Аҳоли томонидан электр энергиясидан оқилона фойдаланиш - давр талаби

Энергия самарадорлигини ошириш, энергия тежовчи технологиялар ва қайта тикланувчи энергия манбаларини кенг жорий этиш, иқтисодиёт тармоқлари ва ижтимоий соҳанинг энергия сарфи ҳажмини кескин камайтириш борасидаги ишларни комплекс ташкил этиш, ёқилғи-энергетика ресурсларидан оқилона ва самарали фойдаланиш давр талаби ҳисобланади.

Президентимининг “2023 йилда қайта тикланувчи энергия манбаларини ва энергия тежовчи технологияларни жорий этишни жадаллаштириш чора-тадбирлари тўғрисида”ги қарорига асосан Сурхондарё вилоятида шу кунга қадар 2 040 та аҳоли хонадонларига қуввати 4,67 МВт қуёш панеллари ўрнатилган бўлиб, июль ойининг ўзида 37 900 кВт/соат электр энергияси ишлаб чиқарилди. Шундан қайта тикланувчи энергия манбаларидан электр энергияси ишлаб чиқиб, ўз эҳтиёжидан орттириб электр тармоғига 1 907 кВт/соат электр энергия узатилган.

Электр энергияси – бир вақтнинг ўзида ишлаб чиқариладиган ва истеъмол қилинадиган маҳсулот тури ҳисобланади. Электр энергиясидан оқилона ва самарали фойдаланиш учун қуйидагилар амалга ошириш керак. Телевизор, компьютер бошқарув пултидан ўчирилганда, унинг фақатгина экрани ўчиб, уларнинг ичидаги бошқа асосий электр энергиясини истеъмол қилувчи схемалар ишлаб туради. Бу эса уларни бошқарув пултидан ўчирилганда ҳам электр энергияси истеъмол қилади дегани. Шу сабабли, улардан фойдаланмаган вақтда уни “розетка”дан узиб қўйинг.

Ўтказилган ўрганишлар шуни кўрсатдики, телевизорни фойдаланилмай турганда, уни “розетка”дан узиб қўйиш натижасида 1 ойда ўртача 20 кВт соат электр энергиясини иқтисод қилиш мумкин экан. Ҳар бир саноат ва ишлаб чиқариш корхоналарнинг технологик жараёнларида иштирок этадиган электродвигателлар узоқ йиллар давомида маънан ва жисмонан эскириши, бир неча маротаба таъмирдан чиқарилиши натижасида уларнинг фойдали иш коэффициенти камайиб боради. Яъни ушбу двигателлар томонидан ишлаб чиқарилаётган бир бирлик маҳсулот учун сарфланаётган электр энергияси миқдорини ортишига сабаб бўлади.

Бу ўз навбатида, ишлаб чиқарилган маҳсулотнинг нархини ортишига олиб келади. Ҳар бир саноат ва ишлаб чиқариш корхоналарнинг технологик жараёнларида иштирок этадиган электродвигателлар узоқ йиллар давомида маънан ва жисмонан эскириши, бир неча маротаба таъмирдан чиқарилиши натижасида уларнинг фойдали иш коэффициенти камайиб боради. Буни олдини олиш учун ушбу электродвигателларни замонавий, энергия тежамкор, фойдали иш коэффициенти юқори бўлган янги электродвигателларга алмаштирилиши лозим.

Чўғланма лампаларни ишлаш принципи чўлғамининг қизиши натижасида ўзидан ёруғлик чиқаришига асосланган. Шу сабабли, улар томонидан истеъмол қилинган энергиянинг 95 фоизгача бўлган қисми, иссиқлик энергиясига айланиб исроф бўлади. “Светодиод” лампалар чўғланма лампаларга нисбатан 6,6 маротаба (яъни 85 фоиз) кам электр энергиясини истеъмол қилади.

Шу жумладан, 1 дона қуввати 7 Вт бўлган “светодиод” лампалардан фойдаланиш натижасида, қуввати 100 Вт бўлган чўғланма лампага нисбатан 1 йилда ўртача 400 кВт соат электр энергияси ёки 118 000 сўм маблағ тежалади.

“Светодиод” лампаларни хизмат кўрсатиш муддати чўғланма лампаларга нисбатан камида 15 марта кўп.

Бир хонадонда куз-қиш мавсуми давомида қаттиқ турдаги ёки табиий газдан фойдаланилмасдан ўзбошимчалик билан 1 дона қуввати 2,2 кВт бўлган қўлбола электр иситиш печидан иситиш мақсадида фойдаланилганда ўртача 9500 кВт соат электр энергияси ёки 2 млн 800 минг сўм маблағ сарфланади.

Сурхондарё вилояти ҳокимлиги Матбуот хизмати

Каналга уланиш: t.me/axborot_xizmati
Telegram | Facebook | Instagram | YouTube | Web-site

Сурхондарё вилояти делегацияси Хитойда

Сурхондарё вилояти ҳамда Хитой Халқ Республикасининг Пекин шаҳри, Хэйлунцзян ва Урумчи провинциялари ўртасида ташқи савдо алоқаларини ривожлантириш, ҳудуднинг иқтисодий салоҳиятини намойиш этиш, инвестиция ва туризмга оид тақдимотлар ўтказиш мақсадида вилоят делегацияси Хитой давлатига жўнаб кетган эди.

Сурхондарё вилояти ҳокимлиги Ахборот хизмати раҳбари Муродбек Давлатовнинг маълум қилишича, вилоят ҳокимининг биринчи ўринбосари, ҳокимлар ҳамда 20 нафардан ортиқ салоҳиятли тадбиркорлардан иборат делегация бугун Пекин шаҳрига етиб борган. Вакилларимиз айни чоғда Хейлунцзян провинциясининг Харбин шаҳрида бўлиб туришибди.

18 августга қадар давом этадиган ташриф давомида қатор расмий учрашувлар, ҳудудлараро ҳамкорлик истиқболларига бағишланган форумларда қатнашиш, ишбилармон доира вакиллари билан мулоқотлар ўтказиш, йирик корхоналарнинг ишлаб чиқариш жараёнлари билан танишиш, маҳсулотлар ва савдо кўргазмасида иштирок этиш режалаштирилган.

🌐 https://t.me/AOKA_Surxondaryo

⚡️ Термиз агротехнологиялар ва инновацион ривожланиш институтига ректор тайинланди

Термиз агротехнологиялар ва инновацион ривожланиш институтининг ректори вазифасини бажарувчи Жўраев Абдуғаффор Сафарович ҳукуматнинг 2023 йил 14 августдаги 383-сон қарори билан расман лавозимга тайинланди.

Маълумот учун, Абдуғаффор Жўраев 1968  йилнинг 3 майида Денов туманида туғилган. 1991 йилда Тошкент халқ хўжалиги институти (ҳозирги Тошкент давлат иқтисодиёт университети)ни тамомлаган. Иқтисод фанлари доктори, профессор.

Фаолияти давомида Сурхондарё вилояти Давлат солиқ бошқармаси бошлиғи ўринбосари, Вазирлар Маҳкамаси етакчи ва бош мутахассиси, Сирдарё вилояти Давлат солиқ бошқармаси бошлиғи бўлиб ишлаган.

Шунингдек, Тошкент молия институтида факультет декани, Тошкент давлат аграр университети Термиз филиали директори лавозимларида ҳамда 2022 йилдан буён Термиз агротехнологиялар ва инновацион ривожланиш институти ректори  вазифасини бажарувчи лавозимида фаолият кўрсатган.

🌐 https://t.me/AOKA_Surxondaryo