Ҳудудларда 22 март - “Маҳалла тизими ходимлари куни” муносабати билан соҳа ходимларининг байрам тадбирлари ўтказилди.

Хусусан, Андижон вилоятидаги 909 та маҳаллада ҳам сана муносабати билан байрам тадбирлари кўтаринки кайфиятда нишонланди.

Шунингдек, Марҳамат туманидаги “Хўжаариқ” маҳалласи ҳудудида жойлашган “Хўжаботмон” зиёратгоҳида ҳам юқори савияда ўтказилди.

Ушбу тадбирда маҳалла вакиллари, туман сектор рахбарлари, ҳоким ёрдамчилари, нуронийлар, ёшлар етакчилари, хотин-қизлар фаоллари иштирок этиб, байрам муносабати билан дастурхон ёзилди.

Тадбирда вилоят прокурори Сирожиддин Эшқувватов иштирок этиб, соҳа ходимларини маҳалла институтининг жамиятимиз ижтимоий-маънавий ҳаётида тутган ўрни ҳақида алоҳида тўхталиб, самимий тилакларини билдирди ва байрам билан табриклади.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | YouTube | Facebook

Термиз ҳарбий прокуратураси ташаббуси билан Ҳайробод гарнизонида жойлашган ҳарбий қисмларини бирида Жанубий оператив қўмондонлиги, Сариосиё тумани Фавқулодда вазиятлар, Қўриқлаш бўлимлари ва Ўзбекистон Республикаси Ветеран жангчи фахрий ва ногиронлар бирлашмаси Сурхондарё вилояти Сариосиё тумани бўлими билан ҳамкорликда ёшларни ватанпарварлик руҳида тарбиялаш мақсадида "Очиқ эшиклар куни" ўтказилди.

Тадбир доирасида ёшларга қурол аслаҳалар, ўт ўчирувчи воситалар кўргазмаси, қўл жанги саҳна чиқишлари ташкил этилиб, ёшларга ҳарбий қисм ҳарбий хизматчиларга яратилган шарт шароитлар билан таништирилди.

Шу билан бирга, кўзларида шижоат ёнган эртамиз эгалари бўлган 60 нафар "Ватан таянчи" болалар ва ўсмирлар ҳарбий-ватанпарварлик ҳаракатининг Сариосиё тумани аъзоларига кўкрак нишони ва гувоҳномалар тантанали равишда топширилди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | YouTube | Facebook