Пойтахтимизда “Заковат” ўйини бўйича I Осиё очиқ чемпионати бўлиб ўтмоқда

Йирик халқаро интеллектуал турнирда бутун дунёдан йиғилган энг кучли билимдонлар ўзаро беллашув олиб бормоқда. Хусусан, турнирда 14та давлатдан 55 та жамоа иштирок этмоқда.

Иштирокчилар Ўзбекистон, Россия, Исроил, Кипр, Германия, Арманистон, Қозоғистон, Беларус, БАА, Латвия, Дания, Туркманистон, Қирғизистон, Тожикистон каби давлатлардан ташриф буюрган. Турнир доирасида жамоалар “Заковат” ўйинининг спортча версияси ҳамда Брейн-ринг ўйини бўйича беллашишмоқда.

Ташкилотчиларнинг қайд этишича,  
“Заковат” ўйинининг спортча версиясида ғолиб жамоалар қуйидаги миқдорда тақдирланади, жумладан,  
1-ўрин: 100 миллион сўм;
2-ўрин: 60 миллион сўм;
3-ўрин: 40 миллион сўм.

Брейн-ринг ўйинида зафар қучган жамоага махсус тайёрланган I Осиё очиқ чемпионати кубоги топширилади.

Турнирнинг тантанали ёпилиш маросими бугун, 13 август куни соат 20:00да “Ўзбекфильм” павильонида бўлиб ўтади.

🌐 https://t.me/AOKA_Surxondaryo

Сурхондарё вилоятида мактабларнинг янги ўқув йилига тайёргарлик ҳолати

Вилоятда жами 965 та таълим муассасаси, хусусан, 935 та умумтаълим мактаби, 7 та ихтисослаштирилган мактаб-интернати, 4 та махсус мактаб, 2 та санатория типидаги мактаб, 1 та малака ошириш маркази ва 16 та “Баркамол авлод” болалар мактаби, шунингдек, Ихтисослаштирилган таълим муассасалари агентлиги тизимида 16 та ихтисослаштирилган мактаб ҳамда 1 та Президент мактаби фаолият юритиб келмоқда.

Ҳозирда 935 та умумтаълим мактабларининг 839 таси янги ўқув йилига шай ҳолатга келтирилган. 96 тасида қурилиш-таъмирлаш ишлари якуний босқичда олиб борилмоқда.

Жумладан:
✅ 61 та оғир тоифадаги мактабда мукаммал таъмирлаш;

✅ Инвестиция дастурига асосан 2 та янги мактаб қуриш, 33 та мактабни реконструкция қилиш ишлари давом этмоқда.

✅ 429 та мактабда вилоят маҳаллий бюджетидан ажратилган 11 млрд 195 млн сўм ҳисобига жорий таъмирлаш ишлари якунланди.

Жорий ўқув йилида вилоятимиздаги мактабларга 62 минг 956 нафар ўғил-қизлар 1-синфга қабул қилинади. Уларга 12 номдаги ўқув қуролларидан иборат 62 минг 956 дона "Президент совғалари" ўз манзилларига тўлиқ етказиб берилган.

Маълумот учун, ўтган ўқув йилида вилоятдаги мактабларнинг 1-синфига 60 минг 938 нафар ўқувчилар қабул қилинган ва 32 минг 865 нафар йигит-қизлар 11-синфни тугатган.

Сурхондарё вилояти ҳокимлиги Матбуот хизмати

Каналга уланиш: t.me/axborot_xizmati
Telegram | Facebook | Instagram | YouTube | Web-site