘lib o‘tdi

➡️ Joriy yilning 16 may kuni “O‘zeltexsanoat” uyushmasida Rossiya Federatsiyasining O‘zbekiston Respublikasidagi Savdo vakolatxonasi vakillari hamda uyushma raisi Mirziyod Yunusov ishtirokida uchrashuv bo‘lib o‘tdi.

➡️ Uchrashuvda Rossiya tomonidan Savdo vakili K.Zligostev boshchiligidagi delegatsiya vakillari ishtirok etdilar. Tashrifdan ko‘zlangan asosiy maqsad – ikki mamlakat o‘rtasida elektrotexnika sanoati yo‘nalishida o‘zaro hamkorlik imkoniyatlarini kengaytirish, ishlab chiqarish va savdo aloqalarini mustahkamlashdan iborat bo‘ldi.

➡️ Muzokaralar davomida tomonlar Rossiyaning elektrotexnika sohasida faoliyat yurituvchi yetakchi kompaniyalarini O‘zbekistonga jalb qilish, ularning Toshkent viloyatida joylashgan “Eltech Industrial” texnoparkida joylashtirish masalalarini muhokama qildilar.

➡️ Shuningdek, ikki tomonlama tovar ayirboshlash hajmlarini oshirish, O‘zbekistonga Rossiya kapitali ishtirokidagi investitsion loyihalarni jalb qilish va texnologik hamkorlikni yo‘lga qo‘yish istiqbollari yuzasidan fikr almashildi.

➡️ Mazkur uchrashuv O‘zbekiston va Rossiya o‘rtasidagi sanoat-innovatsion hamkorlikni yangi bosqichga olib chiqishga yordam berishi ta'kidlandi. Tomonlar kelgusida ham izchil va amaliy sheriklikni rivojlantirishga tayyor ekanliklarini bildirdilar.

🌐 UZELTEXSANOAT | Telegram

#Eron #hamkorlik

"O‘zeltexsanoat" uyushmasida Eronning “Iran Transfo” kompaniyasi vakillari bilan uchrashuv bo‘lib o‘tdi

➡️ “O‘zeltexsanoat” uyushmasida Eronning energetika sohasida faoliyat yurituvchi yetakchi kompaniyalaridan biri — “Iran Transfo” vakillari bilan uchrashuv boʻlib oʻtdi. Delegatsiyaga kompaniyaning O‘zbekistondagi vakili Muhammad Reza Jafari boshchilik qildi.

➡️ Uchrashuvda uyushma raisi o‘rinbosari Faridun Abdualimov xorijiy mehmonlar bilan muzokaralar olib bordi. Tomonlar o‘rtasidagi muloqot davomida yurtimizda yangi turdagi kuchlanish qurilmalarini ishlab chiqarish bo‘yicha Eron kompaniyasi tomonidan ilgari surilgan loyihaviy takliflar muhokama qilindi.

➡️ Shuningdek, bu mahsulotlarni mahalliylashtirish, texnologik yechimlarni joriy etish hamda qo‘shma ishlab chiqarish quvvatlarini tashkil etish imkoniyatlari yuzasidan ham atroflicha fikr almashildi.

➡️ Uchrashuv davomida “O‘zeltexsanoat” uyushmasi vakillari mehmonlarga O‘zbekistonda elektrotexnika sanoatini rivojlantirish uchun yaratilgan qulay investitsion muhit, infratuzilmaviy imkoniyatlar va davlat tomonidan ko‘rsatilayotgan qo‘llab-quvvatlash choralari haqida batafsil ma’lumot berdilar.

➡️ Tashrif yakunida “Iran Transfo” vakillari mazkur muzokaralarda ilgari surilgan takliflarni chuqur tahlil qilishlari, ichki muhokamadan so‘ng loyiha bo‘yicha yakuniy qarorlarini taqdim etishlarini bildirdilar.

➡️ Mazkur uchrashuv Eron va O‘zbekiston o‘rtasidagi sanoat kooperatsiyasini chuqurlashtirish, yuqori texnologiyali mahsulotlar ishlab chiqarish va innovatsion loyihalarni amalga oshirishda muhim bosqich sifatida baholanmoqda.


🌐 UZELTEXSANOAT | Telegram

➡️ #Shanghai_Mitsubishi #TEXNOPARK

⚡️ O‘zbekistonda "Shanghai Mitsubishi" liftlari ishlab chiqariladi

“O‘zeltexsanoat” uyushmasiga a’zo bo‘lgan TEXNOPARK korxonasi va dunyoga mashhur "Shanghai Mitsubishi Elevator" o‘rtasidagi 5 yillik samarali hamkorlik yangi bosqichga ko‘tarildi.

TEXNOPARK korxonasi va "Shanghai Mitsubishi" kompaniyasi o‘rtasida o‘zaro anglashuv to‘g‘risidagi Memorandum imzolandi. Bu hujjat doirasida 2025–2028-yillar mobaynida "Shanghai Mitsubishi" brendi ostida mahalliylashtirilgan 500 dona lift ishlab chiqarish rejalashtirilmoqda.

Innovatsion texnologiyalar, xalqaro standartlar va milliy salohiyatni uyg‘unlashtirgan ushbu hamkorlik sanoat raqobatbardoshligini oshirish, ichki bozorni to‘liq ta’minlash va eksport geografiyasini kengaytirishga xizmat qiladi.

"Shanghai Mitsubishi" singari yirik xalqaro brendlarning O‘zbekistonda faoliyat yuritishi — bu mamlakatimizda shakllanayotgan zamonaviy va ishonchli biznes muhitining yorqin dalilidir.

“O‘zeltexsanoat” uyushmasi TEXNOPARK kompaniyasi jamoasini ushbu muhim bosqich bilan tabriklaydi va kelgusi ishlarida muvaffaqiyat tilaydi.

Ma'lumot o'rnida: TEXNOPARK hududida yiliga 4000 dona lift ishlab chiqarish quvvatiga ega zamonaviy zavod faoliyat yuritmoqda. AKFA BUILD va OSTEN brendlari ostida ishlab chiqarilayotgan liftlar xalqaro talablar asosida, Yevropa Ittifoqining 2014/33/EU direktivasiga muvofiq CE sertifikatiga ega.

🌐 UZELTEXSANOAT | Telegram