ឯកឧត្តម នាយឧត្តមសេនីយ៍ សៅ សុខា ប្រធានសហព័ន្ធកីឡាបាល់ទាត់កម្ពុជា បានជួបសំណះសំណាលជាមួយមន្រ្តី និងក្រុមជម្រើសជាតិកម្ពុជា នៅព្រឹកថ្ងៃសៅរ៍ ទី១៤ ខែធ្នូ ឆ្នាំ២០២៤។ ខ្លឹមសារ ស្មារតីនៃជំនួបសំណះសំណាលមានដូចខាងក្រោម៖

១. ក្រុមជម្រើសជាតិកម្ពុជានៅសល់ពីរប្រកួតទៀតនៅក្នុងពូលរបស់ខ្លួន ក្នុងការប្រកួតពានរង្វាន់ ASEAN Mitsubishi Electric Cup™ 2024។ ហើយឱកាសសម្រាប់ឡើងទៅវគ្គបន្ត គឺយើងនៅមាននៅឡើយ ដូច្នេះឆន្ទៈនៅក្នុងការត្រៀម ហ្វឹកហ្វឺនសម្រាប់ការប្រកួតដណ្តើមយកលទ្ធផលល្អ និងជ័យជម្នះជូនជាតិ ភារកិច្ចនេះក្រុមជម្រើសជាតិកម្ពុជា នៅតែមានឆន្ទៈមុះមុតបន្ត។

២. ជាមួយនឹងការបន្តទៅមុខរបស់ក្រុមជម្រើសជាតិកម្ពុជា ដោយបញ្ហារបួស កីឡាករ ២នាក់នឹងត្រូវអវត្តមាន
- កីឡាករ កាន់​ ម៉ូ ក្រោយពីទទួលបានការព្យាបាល ‌‌ឥឡូវកំពុងស្ថិតនៅក្រោមការតាមដានស្ថានភាពបន្តចំនួន​ ១សប្ដាហ៍ទៀត នៅប្រទេសសិង្ហបុរី។
- កីឡាករ គឹម សុខយុទ្ធ ស្ថានភាពរបួសសរសៃពួរ ត្រូវការពេលសម្រាកព្យាបាលចំនួន ៣ខែ និងត្រូវត្រលប់ទៅក្លិបបាល់ទាត់ខ្លួនវិញសម្រាប់ការព្យាបាលបន្ត។

៣. ចំពោះករណីដែលបានកើតឡើង ហើយមើលទៅមានភាពមិនប្រក្រតីខុសពីធម្មតា សម្រាប់ការប្រកួតកន្លងមក សហព័ន្ធកីឡាបាល់ទាត់កម្ពុជា​បានសហការជាមួយអាជ្ញាធរមានសមត្ថកិច្ច បានបើកការស៊ើបអង្កេតអំពីករណីនោះហើយ ដើម្បីជម្រះនូវមន្ទិលសង្ស័យដែលមាន។ ចំពោះមន្រ្តី និងកីឡាករទាំងអស់ ដែលស្មោះត្រង់ និងមិនពាក់ព័ន្ធ គឺគ្មានអ្វីត្រូវព្រួយបារម្ភចំពោះសុច្ចរិតភាពរបស់ខ្លួនឡើយ។

៤. ដើម្បីប្រមូលផ្ដុំ និងប្រមូលអារម្មណ៍ឡើងវិញជាធ្លុងមួយ ដោយមិនមានការរំខានពីកត្តាខាងក្រៅ​ ក្រុមជម្រើសជាតិកម្ពុជានឹងបន្តហ្វឹកហាត់ដោយបិទទ្វារ រហូតដល់ការហ្វឹកហាត់ផ្លូវការ និងការប្រកួតតែម្ដង។

"ទាំងអស់គ្នាដើម្បីកម្ពុជា"

Credit: FFC 🇰🇭

#FootballFederationofCambodia #FFC
#TogetherforCambodia #Camfootball1933 #Cambodia #meeting #ffcpresident

