🗣Pedagogika va psixologiya kafedrasi professor-o‘qituvchilari Qurbon hayiti arafasida ezgu tashabbus bilan chiqishdi

⏺ Qurbon hayiti munosabati bilan yurtimizda mehr-oqibat, saxovat kabi ezgu qadriyatlar keng targ‘ib etilmoqda. Ushbu xayrli kunlar arafasida Pedagogika va psixologiya kafedrasi professor-o‘qituvchilari tomonidan ezgu tashabbus amalga oshirildi.

⏺ Kafedra jamoasi Termiz shahridagi "Baynalminal" mahallasida istiqomat qiluvchi ehtiyojmand oilalar holidan xabar olib, ularga moddiy va ma’naviy yordam ko‘rsatdi. Tashrif chog‘ida oila a’zolari bilan suhbatlar o‘tkazilib, ularga bayram munosabati bilan oziq-ovqat mahsulotlari, gigiyena vositalari topshirildi.

⏺Bu kabi xayrli ishlar nafaqat ijtimoiy birdamlikni mustahkamlashga, balki yoshlarda mehr-oqibat, insonparvarlik va ijtimoiy mas’uliyat tuyg‘ularini rivojlantirishga ham xizmat qiladi.

🇺🇿Termiz shahar hokimligi Axborot xizmati

✅Kanalga ulanish: https://t.me/termizshh
Telegram | YouTube | Facebook | Web-site | Twitter | Instagram

🗣DXX kubogi musobaqasining Termiz shahar bosqichi gʻoliblarini taqdirlash marosimi boʻlib oʻtdi

⏺Termiz shahrida sport va sog‘lom turmush tarzini keng targ‘ib qilish, yoshlar o‘rtasida vatanparvarlik tuyg‘usini yuksaltirishga qaratilgan Davlat xavfsizlik xizmati kubogi uchun o‘tkazilgan musobaqalarning shahar bosqichi o‘z yakuniga yetdi.

⏺Musobaqada ishtirok etgan jamoalar o‘zaro kuch sinashib, sportga bo‘lgan ishtiyoq, jismoniy tayyorgarlik va yuksak intizom orqali ko‘plab tomoshabinlarga unutilmas taassurotlar ulashdi.

⏺Yakuniy natijalarga ko‘ra, o‘zining jamoaviy uyg‘unligi, chaqqonligi va g‘alabaga bo‘lgan intilishi bilan ajralib turgan jamoalar faxrli o‘rinlarni egallab, diplom, kubok hamda esdalik sovg‘alari bilan taqdirlandi.

⏺Taqdirlash marosimida shahar hokimi Sh.Lolayev so’zga chiqib, musobaqaning yoshlar o‘rtasida sog‘lom raqobat muhitini shakllantirish, ularni huquqbuzarlik va salbiy illatlardan asrashdagi ahamiyatini alohida ta’kidladilar.

⏺Ushbu musobaqa Termiz shahridagi yoshlarda sportga bo‘lgan qiziqishni oshirish, jismoniy tarbiya va harbiy-vatanparvarlik ruhini kuchaytirishga xizmat qilmoqda.

⏺Gʻolib jamoalar endilikda viloyat bosqichida ishtirok etish huquqini qo‘lga kiritishdi. Ularga kelgusi bosqichda ham omad va zafarlar tilaymiz!

🇺🇿Termiz shahar hokimligi Axborot xizmati

✅Kanalga ulanish: https://t.me/termizshh
Telegram | YouTube | Facebook | Web-site | Twitter | Instagram

🗣Vohamizning barcha hududlarida Qurbon hayitining birinchi kuni shodu xurramlik va shukronalik kayfiyatida boshlandi.

⏺Muborak kunning erta tongidan viloyatimizdagi 133 ta jome masjidlarida hayit namozi o‘qildi. Unda 195 mingdan ortiq namozxon saodatli kun ibodatini ado etdi. Xususan, Termiz shahridagi Hakim Termiziy jome masjidi ham erta tongdan yurtdoshlarimiz bilan gavjum bo‘ldi.

⏺Qurbon hayiti namozini ado etish uchun kelgan musulmonlar tinch-osuda va farovon hayotga shukrona aytib, elimizga tinchlik-xotirjamlik, omonlik, qut-baraka tilab duoga qo‘l ochdi.

⏺Shuningdek, xayru-saxovat ayyomida viloyatimizning shahar va tumanlarida ko‘makka muhtoj, kam ta’minlangan, boquvchisini yo‘qotgan oilalar, yakka yolg‘iz keksalar, uyda yotib qolgan bemorlar holidan xabar olinib, oziq-ovqat mahsulotlari hamda bayram sovg‘alari yetkazib berilmoqda.

🇺🇿Termiz shahar hokimligi Axborot xizmati

✅Kanalga ulanish: https://t.me/termizshh
Telegram | YouTube | Facebook | Web-site | Twitter | Instagram