#Округ_матбуот_маркази

Марказий сайлов комиссияси раиси Сурхондарёда

Марказий сайлов комиссияси раиси Зайниддин Низамходжаев Ўзбекистон Республикаси Президенти сайловини ўтказувчи 9-Сурхондарё сайлов округи ҳудудида жорий йилнинг 9 июль куни мамлакатимизда бўлиб ўтадиган муҳим сиёсий кампанияга кўрилаётган тайёргарлик ишлари билан танишди.

9-Сурхондарё сайлов комиссияси аъзолари билан бўлиб ўтган учрашувда комиссия раиси А.Хўжақулов сайловга кўрилаётган ҳозирлик жараёнлари, округ ва сайлов участкаларида яратилган шароитлар ҳақида атрофлича маълумот берди.

Учрашувда З.Низамходжаев сайловга кўрилаётган тайёргарлик ишларига юқори баҳо бериб, сайлов участкаларини жиҳозлаш ва сайловчиларга зарур қулайликлар яратишнинг ўрни, сектор тизимида ташкил этилаётган ўқув-семинарларнинг сиёсий кампанияга пухта тайёргарлик кўриш ва уни юксак савияда ўтказишдаги аҳамияти тўғрисида фикр алмашди. Комиссия аъзолари учун округда яратилган шарт-шароитларни кўздан кечириб, таклиф ва тавсияларини билдирди.

#Округ_матбуот_маркази

Халқаро кузатувчилар Сурхондарёда

Европада хавфсизлик ва ҳамкорлик ташкилоти Демократик институтлар ва инсон ҳуқуқлари бўйича бюросининг халқаро кузатувчилари Сайнхуу Гандолгар (Монголия) ва Гадбильон Венсан (Франция) муддатидан илгари Ўзбекистон Республикаси Президенти сайловига кўрилаётган тайёргарлик ишлари билан танишиш учун Сурхондарё вилоятига келди.

Халқаро кузатувчилар 9–Сурхондарё округ сайлов комиссиясида бўлиб, комиссия раиси, комиссия котиби ва аъзолари билан ўзаро суҳбатлашди. Бюронинг сайловни кузатиш миссияси роли, мақсад ва вазифалари, режалаштирилган фаолияти ҳақида сўз юритди.

Учрашувда округ сайлов комиссияси раиси А.Хўжақулов комиссия аъзоларининг таркиби ва вазифалари, айни кунларда сайлов участкаларида амалга оширилаётган ишлар билан таништирди. Халқаро кузатувчиларни қизиқтирган саволларга жавоб берилди.

Сайнхуу Гандолгар ва Гадбильон Венсан округда яратилган шароитларни кўздан кечирди.

🌐 https://t.me/AOKA_Surxondaryo

#Округ_матбуот_маркази

Округ комиссияси йиғилишида муҳим масалалар муҳокама этилди

Ўзбекистон Республикаси Президенти сайловини ўтказувчи 9–Сурхондарё округ сайлов комиссиясининг навбатдаги йиғилиши бўлиб ўтди.

Комиссия раиси А.Хўжақулов бошқариб борган йиғилишда вилоят ИИБ миграция ва фуқароликни расмийлаштириш бошқармаси, Рақамли технологиялар вазирлиги вилоят ҳудудий шуъбаси бошлиқлари ва Давлат кадастрлар палатаси вилоят бошқармаси бошлиғи ўринбосарининг Президент сайловига кўрилаётган тайёргарлик ишлари юзасидан ҳисоботи тингланди.

Йиғилишда шунингдек, “Сайлов блюттенларини давлат тили ва округ аҳолисининг кўпчилиги сўзлашадиган тилларда чоп этиш тўғрисида”ги, “Участка сайлов комиссиялари раиси ўринбосари, котиблари, ва аъзоларини сайловга тайёргарлик кўриш ва уни ўтказиш даврида ишлаб чиқариш ёки хизмат вазифаларини бажаришдан озод этиш тўғрисида”ги масалалар ҳам муҳокама этилди.

Кўрилган барча масалалар юзасидан тегишли қарорлар қабул қилинди.

🌐 https://t.me/AOKA_Surxondaryo

#Округ_матбуот_маркази

Сурхондарёда сайлов юксак савияда ўтади

Муддатидан илгари Ўзбекистон Республикаси Президенти сайловини ўтказувчи 9-Сурхондарё округ сайлов комиссиясининг матбуот марказида навбатдаги матбуот анжумани бўлиб ўтди.

Марказий ва маҳаллий оммавий ахборот воситалари вакиллари иштирок этган тадбирда округ сайлов комиссияси раиси Абдисалом Хўжақулов жорий йил 9 июль куни бўлиб ўтадиган сайловга тайёргарлик ва 28-5 июль кунлари ўтказилган муддатидан олдин овоз бериш якунлари ҳақида маьлумот берди.

Матбуот анжумани якунида Марказий сайлов комиссиясидан аккредитациядан ўтган бир гуруҳ журналистларга гувоҳнома ва сайлов жараёнларини ёритиш бўйича амалий қўлланма топширилди. Иштирокчиларни қизиқтирган саволларга атрофлича жавоб берилди.

🌐 https://t.me/AOKA_Surxondaryo

#Округ_матбуот_маркази

Халқаро кузатувчилар 9– Сурхондарё округ сайлов комиссиясида бўлди

Мамлакатимизда эртага бўлиб ўтадиган муддатидан илгари Ўзбекистон Республикаси Президенти сайловини кузатиш учун Сурхондарё вилоятига келган нуфузли халқаро ташкилотларнинг узоқ ва қисқа муддатли кузатувчилари муҳим сиёсий тадбирга кўрилган тайёргарлик жараёнлари билан яқиндан танишмоқда.

Бугун шведциялик Анна Енарссон ва германиялик Мичаил Вахлен Ўзбекистон Республикаси Президенти сайловини ўтказувчи 9– Сурхондарё округ сайлов комиссиясида бўлиб, комиссия раиси А. Хўжақулов ва ўринбосари Р.Тўраевлар билан суҳбатлашди.

Кузатувчиларга сайловга тайёргарлик кўриш ва уни очиқ, ошкора ўтказиш бўйича амалга оширилган ишлар ҳақида атрофлича маълумот берилди. Меҳмонлар округ комиссияси аъзоларининг сайлов кунги иш режалари билан қизиқди.

Округда яратилган замонавий шароитлар билан танишди. Сайловга тайёргарлик жараёнлари ва округ жойлашган бинодаги шароитларга юқори баҳо берди.

🌐 https://t.me/AOKA_Surxondaryo

#Округ_матбуот_маркази

Президент сайловини ўтказувчи 9-Сурхондарё сайлов округи ҳудудидаги сайлов участкаларида сайлов жарёнлари якунига етиб, белгиланган тартиб ва низом асосида саноқ ишлари олиб борилмоқда.

🌐 https://t.me/AOKA_Surxondaryo

📲 Telegram | Facebook | Web-site