🗣So‘nggi kunlarda ijtimoiy tarmoqlarda Termiz shahar “Tuproqqo‘rg‘on” mahallasi, “Boboqo‘rg‘on” ko‘chasida joylashgan kanalizatsiya tarmog‘i bilan bog‘liq nosozliklar keng jamoatchilik e’tiboriga tushib, muhokamalarga sabab bo‘ldi.

⏺Mazkur holatni bartaraf etish maqsadida mutasaddi tashkilotlar tomonidan joyiga chiqqan holda o‘rganish ishlari olib borildi. Fuqarolar tomonidan ko‘tarilgan masala befarq qoldirilmadi — aniqlangan texnik nosozliklar yuzasidan zudlik bilan chora-tadbirlar ko‘rildi. Qisqa vaqt ichida mavjud muammolar bartaraf etilib, hududda toza va xavfsiz muhit tiklandi.

⏺Aholining kundalik hayoti va sanitariya-gigiyena talablari inobatga olingan holda, tegishli xizmatlar tomonidan kanalizatsiya tizimining ishlash samaradorligi tiklandi. Nosoz joylar ta'mirlanib, atrof muhitda tozalik va tartib-intizom ta'minlandi.

⏺Shu o‘rinda, mahallalarda yuzaga kelgan muammolarni o‘z vaqtida ko‘tarib chiqayotgan, ularni ijtimoiy tarmoqlar orqali keng jamoatchilik muhokamasiga olib chiqayotgan faol fuqarolar, blogerlar va jamoatchilik vakillariga minnatdorchiligimizni bildiramiz. Bunday fuqarolik pozitsiyasi har bir masalani tezkor hal qilishga, hamkorlik ruhida ishlashga turtki bo‘lmoqda.


🇺🇿Termiz shahar hokimligi Axborot xizmati

✅Kanalga ulanish: https://t.me/termizshh
Telegram | YouTube | Facebook | Web-site | Twitter | Instagram