ឯកឧត្តម នាយឧត្តមសេនីយ៍ សៅ សុខា ប្រធានសហព័ន្ធកីឡាបាល់ទាត់កម្ពុជា បានជួបសំណះសំណាលជាមួយមន្រ្តី និងក្រុមជម្រើសជាតិកម្ពុជា នៅព្រឹកថ្ងៃអាទិត្យ ទី២២ ខែធ្នូ ឆ្នាំ២០២៤ ក្រោយបញ្ចប់ភារកិច្ចក្នុងព្រឹត្តការណ៍ ASEAN Mitsubishi Electric Cup™ 2024។ ដោយមើលពីការខិតខំប្រឹងប្រែង និងកម្រិតនៃការលេងរបស់ក្រុមជម្រើសជាតិកម្ពុជាប្រសើរជាងមុន សហព័ន្ធកីឡាបាល់ទាត់កម្ពុជា ក្រុមហ៊ុន វឌ្ឍនៈ ប្រ៊ូវើរី និងសប្បុរសជន បានឧបត្ថម្ភដល់ក្រុមជម្រើសជាតិកម្ពុជា​ ជាទឹកប្រាក់ក្នុងម្នាក់ចំនួន ១,០០០ដុល្លារ ដើម្បីលើកទឹកចិត្ត ទោះបីជាមិនបានឡើងទៅវគ្គបន្ទាប់ក៏ដោយ។ បន្ថែមពីនេះ ដោយបានពិនិត្យមើលនៅក្នុងការពង្រឹងក្រុមជម្រើសជាតិកម្ពុជា​នៅពេលអនាគត ក៏បានលើកឡើងនូវគោលបំណងដែលនឹងត្រូវអនុម័តក្នុងមហាសន្និបាតសហព័ន្ធកីឡាបាល់ទាត់កម្ពុជានៅដើមឆ្នាំ ២០២៥ គឺការបែងចែកចំណូលពីការលក់សំបុត្រនៃការប្រកួតក្នុងទឹកដីទាំងអស់ បន្ទាប់ពីទូទាត់ចំនាយនៃការរៀបចំការប្រកួត និងបង់ពន្ធជូនរាជរដ្ឋាភិបាលរួច ទឹកប្រាក់សល់ពីនោះនឹងធ្វើការបែងចែកជា ៤ផ្នែកដូចខាងក្រោម៖

១. ចំណូល ២៥% ផ្ដល់ជូនកីឡាករ និងក្រុមការងារគ្រូបង្វឹកនៃក្រុមជម្រើសជាតិកម្ពុជា
២. ចំណូល ២៥% ផ្ដល់ជូនក្លិបបាល់ទាត់ដែលមានកីឡាករជាប់ជម្រើសជាតិក្នុងព្រឹត្តិការណ៍
៣. ចំណូល ២៥% សម្រាប់ការថែទាំសុខភាព និងសុខុមាលភាពរបស់កីឡាករ
៤. ចំណូល ២៥% សម្រាប់សហព័ន្ធកីឡាបាល់ទាត់កម្ពុជា ចំនាយទៅលើការអភិវឌ្ឍបាល់ទាត់។

"ទាំងអស់គ្នាដើម្បីកម្ពុជា"

Credit: FFC 🇰🇭

#FootballFederationofCambodia #FFC
#TogetherforCambodia #Camfootball1933 #Cambodia #meeting #ffcpresident

រូបភាពខ្លះៗនៃ កិច្ចប្រជុំពិភាក្សាស្តីពី សកម្មភាពរបស់អ្នកគាំទ្រ ការសហការផ្លាស់ប្តូរមតិយោបល់ក្នុងន័យកែលម្អ ដើម្បីជំរុញបង្កើនប្រសិទ្ធភាពនៃការចូលរួមគាំទ្រឲ្យកាន់តែល្អប្រសើរ។ ⚽️🇰🇭

ដោយមានការអញ្ចើញចូលរួមផ្ទាល់ពីលោក. Peter Koo (នាយកគ្រប់គ្រង) នៃខេមបូឌានព្រីមៀរលីគ ជាមួយនឹងការអញ្ជើញកាន់ប្រធានក្រុមអ្នកគាំទ្រ ក្លឹបបាល់ទាត់ទាំង១១។

នៅថ្ងៃ​ពុធ​ ទី០៩ ខែមេសា ២០២៥ | វេលាម៉ោង ១៤:០០ រសៀល នៅការិយាល័យរបស់ខេមបូឌានព្រីមៀរលីគ

"លីគខ្លាំង, ជម្រើសជាតិខ្លាំង"
- - - - - - - - - - -
Photos of the Ultra fan leader meeting, where we will be gathering feedback and suggestions. This meeting aims to foster collaboration between the Cambodian Premier League and the clubs, focusing on enhancing and developing each football club in the upcoming 2025/26 season. ⚽️🇰🇭

With the direct participation of Mr. Peter Koo (General Manager) of the Cambodian Premier League with an invitation to the Ultra Fans team leader of the 11 football clubs.

Wednesday, April 9, 2025 | 2:00 PM at the Cambodian Premier League office.

"Strong League, Strong National Team"

CPL Telegram: t.me/thecpl2024 ✅

#CPL #CAMBODIANPREMIERLEAGUE #FFC #Cambodia #Football #UtraFans #TeamLeader #Meeting